यूहन्‍ना 9:38 - परमेश्‍वरए ताँ तमु क्युइर

³⁸ झाइले चइ “प्रभु, ङ बिश्‍वास लम्,” बिसि येशूलाइ फ्‍योइ।

यूहन्‍ना 9:38 ပူးပေါင်းရင်းမြစ်များ

भजनमैं 2:12

च्हलाइ मान लसि फ्योद्, छ आलस्याँ खी ह्रिस खब्मुँ, धै क्हेमैं घ्याँर्न सिब्मुँ, तलेबिस्याँ खी युनन् ह्रिस खम्। खीए प्हलेर ग्वार ह्रिबर ह्‍याब्मैंइ आशिक योंब्मुँ।

भजनमैं 45:11

छ लइ बिस्याँ क्हि छ्याँब् म्रोंसि म्रुँ सैं तोंब्मुँ। खीलाइ म्हाँदिद्, तलेबिस्याँ खी क्हिए क्ल्हे ग।

मत्ती 14:33

धै चेलामैंइ खीलाइ फ्योसि “क्‍ह्रोंसेंन क्‍हि परमेश्‍वरए च्‍हन् मुँन,” बिइ।

मत्ती 28:17

चमैंइ चर खीलाइ म्रोंसि सैं तोंसि फ्‍योइ, दिलेया कोइ चेलामैंइ बिस्याँ संका लइ।

मत्ती 28:9

छले ह्‍यारिमा तिखेर्न येशू चमैंने त्‍होसि “क्हेमैंने शान्ति तरिगे,” बिइ। धै चमैं चेंदो खसि येशूए प्‍हले क्‍हासि फ्‍योइ।

मत्ती 8:2

च त्हेर कोर खबै म्हि घ्रि येशू ङाँर खसि खीए ओंसों च्हि तुँसि बिइ, “ओ प्रभु, क्हिजी ङ सल् लमिंबै सैं मुँस्‍याँ ङ सल् लमिंल् खाँम्।”

लूका 24:52

छाब् म्रोंसि चमैं परमेश्‍वर‍ए मिं क्वेदै येशू क्ह्रोंसेंन परमेश्‍वर मुँन बिसि सैं तों-तोंइ यरूशलेमउँइँ एखइ।

यूहन्‍ना 20:28

छबिमा थोमाइ खीने “ओ ङए प्रभु, ओ ङए परमेश्‍वर!” बिइ।

यूहन्‍ना 9:39

झाइले येशूजी बिइ, “आम्रोंब्मैंइ म्रोंरिगे धै म्रोंब्मैंइ म्रोंल् आखाँरिगे बिसि ङ निसाफ लबर ह्‍युलर युइ।”