योना 2:9 - परमेश्‍वरए ताँ तमु क्युइर

⁹ दिलेया ङ बिस्याँ धन्यबाद पिंबै कै तेदै क्हिए मिंर ख्रो पिंब्मुँ; धै ङइ लबै भकल ङ पूरा लब्मुँ। याहवेहजीन म्हिमैं जोगेमिंम्!”

योना 2:9 ပူးပေါင်းရင်းမြစ်များ

उत्पत्ति 35:3

झाइले ङ्यो बेथेलर ह्‍याले। ङए फिर दुःख तबै त्हेर ङए ताँ थेमिंब नेरो ङ खनिर ह्‍यालेया ङने बालु तमिंबै परमेश्‍वरए ल्हागिर चर ङइ ख्रो पिंबै क्ल्ह्‍यो घ्रि बनेब्मुँ।”

भजनमैं 107:22

चमैंइ धन्यबादए ख्रो पिंरिगे, धै सैं तोंबै क्वेमैं प्रिंदै खीजी लबै केमैंए बयन लरिगे।

भजनमैं 27:1

याहवेह ङए चारबै ह्‍वे नेरो ङए मुक्‍ति ग! ङ खाब्ने ङ्हिंब? याहवेहन् ङए रक्षा लबै किल्‍ला ग। छतसि ङ खाब् म्रोंसि ङ्हिंब?

भजनमैं 3:8

क्हिए आशिकए यो क्हिए म्हिमैंए फिर तरिगे; तलेबिस्याँ याहवेहजी ह्रोंसए म्हिमैं जोगेमिंम्। तिस्याँदे मैंन्

भजनमैं 50:14

बरु ङलाइ धन्यबाद पिंसि ङए मिं क्वेद्! चुन् पिंल् त्हुबै ख्रो ग। धै ताँन् भन्दा थेबै परमेश्‍वए मिंर लबै भकल पूरा लद्।

भजनमैं 50:23

धन्यबादए ख्रो पिंबै म्हिइन ङए मिं थेब् लब्मुँ। धै ठिक घ्याँर प्रब्मैंलाइन ङइ जोगेमिंब्मुँ,” बिसि फरमेश्‍वरजी बिइमुँ।

भजनमैं 68:20

ङ्योए परमेश्‍वर जोगेमिंबै परमेश्‍वर ग। याहवेह ङ्योए प्रभु ग, खीजीन् ङ्योलाइ सिबउँइले सोगों लमिंम्।

भजनमैं 95:2

धन्यबाद पिंदै खीए ओंसों ह्‍याले, सैं तोंदै कै तेसि खीए मिं थेब् लले!

यूहन्‍ना 4:22

क्हेमैंइ म्हाँदिरिबै सै क्‍हेमैंइ आसे। ङि यहूदीमैंइ बिस्‍याँ तो म्हाँदिरिइमुँ बिसि सेइमुँ। तलेबिस्याँ यहूदीमैंउँइँले ताँन् म्‍हिमैंइ मुक्‍ति योंब्मुँ।

चेला चिब्मैंए केमैं 4:12

अरू खाबज्यै मुक्‍ति पिंल् आखाँ तलेबिस्याँ ङ्योइ मुक्‍ति योंबर स्वर्गए न्होंरि म्हिमैंए ल्हागिर अरू खाबै मिं या परमेश्‍वरजी आपिंइँमुँ।”

रोमी 12:1

छतसि ओ ङइ खोबै अलि-अङाँमैं, परमेश्‍वरजी ङ्योए फिर च्हौ थेबै ल्हयो लबइले ङ क्‍हेमैंने यो छ्युँ लमुँ: सोगों ख्रो धोंले ह्रों-ह्रोंसए ज्यु परमेश्‍वरलाइ पिंन्। छाबै ख्रो पबित्र नेरो परमेश्‍वरलाइ सैं तोंन् लबै क्‍ह्रोंसेंन्‍बै सेवा ग।

हिब्रू 13:15

छतसि येशूए मिंउँइँले परमेश्‍वरए सैं तोंबै ख्रो खोंयोंन् बिलै ङ्योइ पिंरिले। “येशू ङए प्रभु ग,” बिब्मैंइ परमेश्‍वरए छ्याँबै बयन लदै पोंस्याँ, चुन् ङ्योइ परमेश्‍वरए मिंर पिंबै ख्रो धों तब् ग। छले ङ्योइ येशू ख्रीष्‍टन् प्रभु ग बिबन् परमेश्‍वरए सैं तोंन् लबै ख्रो ग।

दर्शन 7:10

झाइले चमैंइ थेबै कैले बिइ, “राजगद्दिर क्हुँबै ङ्योए परमेश्‍वर नेरो क्‍यु च्हजजी मुक्‍ति पिंम्।”