योना 4:11 - परमेश्‍वरए ताँ तमु क्युइर

¹¹ दिलेया निनवे सहरर छ्याँब आछ्याँब फेलल् आखाँबै लाख घ्रिसे ङ्हिस्यु हजार भन्दा ल्हें म्हिमैं मुँ, धै ख्योदोमैं या चर ल्हेंन् मुँ। च थेबै सहरए ल्हागिर ङइ न्हुँ लल् आत्हुब् आ?”

योना 4:11 ပူးပေါင်းရင်းမြစ်များ

उत्पत्ति 9:10

छलेन क्यु झाजउँइँले क्हेमैंने बालु त्होंखबै ताँन् सो प्ह्‍याबै सैमैं नमेंमैं, न्हबै खेदोमैं, क्ह्‍योंर्बै खेदोमैं क्हेमैंने बालु मुँबै ह्‍युलर्बै सो प्ह्‍याबै ताँन् सैमैंने ङइ बाछा फैम्।

भजनमैं 104:14

खेदोमैंए ल्हागिर छि नेरो म्हिमैंए ल्हागिर ट्हा ट्हुमैं खीजी म्‍लोमिंम्। धै सउँइँले म्हिमैंइ चबै सैमैं रोब्मुँ,

भजनमैं 36:6

ओ याहवेह, क्हिजी लबै ठिक के बेल्‍ले थेबै कोंमैं धों तब् मुँ; क्हिजी लबै निसाफमैं तो सैज्यै या लाल् आखाँबै मा ङ्युँइए गैरु धों तब मुँ; क्हिजी म्हिलाइ मत्‍त्रे आङिं, ताँन् सो प्ह्‍याबै सैंमैंलाइ वास्ता लम्।

योना 1:2

“रेद्, च निनवे बिबै थेबै सहरर ह्‍याद, धै चर्बै म्हिमैंए बिरोध ङए ताँ बिइ प्रद्, तलेबिस्याँ चर्बै म्हिमैंइ आछ्याँबै के लब ङइ म्रोंइमुँ।”

योना 3:10

छले परमेश्‍वरजी चमैं ताँन खेंमैंए आछ्याँबै के लबै घ्याँ पिसि एखब् म्रोंइ, खीए खोंर ल्हयो खइ। छतसि खीजी सहर नास लम् बिब् धोंले सहर नास आल।

योना 4:10

याहवेहजी बिइ, “चु धुँलाइ क्हिइ रुँइँ आरुँइ, ताब् स्युइबै या आल। दिलेया क्हिइ तोइ दु:खै आलबै चु धुँ सियामा क्हि च्हौ थेबै न्हुँ लब् वा? चु धुँ म्हुँइँस तिरोर्न म्‍लोइ, धै म्हुँइँस तिरोर्न सियाइ।

मत्ती 18:33

ङइ क्‍हिए फिर ल्हयो खब् धोंले क्‍हिज्यै या ह्रोंसए थुए फिर ल्हयो खल् त्‍हुमल आङिं वा?’