लूका 1:75 - परमेश्‍वरए ताँ तमु क्युइर

⁷⁵ छतसि ङ्यो आङ्हिंनाले ह्रोंसए छ्ह तिगोंन् परमेश्‍वरए के छेनाले लसि खीए उँइँर छ्याँबै छ्ह थोल् खाँरिगे बिबै ताँ ओंसोंन् पोंल।

लूका 1:75 ပူးပေါင်းရင်းမြစ်များ

मत्ती 1:21

चइ च्‍ह घ्रि फिब्‍मुँ। क्हिइ खीए मिं येशू थेंब्मुँ। तलेबिस्याँ खीजी ह्रोंसए म्‍हिमैंलाइ चमैंए पापउँइँले जोगेमिंब्‍मुँ।”

लूका 1:74

छतसि‍ ङ्योए शत्तुरमैंए योउँइँले ङ्यो फ्रेमिंब्मुँ,

एफिसी 1:4

च आशिकमैं तो जा बिस्‍याँ, ङ्यो परमेश्‍वरए उँइँर छ्याँबै छ्ह थोल् खाँरिगे बिसि चु ह्‍युल बनेब् भन्दा ओंसोंन् ख्रीष्‍टने घ्रिन् लसि खीजी ङ्योलाइ त्‍हाँइ।

एफिसी 2:10

परमेश्‍वरजी ङ्योलाइ ख्रीष्‍टने घ्रिन् तल् पिंसि छ्याँबै के लरिगे बिसि बनेब् ग। ङ्योइ च छ्याँबै केमैं लरिगे बिसि ओंसों ओंनोंन् खीजी च केमैंए तौदु लथेंइ।

एफिसी 4:24

झाइले छारा छ्याँबै क्‍वें खिब् धोंले परमेश्‍वरल् धों तबै छ्याँबै बानि ब्योर क्हेमैंल् तरिगे।

१ थेसलोनिकी 4:1

ओ अलि-अङाँमैं, आखिरि ताँ तो मुँ बिस्‍याँ, क्हेमैंइ छ्ह खैले थोल् त्हुमुँ धै परमेश्‍वरए सैं खैले तोंन् लल् त्हुम् बिबै ताँ क्हेमैंइ ङिउँइँले लोइमुँ। छतसि ओंसोंन् लोब् धोंले क्हेमैंइ लसिन् मुँ, अझै छलेन् छ्ह थोदै ह्‍याद् बिसि ङि प्रभु येशूए मिंर क्हेमैंने यो छ्युँ लसि अर्थिमैं पिंम्।

१ थेसलोनिकी 4:7

परमेश्‍वरजी ङ्योलाइ आछ्याँबै केर प्रबर आङिं, बरु पबित्र छ्ह थोबै ल्हागिर हुइब् ग।

२ थेसलोनिकी 2:13

प्रभुजी खोबै अलि-अङाँमैं, क्‍हेमैंए ल्हागिर ङिइ खोंयोंन् बिलै परमेश्‍वरलाइ धन्‍यबाद पिंल् त्हुम्, तलेबिस्याँ परमेश्‍वरए प्ल्हजी क्हेमैंलाइ पबित्र लमिंबै केउँइँले नेरो क्हेमैंइ क्ह्रोंसेंन्बै ताँ क्वेंबइले परमेश्‍वरजी क्‍हेमैंलाइ जोगेबर त्हाँइ।

२ तिमोथी 1:9

परमेश्‍वरजी ङ्यो जोगेमिंसि खीए म्‍हिमैं लबै ल्हागिर त्‍हाँइ। ङ्योइ छ्याँबै केमैं लमा आङिं, ङ्योए फिर मुँबै खीए दयाम्हाँयाउँइँले परमेश्‍वरजी ङ्यो त्हाँबै सैं खइ। तलेबिस्याँ ह्‍युल बनेब् भन्दा ओंसों ओंनोंन् ख्रीष्‍ट येशूउँइँले खीजी च दयाम्हाँया ङ्योलाइ पिंल।