यूहन्‍ना 9:16 - परमेश्‍वरए ताँ तमु क्युइर

¹⁶ फरिसीमैं न्होंर्बै को-कोइ बिइ, “च परमेश्‍वरउँइँले युबै म्हि आङिं, तलेबिस्याँ चइ प्रिबै त्हिंइ आम्हाँदि।” दिलेया अरूमैंइ बिइ, “चु पापि म्हि मुँस्याँ, चुइ छाबै औदिबै चिनुमैं खैले लल् खाँइ?” चु ताँइ लमा चमैं न्‍होंरि आक्‍ह्रि।

यूहन्‍ना 9:16 ပူးပေါင်းရင်းမြစ်များ

मत्ती 12:10

चर यो कार‍याबै म्‍हि घ्रि मुँल। चमैंइ येशूलाइ छ्याब् ल्‍हैदिबै सैं लसि खीने “प्रिबै त्हिंइर म्‍हि सल् लब तम्मा?” बिसि ङ्योएइ।

मत्ती 12:2

छले चब् म्रोंसि फरिसीमैंइ खीने बिइ, “ङ्‍ह्‍योत्ति, क्‍हिए चेलामैंइ प्रिबै त्हिंइर तो लल् आत चन् लइमुँ।”

लूका 13:14

येशूजी प्रिबै त्हिंइर च च्हमिरि सल् लमिंब् म्रोंसि च्हों धिंर्बै चिब बेल्‍ले ह्रिस खसि चर्बै म्‍हिमैंने बिइ, “के लब टुरो मुँ, छतसि च टुरो न्‍होंर खसि सस्याँ तम्। प्रिबै त्हिंइर छ लब आत।”

यूहन्‍ना 10:19

चु ताँइ लमा यहूदी चिबनाँब्मैंए न्‍होंरि धबै सैं आक्ह्रिसि ङ्हिबाँ तयाइ।

यूहन्‍ना 14:11

ङ आबाने मुँ आबा या ङने मुँ बिबै ताँ क्वेंन्। आक्वेंस्याँ ङइ लबै केमैं म्रोंसि क्वेंन्।

यूहन्‍ना 15:24

अरू खाबज्यै या लल् आखाँबै औदिबै केमैं ङइ चमैंए उँइँर आलस्याँ चमैं पापए दोष आतमल। दिलेया चमैंइ ङ नेरो ङए आबा ङ्हिंना-ङ्हिंन् म्रोंसेया हेल लइमुँ।

यूहन्‍ना 2:11

धाँसे ओंसों येशूजी औदिबै चिनु गालील ह्‍युलर्बै काना नाँसर लइ। छले खीजी औदिबै के उँइँमिंइ, छाब् म्रोंसि चेलामैंइ खीए फिर बिश्‍वास लइ।

यूहन्‍ना 3:2

च म्‍हुँइँसर येशू ङाँर खसि खीने बिइ, “ओ गुरु, क्‍हि परमेश्‍वरउँइँले युबै लोमिंबै म्हि ग बिसि ङिइ सेइमुँ, तलेबिस्याँ परमेश्‍वरजी आल्होमिंस्याँ क्‍हिइ लब् धों तबै चु औदिबै चिनुमैं खाबज्यै लल् आखाँ।”

यूहन्‍ना 5:10

छतसि को-कोइ यहूदी चिबनाँब्मैंइ च सबै म्हिने बिइ, “तिंयाँ प्रिबै त्हिंइ ग। छतसि क्‍हिइ क्‍ल्‍ह्‍यो नोइ प्रब आत।”

यूहन्‍ना 5:36

“दिलेया यूहन्‍नाइ पिंबै ग्वाइ भन्दा ङए बारेर थेबै ग्वाइ मुँ। तलेबिस्याँ आबाजी ङने तो केमैं पूरा लबर पिंइँमुँ, च केमैं ङइ लरिइमुँ, धै आबाजी ङ कुल्मिंब् ग बिसि च केमैंइ ङए बारेर ग्वाइ पिंरिइमुँ।

यूहन्‍ना 6:52

“चु म्हिजी खैले ह्रोंसए ज्यु ङ्यो चबर पिंल् खाँम्?” बिसि यहूदीमैं खें-खेंमैंए न्होंरि ताँ लबर होंइ।

यूहन्‍ना 7:12

म्हि हुलए न्होंरि खीए बारेर खें-खेंमैंन् ताँ लरिल। कोइ म्हिमैंइ “खी छ्याँबै म्हि ग बिमल,” कोइ “आङिं, चम् म्हिमैंने स्योर तेइ मत्‍त्रे प्रइमुँ बिमल।”

यूहन्‍ना 7:23

क्हेमैंइ मोशाइ पिंबै ठिम म्हाँदिबर प्रिबै त्हिंइर ह्रोंसए च्हए ट्हुबिर चिनु लम् बिस्याँ, ङइ प्रिबै त्हिंइर म्हि घ्रिए ताँन् नब् सल् लमिंमा क्हेमैं तले ङने ह्रिस खल?

यूहन्‍ना 7:43

येशूए बारेर्बै चु ताँइ लमा म्हिमैं न्‍होंर आक्ह्रिन् तयाइ।

यूहन्‍ना 9:24

छतमा चमैंइ च मि म्रोंल् खाबै म्हि धबै हुइसि बिइ, “परमेश्‍वरए मिं थेब् लद्। चु म्हि पापि ग बिसि ङिइ सेइमुँ।”

चेला चिब्मैंए केमैं 14:4

दिलेया सहरर्बै म्हिमैं आक्ह्रिबर होंइ, धै कोइ यहूदीमैंने त्हुँयाँइ, कोइ कुल्मिंबै चेला चिब्मैंने त्हुँइ।