लूका 1:49 - परमेश्‍वरए ताँ तमु क्युइर

⁴⁹ तोन्‍दोंरि लमिंल् खाँबै परमेश्‍वरजी ङए ल्हागिर बेल्‍ले थेबै के लमिंइमुँ। खीए मिं पबित्र मुँ।

लूका 1:49 ပူးပေါင်းရင်းမြစ်များ

उत्पत्ति 17:1

अब्राम कुच्युसे कुदिं तमा याहवेह अब्राम ङाँर युसि चने बिइ, “तोन्दोंरि सै लल् खाँबै परमेश्‍वर ङ ग। छतसि छ्याँबै केमैं लसि ङए उँइँर प्रद्।

भजनमैं 111:9

खीजी ह्रोंसए म्हिमैंलाइ जोगेमिंइ; ह्रोंसइ फैबै बाछा खोंयोंन् बिलै तरिगे बिसि खीजी बिइ। खीए मिं पबित्र नेरो मान लल् त्हुब मुँ!

भजनमैं 24:8

मान लल् त्हुबै म्रुँ खाब् जा? याहवेहन् ग! खी भोंब नेरो शक्‍ति मुँब मुँ, याहवेहजीन् ल्हडें ट्होम्।

भजनमैं 99:3

बेल्‍ले मान लल् त्हुबै क्हिए मिं चमैंइ थेब् लरिगे! खी पबित्र मुँ!

भजनमैं 99:9

ङ्योए याहवेह परमेश्‍वरए मिं थेब् लद्, धै खीए पबित्र कोंर खीए मिं क्वेद्; तलेबिस्याँ ङ्योए याहवेह परमेश्‍वर पबित्र मुँ।

प्रस्थान 15:11

“ओ याहवेह, देवतामैं न्होंर क्हि धों तब खाब् मुँ? बेल्‍ले पबित्र, बेल्‍ले मान लल् त्हुब, औदिबै के लबर क्हि धों तब खाब् मुँ?

मर्कूस 5:13

झाइले येशूजी चमैंने ह्‍याद् बिमा मोंमैं च म्‍हिउँइँले त्‍होंसि तिलिमैंए न्‍होंर होंबै तोदोंन् हजार ङ्हिंदे तिलिमैं प्रोउँइँले तेयासि तालर प्ल्हुँह्‍यासि सियाइ।

लूका 1:48

तलेबिस्याँ ङ धों तबै आह्र आसेबै ह्रोंसए केब्स्योए फिर खीजी ल्हयो खसि ङ्‍ह्‍योइमुँ, तारे पिरु ताँन् म्‍हिमैंइ ङने ‘ङ्‍हो सब् मुँन,’ बिब्‍मुँ।

लूका 1:50

खीए मान लब्‍मैंए पुस्‍ता-पुस्‍ताए फिर खीजी ल्हयो खम्।

एफिसी 3:20

ङ्योइ ह्रिब् भन्दा, ङ्योइ मैंब् भन्दा थेबै केमैं परमेश्‍वरजी लल् खाँम्। खीजी च के खीए शक्‍तिजी ङ्योए सैं न्‍होंर्न लम्।

दर्शन 15:4

ओ प्रभु, क्‍हि म्रोंसि ताँन् म्‍हिमैं ङ्हिंल् त्‍हुम्, धै ताँन् म्हिमैंइ क्हिए मान लल् त्‍हुम्, तलेबिस्याँ क्‍हि मत्‍त्रे पबित्र परमेश्‍वर ग। ताँन् ह्रेंमैं क्‍हि ङाँर खसि क्हिलाइ फ्‍योब्‍मुँ, तलेबिस्याँ क्‍हिजी ठिक निसाफ लम् बिसि ताँनइ म्रोंल् खाँइमुँ।”

दर्शन 4:8

च सो प्ह्‍याबै सैमैं प्लिल प्‍ह्‍या टु-टु मुँल, चमैंए ज्यु तिगोंन् नेरो प्‍ह्‍यागों न्होंरै या मि-मि मुँल। चमैंइ त्‍हिंयाँ म्‍हुँइँस “तोन्दोंरि लल् खाँबै याहवेह परमेश्‍वर पबित्र, पबित्र, पबित्र मुँ। खी ओंसों ओनोंन् मुँल, तिंयाँ या मुँ, लिउँज्‍यै या तरिब्‍मुँ।” बिसि भों आन्हल्‍ले भजन प्रिंबै प्रिंबन् लरिमल।