योना 1:14 - परमेश्‍वरए ताँ तमु क्युइर

¹⁴ छतसि चमैंइ याहवेहने ग्वार ह्रिसि बिइ, “ओ याहवेह, ङिइ क्हिने यो छ्युँ लसि बिमुँ, चु म्हइ लबै आच्याँबै केउँइँले ङि नास आतरिगे, धै चुलाइ भ्योंवाबै पापए छ्याब् ङिए फिर आल्हैदिरिगे, तलेबिस्याँ ओ याहवेह, क्हिए सैंर मैंबै केन् क्हिइ लइमुँ।”

योना 1:14 ပူးပေါင်းရင်းမြစ်များ

उत्पत्ति 9:6

परमेश्‍वरजी म्हिलाइ ह्रोंस धोंबन् बनेइमुँ। छतसि खाबइ म्हिलाइ सैमुँ, चलाज्यै या म्हिइ सैब्मुँ।

भजनमैं 107:28

छतमा चमैंइ ह्रोंसए दुःखर याहवेहने क्रोदै ग्वार ह्रिइ, धै खीजी चमैंए दु:खउँइँले फ्रेमिंइ।

भजनमैं 115:3

ङिए परमेश्‍वर स्वर्गर मुँ; खीजी तो लदा ङ्हाँमुँ चन् लम्।

भजनमैं 135:6

स्वर्गर, पृथ्बीर, नेरो मा ङ्युँइमैंए गैरु क्ल्ह्‍योमैंरै या, याहवेहजी ह्रोंसए सैंर मैंब् धोंले लम्।

योना 1:13

दिलेया चमैंइ क्यु झाज खाँन् समा क्यु आरेबै क्ल्ह्‍योउँइँ पखबर भों लइ, दिलेया आखाँल, तलेबिस्याँ मा ङ्युँइर बेल्‍ले थेबै नाँ बाडि खसेन् मुँल, धै चमैंए बिरोदर च नाँ बाडि झन्-झन् बेल्‍ले ल्हें तदै ह्‍याइ।

योना 1:16

छतमा च म्हिमैं याहवेहने बेल्‍ले ङ्हिंइ। धै याहवेहए मिंर ख्रो पिंसि “तारे ङि क्हिलाइन फ्योम्” बिइर बाछा फैइ।

योना 1:5

छतमा झाज ओलेब्मैं ङ्हिंसि ह्रों-ह्रोंसए देवतामैंए ग्वार ह्रिइ। धै झाज योंरिगे बिसि चर्बै ताँन् सैमैं मा ङ्युँइर भ्योंवाँइ। दिलेया योना बिस्याँ झाजए ताँन् भन्दा न्हों तलर न्हरु च्हुइरिल।

योना 3:8

छले म्हिमैं नेरो ख्योदोमैंइ नइए ह्रेंग कुरिगे धै बेल्‍ले ओरदै परमेश्‍वरने ग्वार् ह्रिरिगे। चमैंए ह्रोंसए दुष्‍ट केमैंउँइँले धै चमैंए आछ्याँन्ले प्रब टिबै बानि ब्योरउँइँले एरिगे।

मत्ती 11:26

ओ आबा, क्हिजी छान् लब छ्याँब ङ्हाँइ।”

चेला चिब्मैंए केमैं 28:4

पावलए योर प्‍हुरि बेर्दिब् म्रोंसि चर्बै म्‍हिमैंइ, “चु म्‍हि क्ह्रोंसेंन्ले म्हि सैबै म्हि तल् त्‍हुम्! च मा ङ्युँइउँइँले सोइ खलेना निसाफउँइँले चु स्योरल् आखाँ,” बिसि खेंमैंए न्होंर बिबर होंइ।

एफिसी 1:11

खीजी मैंबै ताँन् केमैं परमेश्‍वरजी ह्रोंसए चाँजोर्न लम्। छले खीजी ओंसोंन् चाँजो लबइले ङि यहूदीमैंलाइ ख्रीष्‍टने घ्रिन् लमिंसि खीए म्‍हिमैं तबर त्हाँइ।

एफिसी 1:9

येशू ख्रीष्‍टउँइँलेन् पूरा लब्‍मुँ बिसि परमेश्‍वरजी ओंसों ओंनोंन् मैंल। छतसि ख्रीष्‍टउँइँले तोगो खीजी च ताँ ङ्योलाइ सेल् पिंइमुँ।