योना 1:17 - परमेश्‍वरए ताँ तमु क्युइर

¹⁷ धै योनालाइ क्ल्ह्‍योंबर याहवेहजी बेल्‍ले थेबै ताँगा कुलइ। धै च ताँगाए फो न्होंर योना त्हिंइ सोंरो म्हुँइँस सोंरो टिइ।

योना 1:17 ပူးပေါင်းရင်းမြစ်များ

उत्पत्ति 1:21

छतसि मा ङ्युँइर थे-थेबै क्युर टिबै सैमैंइ प्लिंइ धै सर प्रबै स्यो-स्योबै सो प्ह्‍याबै ताँन् सैमैं नेरो प्ह्‍या प्‍ह्‍याबै नमेमैं या परमेश्‍वरजी बनेइ। झाइले परमेश्‍वरजी ङ्ह्‍योमा चमैं छ्याँब मुँल।

योना 2:10

झाइले याहेवेहजी ताँगाने योनालाइ तेवाद् बिमा ताँगाइ योनालाइ क्यु आरेबै क्ल्ह्‍योर रुइवाइ।

योना 4:6

झाइले याहवेह परमेश्‍वरजी लौकाए धुँ घ्रि म्‍लोमिंइ। धै योनाए क्रर छरि तसि त्हिंयाँइ आख्रोंरिगे बिसि च धुँ बडिमिंइ। च लौकाइ छरि लमा योना बेल्‍ले सैं तोंइ।

मत्ती 12:40

तलेबिस्याँ खैले योना थेबै ताँगए फो न्‍होंर सोंरो समा टिइ, छलेन म्हिए च्ह या सोंरो समा स न्होंर टिब्‍मुँ।

मत्ती 16:4

तिंजोरोबै दुष्‍ट नेरो ब्यभिचारि म्हिमैंइ चिनु म्हैम्, दिलेया योनाए चिनु बाहेक् अरू चिनुमैं चमैंने उँइँरिब् आरे।” च्हौ बिसि खी चमैं वाथेंसि ह्‍याइ।

लूका 11:30

तलेबिस्याँ निनबे बिबै सहरर्बै म्‍हिमैंए ल्हागिर योना औदिबै चिनु तब् धोंले म्हिए च्ह तिंजोरोबै म्‍हिमैंए ल्हागिर प्रमाण तब्मुँ।