यूहन्‍ना 9:17 - परमेश्‍वरए ताँ तमु क्युइर

¹⁷ “चइ क्हिए मि म्रोंल् लमिंसेरो तारे चए बारेर क्हिइ तो बिम्दि?” बिसि चमैंइ च म्हिने ङ्योएमा चइ बिइ, “खी अगमबक्‍ता ग।”

यूहन्‍ना 9:17 ပူးပေါင်းရင်းမြစ်များ

मत्ती 21:11

येशूने मुँबै हुलइ बिइ, “चु गालील ह्‍युलर्बै नासरतउँइँले खबै अगमबक्‍ता येशू ग।”

लूका 24:19

“तो ताँ जा?” बिसि येशूजी चमैंने ङ्योएमा चमैंइ बिइ, “नासरतथें येशूए बारेर्बै ताँ खी अगमबक्‍ता मुँल, खीजी परमेश्‍वर नेरो म्हिमैंए उँइँरि शक्‍ति मुँबै के लसि छ्याँबै ताँमैं लोमिंमल।

यूहन्‍ना 4:19

च च्हमिरिइ खीने बिइ, “अँ, क्‍हि अगमबक्‍ता मुँन बिब ङइ था सेइ।

यूहन्‍ना 6:14

खीजी लबै छाबै औदिबै चिनु म्रोंसि च म्हिमैंइ “ह्‍युलर युल् त्हुबै अगमबक्‍ता क्ह्रोंसेंन चुन् मुँन,” बिइ।

यूहन्‍ना 9:15

छतसि “क्हि खैले मि म्रोंल् खाँब् तइ?” बिसि फरिसीमैंइ चने ङ्योएमा। चइ बिइ, “खीजी ङए मिर स चेंसि फोमिंइ। झाइले ङइ ख्रुमा ङए मि म्रोंल् खाँब् तयाइ।”

चेला चिब्मैंए केमैं 10:38

परमेश्‍वरजी नासरतथें येशूलाइ पबित्र प्ल्ह नेरो शक्‍तिजी प्लिंमिंसि खीजी छ्याँबै केमैं लदै, दुष्‍टइ ह्रुगुदिब्मैं सल् लमिंदै प्रइ, तलेबिस्याँ परमेश्‍वर खीने बालु मुँल।

चेला चिब्मैंए केमैं 2:22

“ओ इस्राएलीमैं, चु ताँ थेद्, नासरतथें येशू परमेश्‍वरजी कुल्‍मिंबै म्‍हि मुँन बिब क्हेमैंइ सेरिगे नेरो क्होरिगे बिसि परमेश्‍वरजी येशूउँइँले शक्‍तिए केमैं, प्लेटोयाबै केमैं, नेरो चिनुमैं उँइँमिंसि क्हेमैंए म्हाँजोरि प्रमाण पिंल् खाँइमुँ। खीजी चु केमैं लब क्हेमैंइ सेइमुँ।