यूहन्‍ना 8:9 - परमेश्‍वरए ताँ तमु क्युइर

⁹ चु ताँ थेमा ओंसों खिब्मैं त्होंह्‍याइ, धै घ्रि घ्रिले अरू म्हिमैं या त्होंह्‍याइ। छतमा येशू घ्रिन् च च्हमिरिने तयाइ, च च्हमिरि बिस्याँ खीए ओंसों रारिल।

यूहन्‍ना 8:9 ပူးပေါင်းရင်းမြစ်များ

भजनमैं 40:14

ङलाइ सैल् म्हैब्मैं ताँन् अलमल् तसि फा फिन् तरिगे। ङए न्होह्रों तब् म्रोंसि सैं तोंब्मैं लिग्याँ तोसि न्हेयारिगे धै आगुइ चमैंलाइ म्हि आच्हिन् लवारिगे!

भजनमैं 50:21

क्हिइ चु ताँन् आछ्याँबै केमैं लइमुँ दिलेया ङ तोइ आपोंन्ले टिइ; छतसि ङै या क्हि धोंन् तब्मुँ बिब क्हिए सैंर ङ्हाँमै। छ आङिं! ङइ क्हि हौदिब्मुँ धै क्हिइ खैबै केमैं लइमुँ बिब क्हिए ओंसोंन् ताँन् उँइँमिंब्मुँ।

भजनमैं 71:13

ङ छ्याब् ल्हैदिब्मैं फा पिसि मेब्रो तयारिगे; ङए न्होह्रों लल् म्हैब्मैं फापिन् तसि लि उँइँल् आखाँरिगे।

लूका 13:17

येशूजी चु ताँ बिल् खाँबै लिउँइँ खीए बिरोधीमैं ताँन् फापिन् तयाइ। दिलेया खीजी लबै औदिबै के म्रोंसि चर्बै म्हिमैं बेल्‍ले सैं तोंइ।”

यूहन्‍ना 8:10

झाइले येशूजी च च्हमिरि ङाँइ ङ्‍ह्‍योसि बिइ, “ओ नानि, चमैं खनिर ह्‍याइ? खाबज्यै क्हिए फिर छ्याब् आल्हैदि वा?”

यूहन्‍ना 8:12

येशूजी धबै चमैंने बिइ, “ङ ह्‍युलर्बै चारबै ह्‍वे ग। ङए लिलि प्रबै म्हि मिछु खैबर प्रल् त्‍हुरिब् आरे। दिलेया चइ खोंयोंइ आखाँबै छ्ह पिंबै चारबै ह्‍वे योंब्‍मुँ।”

यूहन्‍ना 8:2

प्‍हँन्हाँग्धों न्‍हाँक्‍कर्न खी धबै कोंउँइँले युसि मन्दिरर ह्‍यामा ताँन् म्हिमैं खी ङाँर खइ। धै येशू क्हुँसि चमैं लोमिंर होंइ।

यूहन्‍ना 8:3

च त्हेर्न शास्‍त्रिमैं नेरो फरिसीमैंइ च्हमिरि घ्रि फ्रें क्ल्योंरिबै त्हेर स्‍यासि क्हाइ पखइ, धै ताँन् म्हिमैंए म्हाँजोर राल् पिंइ।

यूहन्‍ना 8:8

छ बिबै लिउँइँ येशू धबै कुरसि योरिइ सर प्‍ह्रिइ।

रोमी 2:15

चमैंइ ह्रोंसए सैंर्न ठिमर्बै ताँमैं प्‍ह्रिथेंइमुँ बिब खेंमैंए चाल चलनउँइँले उँइँम्। चमैंए सैंरै या छाबन् मैंम्, दिलेया चमैंइ खोंयों छ्याँबन् लइमुँ ङ्हाँम्, खोंयों आछ्याँब लइदो ङ्हाँम्।

रोमी 2:22

क्‍हिइ आगुनेम् “ब्यभिचार लल् आत!” बिब ह्रोंसन् ब्यभिचार लब् वा? क्‍हिइ कुमैंम् आखो बिब मन्‍दिरर्बै कुमैंन् ह्‍योब् आ?

१ यूहन्‍ना 3:20

तलेबिस्याँ परमेश्‍वर ङ्योए सैं भन्दा थेब मुँ, छतसि खीजी तोन्‍दोंरि ताँ था सेम्।