12 जकरिया बेल्ले आदिदिसि ङ्हिंयाँइ।
झाइले उ न्होंर होंमा चमैंइ फोस्रे ब्योंबै क्वें खिबै फ्रेंसि घ्रि उए क्योलोउँइँ टिरिब् म्रोंइ। छाब् म्रोंसि चमैं ङ्हिंयाँइ।
स्वर्गदूतइ बिबै ताँ थेसि मरियम बेल्ले ङ्हिंसि “ङने तले छ बिगे? चुइ बिल् म्हैब तो मुँगे?” बिसि मैंबर होंइ।
छबिमा कर्नेलियस ङ्हिंसि स्वर्गदूत ङाँइ ङ्ह्योबै-ङ्ह्योबन् लसि, “बिल् त्हुबै ताँ तोइ मुँ वा?” बिइ। स्वर्गदूतइ चने बिइ, “क्हिइ ङ्हाँदुमैंए खाँचो टार्दिमिंबै छ्याँबै केमैं नेरो क्हिइ लबै प्राथना परमेश्वरए उँइँर फेनेइमुँ।
खीलाइ म्रोंमा ङ सिब् धोंन् तसि खीए प्हलेर पत्गु तइ। दिलेया खीए क्योलो यो ङए फिर थेंसि खीजी बिइ, “आङ्हिंन्, ताँन् भन्दा ओंसोंबै नेरो ताँन् भन्दा लिउँइँबै ङन् ग।
