यहूदाइ प्‍ह्रिबै प्ह्रिछ्या 1:8 - परमेश्‍वरए ताँ तमु क्युइर

⁸ च धोंलेन् चु स्‍योलिबै ताँमैं लोमिंबै म्‍हिमैंज्‍यै या पाप लम्। फाक्‍कर्बै दर्शन म्रोंसि चुमैंइ ह्रोंसए ज्युलाइन पापर च्होवाम्। झाइले प्रभु येशूए हगलाइ तो धोंइ आङ्हाँ, धै थेबै मान योंबै स्‍वर्गदूतमैंलाइ स्यारसि छ्याब् ल्हैदिम्।

यहूदाइ प्‍ह्रिबै प्ह्रिछ्या 1:8 ပူးပေါင်းရင်းမြစ်များ

उत्पत्ति 3:5

क्हेमैंइ च रो चबै त्हिंइर्न क्हेमैंए सैं न्होंर्बै मि थोंब्मुँ, धै छ्याँब आछ्याँब सेल् खाँबै ज्ञान योंसि क्हेमैं या परमेश्‍वर धोंन् तब्मुँ बिसि परमेश्‍वरजी सेइमुँ।”

प्रस्थान 22:28

“परमेश्‍वर आस्यारद्, छलेन क्हेमैंए फिर्बै चिब्मैंलाज्यै या सराप आझोंन्।

हितोपदेश 30:11

कोइ म्हिमैंइ ह्रोंसए आबालाइ सराप झोंम्, धै आमाए छ्याँबै बयन आल।

हितोपदेश 30:17

ह्रोंसए आबालाइ प्ह्रब नेरो आमालाइ म्हि आच्हिबै म्हिए मि ब्याँसिर्बै कगामैंइ चोब्मुँ, धै क्व्रेमैंइ चवाब्मुँ।

लूका 11:25

“छले च मों एखमा च धिं खाँसों ङ्हाँन्ले फ्योसि सजेथेंब् चइ स्याम्।

लूका 12:11

“झाइले म्हिमैंइ क्‍हेमैंलाइ च्हों धिंर्बै चिब्मैं नेरो क्रथेमैं ङाँर क्हाबोमा ‘ङइ तो पोंब् ङ्‍हे? ङइ तो बिल् त्‍हुब् ङ्‍हे?’ बिसि न्हुँ आलद्।

लूका 19:14

“दिलेया चए ह्‍‍युलर्बै म्हिमैंइ च चिबलाइ आखोमल। छतसि चिब ह्‍याबै लिउँइँ ‘चु म्‍हि ङिए फिर म्रुँ तब ङि आसैदि,’ बिद् बिसि थेबै म्रुँ ङाँर चमैंइ स्यार्बो कुलइ।

चेला चिब्मैंए केमैं 23:5

पावलइ बिइ, “ओ अलिमैं, चु ख्रो पिंबै खेगि क्रथे ग बिसि ङइ आसेल। ‘क्हिइ ह्रोंसए म्हिमैंए चिबए फिर आछ्याँबै ताँ आपोंन्।’ बिसि ठिमर प्ह्रिथेंइँमुँ।”

चेला चिब्मैंए केमैं 7:27

छबिमा आगुलाइ दुःख पिंबै इस्राएली म्हिइ मोशालाइ कैवासि बिइ, ‘ङिए फिर चिब् तसि निसाफ लबर खाबइ क्हि कुलइ?

चेला चिब्मैंए केमैं 7:39

“दिलेया ङ्योए खेमैंइ मोशाइ बिबै ताँमैं आङिंल। बरु चमैंइ च वाथेंसि मिश्र ह्‍युलर्न एह्‍याबै सैं लइ।

१ कोरिन्थी 3:17

छतसि खाबज्‍यै परमेश्‍वरए मन्दिर नास लवाम् बिस्याँ परमेश्‍वरज्यै या चलाइ नास लवाब्‍मुँ, तलेबिस्याँ परमेश्‍वरए मन्दिर पबित्र तल् त्हुम्, च मन्दिर क्हेमैंन् ग।

१ थेसलोनिकी 4:8

छतसि खाबइ चु ताँ आम्हाँदि, चइ म्हिमैंए बिरोध लब आङिं, दिलेया क्हेमैंलाइ खीए पबित्र प्ल्ह पिंबै परमेश्‍वरए बिरोध लब् ग।

१ तिमोथी 1:10

नेरो छमिं न्हब्मैं, फ्रें क्ल्योंब्मैं, मुँयुँमैंइ मुँयुँमैं म्हैब्मैं, रिंमैंइ रिंमैं म्हैब्मैं, म्हि क्हाइ बोब्मैं, ह्‍योमैं, स्योर्गुमैं, स्योर तेसि ग्वाइ पिंब्‍मैं नेरो ठिक ताँमैंए बिरोधर पोंब्मैंए ल्हागिर पिंइ।

हिब्रू 13:17

क्‍हेमैंए अगुवामैंइ बिब ङिंन्, धै खेंमैंए न्होंर टिद्। तलेबिस्याँ “ङइ लबै केए हिसाब परमेश्‍वरलाइ पिंल् त्‍हुम्” बिब सेसि चमैंइ क्‍हेमैंए छैं छेनाले लरिम्। छतसि चु के चमैंइ सैं तोंन्ले लरिगे, गार म्हाँदिसि आङिं। चमैंइ गार म्हाँदिल्‍ले के लस्याँ क्‍हेमैंला तोइ बिब् धों तरिब् आरे।

१ पत्रुस 2:17

ताँन् म्‍हिमैंलाइ मान लद्। येशूए फिर बिश्‍वास लबै अलि अङाँमैंलाइ म्हाँया लद्, परमेश्‍वरने ङ्हिंन्, धै म्रुँलाइ मान लद्।