योना 2:6 - परमेश्‍वरए ताँ तमु क्युइर

⁶ ङम् क्यु न्होंर्बै कोंमैंए तेंर्न फेनेल। चर क्रोंइ ङलाइ त्होंल् आपिं; दिलेया ओ ङए याहवेह परमेश्‍वर, क्हिजी ङ क्रोंउँइँले तेइरि पखइ।

योना 2:6 ပူးပေါင်းရင်းမြစ်များ

भजनमैं 104:6

क्हिजी चलाइ क्वेंइ धोंले गैरु क्युइ हुमिंइ; धै कोंमैए फिफि क्यु फेनेइ।

भजनमैं 104:8

धै कोंमैंए फिफिउँइँले ब्याँसि तदै च क्यु क्हिजी तयार लथेंबै क्‍ल्‍ह्‍योर तेयाइ।

भजनमैं 116:3

कालए छोइ ङलाइ फैइ; क्रोंर्बै दुःख ङ फिर खइ; दुःख नेरो शोक ङलाइ प्लेइ।

भजनमैं 143:7

ओ याहवेह, ङइ ग्वार ह्रिब युनन् थेमिंन्, ङए सैं खैता-खैता तइमुँ! ङने बालु क्हिए लि आलोमिंनु, आस्याँ ङ क्रोंर फेनेब्मैं धोंन् तब्मुँ।

भजनमैं 16:10

तलेबिस्याँ क्हिजी ङए प्ल्हलाइ क्रोंर वाथेंरिब् आरे, धै ह्रोंसए पबित्र म्हिए ज्यु क्हिजी क्राँल् पिंरिब् आरे।

भजनमैं 18:5

क्रोंर्बै छोमैंइ ङ फैवाइ, कालए ङोइ ङए घ्याँ थोइ।

भजनमैं 30:3

ओ याहवेह, क्हिजी ङए सोलाइ क्रोंउँइँले तेमिंइ, धै सिसि क्रोंर ह्‍याब्मैंउँइँले ङलाइ जोगेमिंइ।

भजनमैं 30:9

“ङ सियास्याँ क्हिलाइ तो फायदा तमुँ? ङ क्रोंर ह्‍यामा क्हिलाइ तो फायदा तमुँ? स त्हुलइ क्हिलाइ थेब् लम् रो वा? क्हि भर लल् खाँबै परमेश्‍वर ग बिसि स त्हुलइ क्हिए बयन लम् रो वा?

भजनमैं 55:23

दिलेया ओ परमेश्‍वर, क्हिजी दुष्‍टमैं नास तबै होंल्दोंर भ्योंवाब्मुँ; म्हि सैब्मैं नेरो छलु म्हिलु लब्मैं आधा बैंसर्न सियाब्मुँ। दिलेया ङइ बिस्याँ क्हिए फिर्न भर थेंइमुँ।

भजनमैं 65:6

क्हिजी ह्रोंसए भोंउँइलेन् नुबै कोंमैं बनेइ, थे-थेबै के लबै शक्‍ति क्हिनेन् मुँ।

भजनमैं 69:2

ङ हिलर प्ल्हुँबि छेइमुँ, चर ङए प्हले म्हैबै क्‍ल्‍ह्‍यो आरे; गैरु क्युर ङ प्ल्हुँबि छेइमुँ, बाढि ङए फिर प्ल्होंखइमुँ।

मत्ती 16:18

छतसि ङइ क्‍हिलाइ पत्रुस बिम्। ङए चर्च ङ च पाराए फिर बनेब्‍मुँ, धै नर्गर्बै म्रामैंइ च चर्चए फिर ट्होल् खाँरिब् आरे।