लूका 1:74 - परमेश्‍वरए ताँ तमु क्युइर

⁷⁴ छतसि‍ ङ्योए शत्तुरमैंए योउँइँले ङ्यो फ्रेमिंब्मुँ,

लूका 1:74 ပူးပေါင်းရင်းမြစ်များ

भजनमैं 119:134

क्हिजी ल्हैदिबै केमैं लल् खाँबै ल्हागिर ङलाइ दु:ख पिंब्मैंउँइँले ङ जोगेमिंन्।

लूका 1:71

खीजी ङ्योए शत्तुरमैं नेरो ङ्योए फिर खैच्हिजिले पोंब्‍मैंउँइँले ङ्यो जोगेमिंइमुँ।

लूका 1:73

खीजी ङ्योए खे अब्राहामने क्ह्रोंसेंन ङइ फैबै बाछा पूरा लमिंब्मुँ बिसि बाछा फैल।

लूका 1:75

छतसि ङ्यो आङ्हिंनाले ह्रोंसए छ्ह तिगोंन् परमेश्‍वरए के छेनाले लसि खीए उँइँर छ्याँबै छ्ह थोल् खाँरिगे बिबै ताँ ओंसोंन् पोंल।

रोमी 6:22

दिलेया तारे क्‍हेमैं पापउँइँले फ्रेसि परमेश्‍वरए के लबै म्हिमैं तइमुँ। छतसि तारे क्हेमैंने तल् त्हुबै रो छ्याब् आरेबै छ्ह ग। छले क्हेमैंइ खोंयोंइ आखाँबै छ्ह योंम्।

रोमी 8:15

तलेबिस्याँ परमेश्‍वरजी क्‍हेमैंलाइ पिंबै प्ल्हजी क्‍हेमैंलाइ क्ल्हे म्रोंसि ङ्हिंबै केब्छैं धों तल् आत्हुब् लमिंइमुँ, बरु पबित्र प्ल्हजी क्‍हेमैंलाइ परमेश्‍वरए च्‍ह-च्हमिमैं लमिंइ, छतसि खीए पबित्र प्ल्हए भोंउँइँले ङ्योइ परमेश्‍वरने “आबा, ओ ङए आबा,” बिल् योंइमुँ।

२ तिमोथी 1:7

तलेबिस्याँ परमेश्‍वरजी ङ्योलाइ ङ्हिंबै सैं आङिं, दिलेया भोंबै सैं, म्हाँया लबै सैं नेरो आछ्याँबै के आल बिसि ह्रोंसए सैं फैल् खाँबै पबित्र प्ल्ह पिंइमुँ।

हिब्रू 2:15

छले छ्ह तिगोंन् सिल् त्‍हुम् बिसि ङ्हिंरिबै म्हिमैंलाइ ङ्हिंबउँइँले फ्रेमिंइ।

हिब्रू 9:14

ख्रीष्‍टए पबित्र कोजी झन् ङ्योए आछ्याँबै सैंलाइ कति छेनाले ख्रुमिंमुँ। तलेबिस्याँ खीजी परमेश्‍वरए प्ल्हउँइँले ह्रोंसलाइ तोइ खोट आरेबै ख्रो तसि परमेश्‍वरलाइ पिंवाइ। छतसि ख्रीष्‍टए कोजी ङ्योए सैंलाइ छेनाले चोखो लमिंबइले ङ्योइ सोगों परमेश्‍वरए सेवा लल् खाँम्।

दर्शन 2:10

क्हेमैंए फिर खबि छेबै दुःखने आङ्हिंन्। थेद्, क्‍हेमैंलाइ पापर च्होवाबै ल्हागिर दुष्‍टइ को-कोइलाइ झेलर झोंब्‍मुँ। क्‍हेमैंलाइ च्‍युगैं मत्‍त्रे दुःख तब्‍मुँ। दिलेया क्‍हेमैं आसिन् समा ङए फिर बिश्‍वास लरिद्, छलस्याँ ङइ क्‍हेमैंलाइ इनामर खोंयोंइ आखाँबै छ्ह पिंब्मुँ।