यूहन्‍ना 9:22 - परमेश्‍वरए ताँ तमु क्युइर

²² “येशून् परमेश्‍वरजी कुल्मिंबै म्रुँ ख्रीष्‍ट ग बिबै म्हिलाइ च्हों धिंउँइँले तेवाल त्हुम्,” बिसि यहूदीमैंइ ओंसों ओंनोंन् मत लल। छतसि चए आबा-आमा यहूदी चिबनाँब्मैं म्रोंसि ङ्हिंसि

यूहन्‍ना 9:22 ပူးပေါင်းရင်းမြစ်များ

हितोपदेश 29:25

म्हि म्रोंसि ङ्हिंब्मैं ङोर फेम्, दिलेया याहवेहए फिर भर लब्मैं तोइ सैने ङ्हिंल् आत्हु।

लूका 6:22

“म्हिए च्हए फिर क्‍हेमैंइ बिश्‍वास लबइले म्‍हिमैंइ हेल लसि खेंमैंउँइँले स्यो लावाब्मुँ, धै क्हेमैं फिर आछ्याँबै ताँमैं पोंसि क्हेमैंए बिल्‍लि लब्मुँ, धै दुष्‍ट म्हिमैं धों ङ्हाँसि म्हि आच्हिन् लब्मुँ। छ ललेया क्हेमैंइ आशिक योंब्मुँ।

यूहन्‍ना 1:19

च्हमा यरूशलेमउँइँले यहूदी चिब्मैंइ खेगिमैं नेरो लेबीमैं यूहन्‍नाने “क्‍हि खाब् जा?” ङ्योएबर कुलइ।

यूहन्‍ना 16:2

म्हिमैंइ क्हेमैं यहूदीमैंए च्हों धिंउँइँले तेवाब्मुँ। क्हेमैंलाइ सैब्मैंइ परमेश्‍वरए सेवा लसिन् मुँ बिसि मैंबै त्हे खसिन् मुँ।

यूहन्‍ना 19:38

अरिमाथियाथें योसेफ बिबै म्हि घ्रि येशूए चेला मुँल। च यहूदी चिबनाँब्मैंने ङ्हिंमल छतसि आसेल्‍ले न्हों-न्हों मत्‍त्रे येशूए चेला मुँल। चइ पिलातसने येशूए सिनु बोयाल् पिंन् बिसि यो छ्युँ लमा पिलातसइ येशूए सिनु बोल् पिंइ। धै चइ येशूए सिनु बोइ।

यूहन्‍ना 20:19

च आइतबारए ङेसार चेलामैं यहूदी चिबनाँब्मैंने ङ्हिंसि म्रा तोरसि धिं न्होंर टिरिल। छले टिरिमा येशू चमैंए म्हाँजोर राखसि “क्हेमैं छिं ङ्हाँरिगे,” बिइ।

यूहन्‍ना 7:13

दिलेया यहूदी चिबनाँब्मैंने ङ्हिंसि खीए बारेर खाबज्‍यै छेनाले तोइ पोंल् आखाँल।

यूहन्‍ना 9:18

यहूदी चिबनाँब्मैंइ च कन मुँल धै तोगो म्रोंल् खाँब् तइ बिबै ताँ आक्वें। छतसि चमैंइ चए आबा-आमा हुइसि ङ्योएइ।

यूहन्‍ना 9:21

दिलेया चुइ खैले मि म्रोंल् खाँब् तइ बिसि ङिइ आसे। धै चुए मि खाबइ म्रोंल् लमिंइ, चै या ङिइ आसे। चु सैं चियाल् खाँइमुँ छतसि चुनेन् ङ्योएद्। ह्रोंसए बारेर च ह्रोंसइन पोंब्मुँ।”

यूहन्‍ना 9:34

छबिमा “क्‍हिम् पापर्न फिल! छाबै म्हिज्यै ङि लोमिंल् म्हैम्मा?” बिसि चमैंइ चलाइ च्हों धिंउँइँले बैरु तेवाइ।

यूहन्‍ना 9:35

चमैंइ च म्हि बैरु तेवाइ बिब येशूजी थेइ, छतसि येशूजी चने त्होसि “क्हि ‘म्हिए च्‍हए’ फिर बिश्‍वास लम्मा?” बिसि ङ्योएइ।

चेला चिब्मैंए केमैं 4:18

झाइले चमैंइ पत्रुस नेरो यूहन्‍ना हुइसि “तारे पिरु येशूए मिंर क्हेमैंइ तोइ आबिद्, तोइ ताँ या आलोमिंन्!” बिसि ल्हैदिइ।

चेला चिब्मैंए केमैं 5:13

दिलेया अरू खाबै या चमैंने बालु क्ह्रिबै आँट लल् आखाँ। छान् तलेया म्हिमैंइ चमैंलाइ मान लमल।

चेला चिब्मैंए केमैं 5:40

छले चमैंइ गमलियलइ बिबै ताँ ङिंइ, दिलेया चमैंइ कुल्मिंबै चेला चिब्मैंलाइ न्होंर हुइसि धोंइ, धै चमैंने बिइ, “येशूए मिंर खोंयोंन् बिलै तोइ आपोंन्!” छ बिसि चमैं पिवाइ।

दर्शन 21:8

दिलेया ङ्हिंब्मैं, येशूए फिर बिश्‍वास लबर फा पिब्‍मैं, छेरन् तबै के लब्मैं, म्हि सैमैं, ब्यभिचार लब्मैं, फाफुइ लब्मैं, कु पूजा लब्मैं नेरो स्योर्गुमैं ताँन् प्ल्हइ दु:ख योंबै क्ल्ह्‍योर ह्‍याल् त्हुब्मुँ। चर बारुद नेरो लुँरिबै मिए होंल्दों मुँ। चु प्ल्हइ दु:ख योंबै क्ल्ह्‍यो ग।”