यूहन्‍ना 8:56 - परमेश्‍वरए ताँ तमु क्युइर

⁵⁶ क्‍हेमैंए खे अब्राहामइ ओंसोंन् ङ चु ह्‍युलर युब्मुँ बिब् सेसि सैं तोंल, झाइले ङ युब् म्रोंसि बेल्‍ले सैं तोंइ।”

यूहन्‍ना 8:56 ပူးပေါင်းရင်းမြစ်များ

उत्पत्ति 22:18

ङए ताँ क्हिइ ङिंइ। छतसि क्हिए सन्तानउँइँले ह्‍युलर्बै ताँन् ह्रेंमैंइ आशिक योंब्मुँ।”

मत्ती 13:17

क्ह्रोंसेंन ङ क्हेमैंने बिमुँ, क्‍हेमैंइ म्रोंबै के नेरो थेबै ताँ स्‍योंम्‍बै अगमबक्‍तामैं नेरो ठिक के लब्मैंइ म्रोंदा ङ्हाँलेया म्रोंल् आयोंल। थेदा ङ्हाँलेया थेल् आयोंल।

लूका 10:24

तलेबिस्याँ ङ‍इ क्हेमैंने बिमुँ, स्‍योंम्‍बै अगमबक्‍ता नेरो म्रुँमैंज्यै या क्‍हेमैंइ म्रोंबै केमैं ङ्‍ह्‍योदा ङ्हाँल, दिलेया ङ्‍ह्‍योल् आयोंल। छलेन क्‍हेमैंइ थेबै ताँमैं थेदा ङ्हाँइ, दिलेया थेल् आयोंल।”

यूहन्‍ना 10:25

येशूजी चमैंने बिइ, “ङइ क्हेमैंने ओंसोंन् बिल् खाँइमुँ, दिलेया क्‍हेमैंइ आक्वें। ङए आबाए मिंर ङइ लबै केमैंइन ङए ग्वाइ पिंम्।

यूहन्‍ना 8:37

क्‍हेमैं अब्राहामए सन्तानमैं ग बिसि ङइ सेइमुँ। दिलेया क्‍हेमैंइ ङ सैल् म्हैमुँ, तलेबिस्याँ ङइ बिबै ताँ क्‍हेमैंइ थेदा आङ्हाँ।

यूहन्‍ना 8:39

चमैंइ खीने बिइ, “ङिए आबाम् अब्राहाम ग।” येशूजी चमैंने बिइ, “क्‍हेमैं अब्राहामए सन्तानमैं ङिंब् ग बिस्‍याँ अब्राहामइ लब् धों तबै केमैं क्‍हेमैंज्‍यै लमल।

हिब्रू 11:13

च ताँन् म्‍हिमैंइ परमेश्‍वरजी पिंम् बिसि बाछा फैबै सैंमैं आयोंलेया बिश्‍वास लसिन् सिइ, दिलेया च सैमैं ह्रेंगोउँइँलेन् म्रोंसि चमैं सैं तोंइ। तलेबिस्याँ चु पृथ्बीर म्हिमैं ङ्हिरोबै प्ह्रें धों तब् मुँन बिबै ताँ चमैंइ सेइ।

हिब्रू 11:39

खेंमैंइ लबै बिश्‍वासइ लमा चमैंल छ्याँबै बयन तइ। दिलेया परमेश्‍वरजी बाछा फैसि पिंम् बिबै सै बिस्याँ चमैंइ आयोंल।