यहूदाइ प्‍ह्रिबै प्ह्रिछ्या 1:5 - परमेश्‍वरए ताँ तमु क्युइर

⁵ क्‍हेमैंइ चु ताँ ओंसोंन् था सेल् खाँल। दिलेया धबै क्हेमैंलाइ तिब्ले मैंमिंदा ङ्हाँइ, प्रभुजी इस्राएलीमैंलाइ मिश्र ह्‍युलउँइँले जोगेसि पखल, दिलेया चमैं न्होंरि लिउँइँ बिश्‍वास आलब्मैंलाइ परमेश्‍वरजी नास लवाइ।

यहूदाइ प्‍ह्रिबै प्ह्रिछ्या 1:5 ပူးပေါင်းရင်းမြစ်များ

भजनमैं 106:26

छतमा चमैंलाइ क्यु आयोंबै क्‍ल्‍ह्‍योर नास लवाम् बिसि खीजी यो रेसि कसम चइ।

प्रस्थान 12:51

याहवेहजी इस्राएलीमैंलाइ टोलि-टोलि लसि मिश्रउँइँले च त्हिंइर्न तेसि पखइ।

रोमी 15:15

दिलेया परमेश्‍वरजी पिंबै थेबै दयाम्हाँयाजी लमा को-कोइ ताँमैं क्‍हेमैंइ अझै छेनाले च्हैंब् मैंब् लल् खाँरिगे बिसि ङइ थेबै आँट लसि चु प्ह्रिछ्या प्ह्रिइमुँ।

हिब्रू 3:16

परमेश्‍वरए ताँ थेसेया खीए बिरोध खाबइ लइ? मोशाइ मिश्र ह्‍युलउँइँले तेइ पखबै म्‍हिमैंइ, आङिं वा?

२ पत्रुस 3:1

ओ ङए खोबै थुमैं, ङइ धबै क्‍हेमैंलाइ चु प्ह्रिछ्या प्ह्रिइमुँ। क्‍हेमैंए सैंर खोंयोंन् बिलै छ्याँबै ताँ खरिगे बिसि क्‍हेमैंइ म्‍लेयाबै ताँमैं धबै मैंल् लमिंबर ङइ चु प्ह्रिछ्या ङ्हिंना-ङ्हिंनर्न क्हेमैंए सैंर भों खल् लमिंबै ताँमैं प्ह्रिइमुँ।

१ यूहन्‍ना 2:20

दिलेया क्‍हेमैंए फिर ख्रीष्‍टजी पबित्र प्ल्ह प्लिंमिंइमुँ, छतसि क्‍हेमैं ताँनइ क्ह्रोंसेंन्बै ताँ सेइमुँ।

१ यूहन्‍ना 2:21

क्‍हेमैंइ क्ह्रोंसेंन्बै ताँ आसेइमुँ बिसि ङइ चु प्ह्रिछ्या प्‍ह्रिब आङिं, दिलेया क्‍हेमैंइ येशूए बारेर्बै क्ह्रोंसेंन्बै ताँ सेइमुँ। धै क्ह्रोंसेंन्बै ताँउँइँले स्योलिबै ताँ आख बिबै या क्‍हेमैंइ था सेइमुँ। छतसि ङइ चु प्ह्रिछ्या प्‍ह्रिब् ग।