लूका 1:72 - परमेश्‍वरए ताँ तमु क्युइर

⁷² खीजी ङ्योए खेमैंने फैबै पबित्र बाछा मैंसि ङ्योए फिर ल्हयो खमिंइमुँ।

लूका 1:72 ပူးပေါင်းရင်းမြစ်များ

उत्पत्ति 12:3

क्हिए फिर आशिक पिंब्मैंलाइ ङइ आशिक पिंब्मुँ, क्हिए फिर सराप पिंब्मैंलाइ ङइ सराप पिंब्मुँ। क्हिउँइँलेन् पृथ्‍बीर्बै ताँन् म्हिमैंइ आशिक योंब्मुँ।”

उत्पत्ति 22:18

ङए ताँ क्हिइ ङिंइ। छतसि क्हिए सन्तानउँइँले ह्‍युलर्बै ताँन् ह्रेंमैंइ आशिक योंब्मुँ।”

उत्पत्ति 26:4

मुर्बै सारमैं धोंले क्हिए सन्तानमैं ल्हें लमिंब्मुँ। धै चु ताँन् ह्‍युल चमैंलाइ पिंब्मुँ। क्हिए सन्तानमैंउँइँलेन् ह्‍युलर्बै ताँन् ह्रेंमैंइ आशिक योंब्मुँ।

उत्पत्ति 28:14

क्हिए सन्तानमैं ह्‍युलर्बै स त्हुल् धोंलेन् ल्हें तब्मुँ। क्हिए सन्तान स्यार (पूर्व) छ्यो-न्हुँ (पश्‍चिम) च्योंबो (उत्तर) नेरो छ्यो ल्हुइ (दक्षिणाइ) खन्तोंदोंन् ल्हें तदै ह्‍याब्मुँ। क्हि नेरो क्हिए सन्तानउँइँले ह्‍युलर्बै ताँन् म्हिमैंइ आशिक योंब्मुँ।

भजनमैं 105:42

ह्रोंसए के लबै म्हि अब्राहामने फैबै पबित्र बाछा खीजी चिइ।

भजनमैं 106:45

खीजी चमैंए ल्हागिर ह्रोंसइ फैबै बाछा मैंइ, धै चमैंए फिर खोंयोंइ आनुबै म्हाँया लबइले खीए सैं एइ।

भजनमैं 111:5

खीने बालु ङ्हिंब्मैंलाइ खीजी चबै सैमैं जुटेमिंब्मुँ; धै खीजी फैबै बाछा खोंयोंइ मैंरिम्।

भजनमैं 98:3

इस्राएलए परवाए फिर लबै खोंयोंइ आनुबै म्हाँया नेरो चमैंइ खोंयोंइ खीए फिर भर लल् खाँम् बिसि याहवेहजी मैंइमुँ। ङ्योए परमेश्‍वरजी जोगेमिंबै केमैं ह्‍युलर्बै ताँन् साँदर टिबै ह्रेंमैंइ म्रोंइमुँ।

रोमी 11:28

सैं तोंबै ताँए फिर बिश्‍वास आलसि यहूदीमैं परमेश्‍वरए शत्तुर तबइले क्‍हेमैंलाइ फायदा तब् ग। दिलेया परमेश्‍वरजी चमैंए खेमैंलाइ त्‍हाँबइले चमैंलाज्यै या खोम्।

रोमी 9:4

परमेश्‍वरजी चमैंलाइ ह्रोंसए म्‍हिमैं तबै ल्हागिर त्‍हाँइ। खीजी चमैंलाइ ह्रोंसए प्‍हसेमैं लसि खीए औदिबै केमैं उँइँमिंइ। खीजी चमैंए खेमैंने बाछा फैसि ठिम पिंइ, धै खीए सेवा लबै या लोमिंइ, छले खीजी फैबै बाछामैं चमैंइ योंइ।