लूका 1:66 - परमेश्‍वरए ताँ तमु क्युइर

⁶⁶ च ताँ थेब्मैं ताँनइ “चु कोलो लिउँइँ खैब तब् ङ्‍हे?” बिसि ह्रोंसए सैंर मैंइ। तलेबिस्याँ परमेश्‍वरए शक्‍ति चए फिर मुँल।

लूका 1:66 ပူးပေါင်းရင်းမြစ်များ

उत्पत्ति 37:11

छतमा चए आघेंमैंइ चने ह्रिस लबर होंइ। दिलेया आबाइ बिस्याँ च ताँ सैं न्होंर्न थेंइ।

उत्पत्ति 39:2

दिलेया याहवेह परमेश्‍वर योसेफने बालु मुँल। छतसि चर च प्लब् ततै ह्‍याइ। च ह्रोंसए क्ल्हे मिश्रीथेंए धिंर टिमल।

भजनमैं 119:11

क्हिए बिरोधर ङइ पाप आलरिगे बिसि क्हिजी बिबै ताँमैं ङए सैं न्होंर जोगेसि थेंइमुँ।

भजनमैं 80:17

ह्रोंसजी त्हाँबै ह्रेंलाइ आशिक पिंन्! चमैंलाइ क्हिजी भोंब् लमिंइ।

भजनमैं 89:21

ङए यो चए फिर तब्मुँ; ङए पाख्रइ चलाइ भोंब लमिंब्मुँ।

लूका 1:80

च लिउँइँ कोलो यूहन्‍ना थेब् तदै ह्‍यासि सैं या चिदै ह्‍याइ। दिलेया इस्राएलीमैंए म्हाँजोर चु ताँमैं बिबै त्हे आतन् समा च म्‍हि आटिबै ‍क्ल्ह्‍योर्न टिइ।

लूका 2:19

दिलेया मरियमइ चु ताँन् ताँ छेन्‍ले मैंसि सैंर थेंइ।

लूका 2:40

परमेश्‍वरए आशिक खीए फिर मुँल। छतसि कोलो फारदै भोंब नेरो ह्रब-सेब त‍दै ह्‍याइ।

लूका 2:51

च लिउँइँ येशू चमैंने बालु नासरत नाँसर एह्‍याइ, धै आबा आमाइ बिब् ङिंसि टिइ। चर म्रोंबै ताँन् ताँमैं आमाइ सैंर थेंइ।

लूका 9:44

“ङइ बिबर होंबै ताँ क्हेमैंइ छेनले सैंर थेंन्, तलेबिस्याँ म्‍हिमैंइ ङ म्हिए च्हलाइ म्‍हिमैंए योर सुम्‍पिदिवाब्‍मुँ।”

चेला चिब्मैंए केमैं 11:21

प्रभुए आशिक ने शक्‍ति चमैए फिर तबाइले ल्हें ल्हें म्हिइ प्रभु येशूए फिर बिश्‍वास लसि खी ङाँइ सैं एइ।

कलस्सी 1:5

क्हेमैंइ योंल् त्हुबै सैमैं परमेश्‍वरजी क्हेमैंए ल्हागिर स्वर्गर जोगेथेंइमुँ बिबै आशा लसि क्हेमैंइ छाबै बिश्‍वास नेरो म्हाँया लब् ग। चु आशाए ताँ ओंसोंन् ख्रीष्‍टउँइँले खबै सैं तोंबै ताँउँइँले सेल।