लूका 1:51 - परमेश्‍वरए ताँ तमु क्युइर

⁵¹ खीजी ह्रोंसए भोंबै योजी थेबै केमैं लइँमुँ, सैं न्हों-न्हों छलम् छुलम् बिसि थेब् प्हैंब्मैंलाइ सग्याँ-प्हुग्याँ लवाइमुँ।

लूका 1:51 ပူးပေါင်းရင်းမြစ်များ

उत्पत्ति 11:8

छले याहवेहजी च क्ल्ह्‍योउँइँले चमैं ह्‍युल तिगोंन् प्हुँमिंइ। छ लवामा चमैंइ च सहर बनेब पिवाइ।

उत्पत्ति 6:5

पृथ्बीरि म्हिमैंइ ल्हें आछ्याँबै केमैं लब्रें लइ। धै खोंयोंन् बिलै चमैंइ आछ्याँबै ताँमैं मत्‍त्रे मैंरिब याहवेहजी म्रोंइ।

उत्पत्ति 8:21

याहवेहजी ख्रोए लिंबै थाँ किंबै लिउँइँ ह्रोंसए सैंर बिइ, “म्हिए सैंर्बै ताँमैं कोलो ओंनोंन् आछ्याँब तलेया म्हिइ लबै केउँइँले तारे ङइ खोंयोंइ पृथ्बीलाइ सराप पिंरिब् आरे। तोगो ङइ नास लब् धोंले सो प्ह्‍याबै ताँन् सैमैं धबै ङ नास लरिब् आरे।”

भजनमैं 118:15

“याहवेहए क्योलो योजी शक्‍तिए के लइमुँ,” बिसि ठिक के लब्मैंइ तम्बुर सैं तोंबै कै नेरो ट्होब कै तेम्।

भजनमैं 33:10

अरू ह्रेंमैंइ लबै आछ्याँबै चाँजोमैं याहवेहजी फुवाम्, चमैंइ लल् म्हैबै आछ्याँबै केमैं खीजी तल् आपिं।

भजनमैं 52:9

क्हिजी लमिंबै छ्याँबै केमैंए ल्हागिर ङ खोंयोंन् बिलै क्हिए मिंन् थेब् लब्मुँ। क्हिए मिं छ्याँब मुँ, छतसि ङइ क्हिए फिर्न भर लब्मुँ, क्हिजी बिब् ङिंब्मैंने बालुन् ङै या क्हिए मिं क्वेब्मुँ।

भजनमैं 63:5

लिंबै चबै सैमैं चसि म्रेंब् धोंले ङए सो छिं ङ्हाँब्मुँ, ङए सुँइ सैं तोंबै क्वेमैं प्रिंसि क्हिलाइन थेब् लब्मुँ,

भजनमैं 89:10

क्हिजी सैवाबै म्हि धोंले राहाबलाइ त्हुल भुँ लवाइ; क्हिजी ह्रोंसए शत्तुरमैंलाइ ह्रोंसए भोंबै योजी सग्याँ प्हुँग्याँ लवाइ।

भजनमैं 89:13

क्हिए पाख्रर बेल्‍ले शक्ति मुँ; क्हिए यो भोंब मुँ, क्हिए क्योलो यो नुब मुँ।

भजनमैं 98:1

याहवेहए मिंर छारा क्वे प्रिंन्, तलेबिस्याँ खीजी औदिबै केमैं लइमुँ! खीए क्योलो यो नेरो पबित्र योजी ह्रोंसए म्हिमैं दु:खउँइँले फ्रेमिंइमुँ।

प्रस्थान 18:11

याहवेह ताँन् देवतामैं भन्दा थेब मुँन बिसि ङइ तोगो सेइ, तलेबिस्याँ मिश्रीमैंइ इस्राएलीमैंए फिर आछ्याँबै के लमा खीजी चमैंलाइ जोगेमिंइ।”

रोमी 1:21

चमैंइ परमेश्‍वरलाइ ङो सेनाबिलेया परमेश्‍वरलाइ लल् त्‍हुबै मान आल। धै चमैंइ खोंयोंइ परमेश्‍वरलाइ धन्‍यबाद आपिं, उल्‍टो चमैं ह्रोंसए सैंर तो मैंमुँ चन् लसि केर आफेब् तयाइ, छतमा चमैंए बुद्धि आरेबै खोक्रो सैं मिछु तयाइ।

२ कोरिन्थी 10:5

परमेश्‍वरए ज्ञानए बिरोध लसि आतबै ताँ पोंब्मैं नेरो थेब् प्हैंसि पोंबै म्हिमैंए बिचारमैं ङिइ नास लवाम्, धै छाबै म्हिमैंलाइ ख्रीष्‍टजी बिबै ताँ म्हाँदिलन् त्हुब लवाम्।

१ पत्रुस 5:5

छलेन ओ फ्रेंसि छमिमैं, क्हेमैंए चिब्मैंइ बिब् ङिंन्। क्‍हेमैं ताँन् ह्रोंस ह्रोंसए न्होंर थेब् आप्हैंन्ले घ्रिइ घ्रिए सेवा लद्, तलेबिस्याँ परमेश्‍वरए छ्वेर छले प्ह्रिइमुँ: “परमेश्‍वरजी थेब् प्हैंब्मैंए बिरोध लम्, दिलेया थेब् आप्हैंब्मैंए फिर आशिक पिंम्।”

दर्शन 18:8

दिलेया चए फिर तिगेंर्न ल्हें दु:खमैं खसि, रोग, शोक नेरो अँङ्गल् तब्‍मुँ। झाइले चलाइ मिर ख्रोंवाब्‍मुँ, तलेबिस्याँ चए निसाफ लबै याहवेह परमेश्‍वर थेबै शक्‍ति मुँबै परमेश्‍वर ग।