लूका 1:13 - परमेश्‍वरए ताँ तमु क्युइर

¹³ दिलेया स्‍वर्गदूतइ चने बिइ, “ओ जकरिया, क्‍हि आङ्हिंन्! तलेबिस्याँ परमेश्‍वरजी क्‍हिए ताँ थेइमुँ। तारे क्‍हिए प्ह्रेंस्यो इलिशिबाइ च्‍ह घ्रि फिब्‍मुँ, च च्‍हए मिं क्हिइ यूहन्‍ना थेंन्।

लूका 1:13 ပူးပေါင်းရင်းမြစ်များ

उत्पत्ति 17:10

क्हि नेरो क्हिए लिउँइँ खबै ताँन् सन्तानमैंज्यै या ङिंल् त्हुबै ताँ चुन् ग: क्हेमैंए न्होंर्बै ताँन् मुँयुँमैंइ ज्युर्बै ट्हुबि क्ह्‍याँसि चिनु लल् त्हुब्मुँ।

उत्पत्ति 17:19

दिलेया परमेश्‍वरजी आब्रहामने बिइ, “आङिं! क्हिए प्ह्रेंस्यो साराईन क्हिए ल्हागिर च्ह घ्रि फिब्मुँ। क्हिइ चए मिं इसहाक थेंब्मुँ। च नेरो चए लिउँइँबै सन्तानने ङइ ङए बाछा फैब्मुँ।

उत्पत्ति 18:14

याहवेहजी लल् आखाँबै सै तोइ मुँ वा? क्हुरिंम्बै ङ युम् बिबै त्हेर ङ क्हि ङाँर एयुब्मुँ। च्हमा साराल च्ह घ्रि तब्मुँ।”

उत्पत्ति 25:21

रिबेका थरि तबइले इसहाकइ ह्रोंसए प्ह्रेंस्योए ल्हागिर याहवेहने प्राथना लइ। चए प्राथना याहवेहजी थेसि रिबेकाइ प्हसे नोइ।

भजनमैं 113:9

थरिस्योलाइ खीजी सैं तोंल्‍ले टिबै ल्हागिरि परवा पिंम्। याहवेहए मिं थेब् लद्!

भजनमैं 118:21

क्हिजी ङए प्राथनाए ज्वाफ पिंबै ल्हागिर नेरो ङलाइ जोगेमिंबै ल्हागिर ङ क्हिलाइ धन्यबाद पिंम्।

मत्ती 1:21

चइ च्‍ह घ्रि फिब्‍मुँ। क्हिइ खीए मिं येशू थेंब्मुँ। तलेबिस्याँ खीजी ह्रोंसए म्‍हिमैंलाइ चमैंए पापउँइँले जोगेमिंब्‍मुँ।”

मत्ती 14:27

दिलेया च तोदोंन् येशूजी चमैंने “आङ्हिंन्, ङन् ग! सैं भोंब् लद्,” बिइ।

मत्ती 28:5

दिलेया स्‍वर्गदूतइ च च्हमिरिमैंने बिइ, “क्‍हेमैं आङ्हिंन्! क्‍हेमैं क्रूसर च्योवाबै येशू म्‍हैबर खब् ग बिसि ङइ सेइमुँ।

मर्कूस 16:6

दिलेया च फ्रेंसिइ चमैंने बिइ, “आङ्हिंन्! क्‍हेमैंइ क्रूसर सैवाबै नासरतर्बै येशू म्‍हैरिल् वा? येशू धबै सोगों तसि रेल् खाँइ। खी चुर आरे। ङ्‌ह्‍योत्ति येशूलाइ थेंबै क्‍ल्‍ह्‍यो चुन् ग।

लूका 1:14

च्‍ह फिबइले क्‍हि बेल्‍ले सैं तोंब्‍मुँ। धै अरू ल्हें म्‍हिमैं या सैं तोंब्‍मुँ।

लूका 1:30

धबै स्‍वर्गदूतइ मरियमने बिइ, “ओ मरियम, क्हि आङ्हिंन्! तलेबिस्याँ परमेश्‍वरजी क्‍हिए फिर ल्हयो खइमुँ।

लूका 2:21

प्‍हसे फिसि प्रेरोर कोलोए ज्युर चिनु लसि खीए मिं येशू थेंइ, तलेबिस्याँ च मिं प्‍हसे नोब् भन्दा ओंसोंन् स्‍वर्गदूतइ आमाने बिथेंल।

चेला चिब्मैंए केमैं 10:31

बिइ, ‘कर्नेलियस! परमेश्‍वरजी क्हिए प्राथना थेइमुँ, धै क्हिइ ङ्हाँदुमैंलाइ तो चैदिमु च पिंबै छ्याँबै केमैं या मैंइमुँ।