लूका 1:2 - परमेश्‍वरए ताँ तमु क्युइर

² ओंसों ओंनोंन् चु ताँन् ताँ म्रोंब नेरो येशूउँइँले खबै सैं तोंबै ताँ बिमिंबै म्‍हिमैंइ च ताँमैं ङ्योलाइ सेल् पिंल। छतसि चमैंउँइँले ल्हें ताँमैं योंसि म्‍हिमैंइ प्‍ह्रिना।

लूका 1:2 ပူးပေါင်းရင်းမြစ်များ

मर्कूस 1:1

चु परमेश्‍वरए च्‍ह येशू ख्रीष्‍टउँइँले खबै सैं तोंबै ताँ ग।

मर्कूस 16:20

झाइले च चेलामैं खन्‍तोदोंन् ह्‍यासि खीए ताँ बिप्रइ। प्रभु चमैंने बालु तसि औदिबै चिनुमैं लसि चमैंइ बिबै ताँमैं क्ह्रोंसेंन् ग बिसि उँइँमिंइ।

मर्कूस 4:14

ल्हु, थेद्, चए अर्थ छले ग: प्‍लु प्‍लुबै म्‍हि परमेश्‍वरए बचन बिमिंबै म्‍हि धों तब् ग।

लूका 24:48

तलेबिस्याँ क्‍हेमैंन् चु ताँए ग्वाइ पिंब्मैं ग।

यूहन्‍ना 15:27

क्हेमैं ओंसों ओंनोंन् ङने बालु मुँबइले क्हेमैं या ङए साक्षि ग।”

यूहन्‍ना 16:4

दिलेया चमैंइ चु के लमा ङइ बिबै ताँ क्हेमैंइ मैंरिगे बिसि ङइ चु ताँमैं क्हेमैंने बिइमुँ। “ङइ ओंसोंन् क्हेमैने चु ताँ आबि, तलेबिस्याँ ङ क्हेमैंनेन् मुँल।

चेला चिब्मैंए केमैं 1:3

येशूजी ल्हें दुःख नोबै लिउँइँ खीजी “ङ सोगों मुँ” बिसि खाबज्यै या थोल् आखाँबै ल्हें थेबै प्रमाणउँइँले चमैंए उँइँर उँइँमिंइ। प्लिच्यु त्हिंइ समा खी चमैं ङाँर म्रोंखब्रें लइ धै परमेश्‍वरए ग्याल्सए ताँ चमैंने बिमिंइ।

चेला चिब्मैंए केमैं 1:8

दिलेया पबित्र प्ल्ह क्‍हेमैंए फिर युबै लिउँइँ क्‍हेमैंइ शक्‍ति योंब्‍मुँ। धै क्हेमैं यरूशलेमर, ताँन् यहूदीया नेरो सामरियार, धै ह्‍युलए कुना-कुना समा ङए ग्वाइ पिंब्मैं तब्मुँ।”

चेला चिब्मैंए केमैं 14:25

चमैंइ पर्गा सहररै या परमेश्‍वरए ताँ बिमिंसि अटालिया नाँसर तयुइ।

चेला चिब्मैंए केमैं 16:6

पबित्र प्ल्हजी एशिया ह्‍युलरि प्रभुए ताँ बिल् आपिंबइले चमैं फ्रिगिया नेरो गलातिया ह्‍युल ततै ह्‍यामा

चेला चिब्मैंए केमैं 17:11

चर्बै यहूदीमैं थेसलोनिकाथेंमैं भन्दा स्वाब मुँल: चमैंइ परमेश्‍वरए ताँ बेल्‍ले छ्याँब ङ्हाँसि सैंर किंइ, धै चु ताँमैं पावलइ बिबै ताँने क्ह्रिम् उ आक्ह्रि बिसि त्हिंइ ह्रोंसे परमेश्‍वरए छ्वेर्बै ताँमैं खेसि क्होल् म्हैमल।

चेला चिब्मैंए केमैं 26:16

तारे रेद्। क्‍हि ङए सेवा लबर नेरो ङए ग्वाइ पिंबर त्हाँइमुँ। छतइरि ङ क्‍हि ङाँर म्रोंयुइमुँ। तिंयाँ क्हिइ ङ म्रोंबै ताँ नेरो तारे पिरु ङइ क्‍हिने उँइँमिंबै ताँमैं या क्‍हिइ ग्वाइ पिंल् त्हुम्।

चेला चिब्मैंए केमैं 4:20

तलेबिस्याँ ङिम् ङिइ म्रोंब नेरो थेबै ताँमै आपोंल्‍ले टिलन् आखाँ।”

चेला चिब्मैंए केमैं 8:4

च त्हेर प्हुँयाँबै चेलामैंइ खन्तोंदोंन् ह्‍यासि येशूउँइँले खबै सैं तोंबै ताँ बिप्रइ।

रोमी 15:16

तलेबिस्याँ परमेश्‍वरजी ङलाइ अरू ह्रेंमैंए ल्हागिर येशू ख्रीष्‍टए सेवा लबै म्‍हि तल् पिंइमुँ। छतसि ख्रो पिंबै खेगिमैंइ परमेश्‍वरजी खोबै भेटि पिंब् धोंले ङइ सैं तोंबै ताँ बिमिंसि अरू ह्रेंमैंलाज्यै परमेश्‍वर ङाँर पमुँ। चमैंलाइ पबित्र प्ल्हजी चोखो लसि चमैं परमेश्‍वरजी खोबै भेटि तइमुँ।

१ कोरिन्थी 4:1

छतसि ङिलाइ येशू ख्रीष्‍टए के लब्मैं नेरो परमेश्‍वरउँइँले खबै बुद्धिए ताँमैं ङिए जिम्‍मार थेंइमुँ बिसि म्हिमैंइ मैंल् त्‍हुम्।

हिब्रू 2:3

खोंयोंइ आखाँबै छ्ह पिंबै च्हौ थेबै मुक्‍तिलाइ तो धोंइ आङ्हाँस्याँ ङ्यो खैले परमेश्‍वरउँइँले स्योरल् खाँमुँ? चु मुक्‍तिए ताँ धाँसे ओंसों प्रभु येशूजीन् बिब् ग, धै खीए ताँ थेब्‍मैंइ चु ताँ क्ह्रोंसेंन ग बिसि ङ्योने उँइँमिंइ।

१ पत्रुस 5:1

ङ बिश्‍वासी न्होंर्बै एल्डर पत्रुसउँइँले क्‍हेमैंए एल्डरमैंने यो छ्युँ लमुँ। ख्रीष्‍टजी खैले दुःख सैदिल बिबै साक्षि ङ मुँ। धै लिउँइँ खीए थेबै मान तमैंया ङ खीने बालुन् तब्मुँ।

२ पत्रुस 1:16

ङ्योए प्रभु येशू ख्रीष्‍टए शक्‍तिए बारेर नेरो खी धबै युब्मुँ बिबै ताँ ङिइ क्‍हेमैंने बिल। चु ताँ म्हिमैंइ पार्दिबै स्योलिबै ताँमैं आङिं। खीए थेबै शक्‍तिए औदिबै केमैं ङिए मिइन म्रोंल।