लूका 1:70 - परमेश्‍वरए ताँ तमु क्युइर

⁷⁰ खीजी चु ताँ स्योंम् ओंनोंन् ह्रोंसए पबित्र अगमबक्‍ताए सुँउँइँले पोंल।

लूका 1:70 ပူးပေါင်းရင်းမြစ်များ

उत्पत्ति 12:3

क्हिए फिर आशिक पिंब्मैंलाइ ङइ आशिक पिंब्मुँ, क्हिए फिर सराप पिंब्मैंलाइ ङइ सराप पिंब्मुँ। क्हिउँइँलेन् पृथ्‍बीर्बै ताँन् म्हिमैंइ आशिक योंब्मुँ।”

उत्पत्ति 3:15

क्हि नेरो च्हमिरिए म्हाँजोरि धै क्हिए सन्तानमैं नेरो च्हमिरिए सन्तानए म्हाँजोरि ङइ प्होंब्-नेब् लमिंम्। च्हमिरिए सन्तानइ क्हिए क्र प्‍लेब्मुँ धै क्हिइ चए प्‍हले तिंजुर चोब्‍मुँ।”

उत्पत्ति 49:10

यहूदाए योउँइँले म्रुँए प्हरे स्योरिब् आरे, चए क्ल्हे आखन् समा, ग्याल्स ओलेबै प्हरे चए प्हलेए प्हाँइले स्योरिब् आरे। छतमा ह्रेंमैंइ चइ बिबै ताँ ङिंब्मुँ।

मर्कूस 12:36

परमेश्‍वरए पबित्र प्ल्हजी दाऊदने चु ताँ बिद् बिसि परमेश्‍वरजी कुल्मिंबै म्रुँए बारेर छ बिल, ‘ङइ क्‍हिए शत्तुरमैं क्‍हिए प्‍हले न्‍होंर आथेंन् समा क्‍हि ङए क्‍योलोउँइँ टिद्। बिसि याहवेहजी ङए प्रभुने बिल।’

लूका 24:44

झाइले खीजी चमैंने बिइ, “मोशाइ प्‍ह्रिबै ठिम, अगमबक्‍तामैंइ प्‍ह्रिबै ताँमैं नेरो भजनसंग्रहर ङए बारेर प्‍ह्रिथेंबै ताँमैं पूरा तल् त्‍हुम् बिसि ङइ ओंसोंन् क्‍हेमैंने मुँमा बिल।”

चेला चिब्मैंए केमैं 28:25

छतसि चमैं खें-खेंमैंन् ताँ आक्‍ह्रिसि ह्‍याबि छेमा पावलइ चमैंने बिइ, “परमेश्‍वरए प्ल्हजी क्हेमैंए खेमैंने यशैया अगमबक्‍ताउँइँले बिमिंबै चु ताँ ठिकन् मुँल,

रोमी 1:2

परमेश्‍वरजी स्‍योंमन् चु सैं तोंबै ताँ म्‍हिमैंलाइ पिंम् बिसि बाछा फैल। छले खीजी बाछा फैबै ताँ अगमबक्‍तामैंइ परमेश्‍वरए छ्वेर प्‍ह्रिथेंइ।

हिब्रू 3:7

छतसि पबित्र प्ल्हजी बिइमुँ, “तिंयाँ क्‍हेमैंइ परमेश्‍वरजी बिबै ताँ थेइबिस्‍याँ,

१ पत्रुस 1:12

चमैंने उँइँमिंबै ताँ चमैंए ल्हागिर आङिं, चमैंइ क्‍हेमैंए सेवा लरिल बिसि परमेश्‍वरजी सेल् पिंइ। धै चु ताँ स्वर्गउँइँले कुल्मिंबै पबित्र प्ल्हउँइँले क्हेमैंने सैं तोंबै ताँ बिमिंबै म्हिमैंउँइँले क्हेमैंइ थेइमुँ। स्‍वर्गदूतमैंज्यै या चु ताँ था सेदा ङ्हाँइमुँ।

२ पत्रुस 1:21

तलेबिस्याँ अगमबाणि पोंमा म्हिमैंइ खेंमैंए सैंर खबै ताँमैं पोंब आङिं, बरु पबित्र प्ल्हजी म्‍हिमैंलाइ लोमिंसि चमैंइ परमेश्‍वरजी पोंन् बिबै ताँमैं पोंब् ग।

२ पत्रुस 3:2

स्‍योंम्‍बै पबित्र अगमबक्‍तामैंइ पोंबै अगमबाणिए ताँमैं नेरो क्‍हेमैं ङाँर खबै कुल्मिंबै चेला चिब्मैंइ बिबै ताँमैं क्हेमैंइ मैंरिगे बिब ङए सैं मुँ।

दर्शन 19:10

स्‍वर्गदूतइ छबिमा ङ चलाइ फ्‍योबर पद्खु तइ, दिलेया चइ ङने बिइ, “छ आलद्! ङ परमेश्‍वरए के लबै दूत मत्‍त्रे ग। ङज्यै या क्‍हि नेरो क्हिए अलि-अङाँमैं धोंले येशूए ताँ क्‍वेंम्। परमेश्‍वरलाइ मत्‍त्रे फ्‍योद्।” तलेबिस्याँ येशूजी पिंबै ग्वाइ अगमबक्‍तामैंइ पोंइ।