यूहन्‍ना 8:44 - परमेश्‍वरए ताँ तमु क्युइर

⁴⁴ क्‍हेमैं ह्रोंसए आबा दुष्‍टल् ‍ग। छतसि क्‍हेमैंए आबाए सैंर मैंब् धोंले क्हेमैंइ लल् म्हैम्। चम् ओंसों ओंनोंन् सैब् म्‍लोब लमल। क्‍ह्रोंसेंन्‍बै ताँने चए ताँ खोंयोंन् बिलै क्ह्रिल् आखाँ। तलेबिस्याँ चने क्ह्रोंसेंन्बै ताँ तिफुँइ आरे। छतसि स्‍योर ताँ पोंम्, चए ब्योर खैतब् मुँ चइ छाबन् पोंम्, तलेबिस्याँ च स्‍योर्गु ग, च स्‍योर तेब्‍मैंए आबा ग।

यूहन्‍ना 8:44 ပူးပေါင်းရင်းမြစ်များ

उत्पत्ति 3:15

क्हि नेरो च्हमिरिए म्हाँजोरि धै क्हिए सन्तानमैं नेरो च्हमिरिए सन्तानए म्हाँजोरि ङइ प्होंब्-नेब् लमिंम्। च्हमिरिए सन्तानइ क्हिए क्र प्‍लेब्मुँ धै क्हिइ चए प्‍हले तिंजुर चोब्‍मुँ।”

मत्ती 12:34

ओ प्‍हुरिए सन्‍तानमैं! क्‍हेमैंन् दुष्‍ट मुँसेरो खैले छ्याँबै ताँ पोंल् खाँमुँ? तलेबिस्याँ सैंर प्लिंबै ताँमैंन् सुँउँइँले पोंम्।

मत्ती 13:15

तलेबिस्याँ चु म्‍हिमैंए सैं क्होल् आखाँब् तइमुँ। चमैंए न्‍ह थेल् आखाँब् तइमुँ, झाइले चमैंए मि च्युँ लइमुँ। तिंयाँ चमैंए मिइ म्रोंल् खाँस्‍याँ, चमैंए न्‍हइ थेल् खाँस्‍याँ, झाइले चमैंए सैंइ क्‍होल् खाँस्‍याँ, चमैं ङ ङाँइ एखमल, धै ङइ चमैं सल् लमिंमल।

मत्ती 13:38

म्रों ह्‍युल ग। छ्याँबै प्‍लु बिस्याँ स्‍वर्गर्बै ग्याल्सर्बै सन्‍तान ग, धै सम्रिं दुष्‍टए सन्‍तान ग।

यूहन्‍ना 6:70

येशूजी चमैंने बिइ, “क्‍हेमैं च्युसे ङ्हिं ङइन त्‍हाँब, आङिं वा? दिलेया क्‍हेमैंए न्‍होंरि दुष्‍ट धों तबै म्हि घ्रि मुँ।”

यूहन्‍ना 7:17

खाबज्यै परमेश्‍वरजी बिब् धोंले के लदा ङ्हाँम् बिस्याँ, ‘ङइ लोमिंबै ताँ परमेश्‍वरउँइँले युब् उ, ह्रोंसए सैंर मैंसि पोंब् जा’ बिसि चइ सेब्मुँ।

यूहन्‍ना 8:38

ङए आबा ङाँर मुँमा ङइ तो-तो म्रोंइँमुँ, चन् ङइ बिमुँ। छलेन क्‍हेमैंए आबाउँइँले क्‍हेमैंइ तो थेमुँ चन् लमुँ।”

यूहन्‍ना 8:41

दिलेया क्‍हेमैंइमि क्‍हेमैंए आबाइ तो लइ चन् लइमुँ।” चमैंइ खीने बिइ, “ङि प्रोग्यामैं आङिं! परमेश्‍वरन् ङिए घ्रि मत्‍त्रे आबा ग।”

यूहन्‍ना 8:55

क्‍हेमैंइ खी ङो आसेइमुँ, दिलेया ङइ खी ङो सेइमुँ। ङज्यै या खीलाइ ङो आसे बिम् बिस्‍याँ ङै या क्‍हेमैं धों तबै स्‍योर्गुन् तब्मुँ। दिलेया ङइ खीलाइ छेनाले ङो सेमुँ, छतसि खीजी बिबै ताँ ङइ ङिंमुँ।

चेला चिब्मैंए केमैं 13:10

“ओ दियाबलसए च्ह! क्हि ताँन् छ्याँबै केमैंए शत्तुर, ताँन् दुष्‍ट सैमैंइ प्लिंब नेरो स्योर तेब! क्हि प्रभुए सोजो घ्याँ खेदा-ख्योदे लब खोंयोंन् बिलै आपि वा?

चेला चिब्मैंए केमैं 24:9

अरू यहूदीमैंज्यै या सुँ घ्रिन तसि “चइ बिबै ताँ क्ह्रोंसेंन् ग!” बिइ।

चेला चिब्मैंए केमैं 5:3

दिलेया पत्रुसइ चने बिइ, “ओ हननिया, क्ल्ह्‍यो चुँसि योंबै मुइ च्युगुदे ह्रोंसने थेंसि पबित्र प्ल्हने स्योर तेब दुष्‍टइ क्हिए सैंर खैले झोंमिंइ?

२ कोरिन्थी 11:3

क्हेमैंइ छलकपट आलल्‍ले ख्रीष्‍टए फिर बिश्‍वास लबै सैं लइ, दिलेया स्‍योंम्‍बै हब्बालाइ प्‍हुरिइ खैले स्योर तेसि लुइ, छलेन क्हेमैंए सैं या न्होंवाम् उ बिसि ङ ङ्हिंइमुँ।

१ पत्रुस 5:8

बरु न्ह क्रों मि क्रोंले टिद्, तलेबिस्याँ क्‍हेमैंए शत्तुर दियाबलस बिबै दुष्‍ट खाबलाइ सैसि चब् ङ्‍हे बिसि सिंह धोंले बेल्‍ले थेबै कै तेदै स्युर प्रम्।

२ पत्रुस 2:4

आछ्याँबै के लमा स्‍वर्गदूतलाज्यै या परमेश्‍वरजी ल्हयो आखल्‍ले निसाफ लबै त्हिंइ समा फैसि नर्गर्बै मिछु खबै क्ल्ह्‍योर भ्योंवाइ।

१ यूहन्‍ना 1:8

दिलेया ङ्योइ ह्रोंसने पाप आरे बिम् बिस्याँ, ङ्योइ ह्रोंसलाइन धोका पिंम्, धै ङ्यो क्ह्रोंसेंन्बै ताँ आपोंबै स्योर्गुमैं तम्।

१ यूहन्‍ना 2:21

क्‍हेमैंइ क्ह्रोंसेंन्बै ताँ आसेइमुँ बिसि ङइ चु प्ह्रिछ्या प्‍ह्रिब आङिं, दिलेया क्‍हेमैंइ येशूए बारेर्बै क्ह्रोंसेंन्बै ताँ सेइमुँ। धै क्ह्रोंसेंन्बै ताँउँइँले स्योलिबै ताँ आख बिबै या क्‍हेमैंइ था सेइमुँ। छतसि ङइ चु प्ह्रिछ्या प्‍ह्रिब् ग।

१ यूहन्‍ना 2:4

“ङइ परमेश्‍वरलाइ ङो सेम्,” बिमुँ, दिलेया खीजी बिबै ताँ आङिं बिस्याँ, च म्‍हि स्‍योर्गु ग, चइ क्ह्रोंसेंन्बै ताँ तोइ आपों।

१ यूहन्‍ना 3:12

ङ्यो स्‍योंम्‍बै कयिन बिबै म्‍हि धों तब तल् आत। च दुष्‍टल् मुँल, छतसि चइ ह्रोंसए अलि सैवाइ। चइ ह्रोंसए अलि तले सैवाइ बिस्‍याँ चइ लबै के आछ्याँब मुँल, दिलेया अलिइ लबै केमैं छ्याँब मुँल।

१ यूहन्‍ना 3:15

ह्रोंसए बिश्‍वासी अलि-अङाँमैंलाइ हेल लब्मैं म्हिसै धोंन् तब्मैं ग। म्हिसैमैंने खोंयोंइ आखाँबै छ्ह आत बिब क्‍हेमैंइ सेइमुँ।

यहूदाइ प्‍ह्रिबै प्ह्रिछ्या 1:6

धै अर्को ताँ, को-कोइ स्‍वर्गदूतमैंइ ह्रोंसए पदर टिसि लल् त्हुबै के आलल्‍ले अर्कोन् के लल् म्हैइ, टिल् त्हुबै क्ल्ह्‍यो पिवाइ। छतसि चमैंलाइ दण्‍ड पिंबै त्हिंइ समा खोंयोंइ त्होंल् आखाँल्‍ले मिछु खैबै क्ल्ह्‍योर खीजी फैथेंइमुँ।

दर्शन 12:9

मिखाएलइ च थेबै अजिङ्गरलाइ स्‍वर्गउँइँले भ्‍योंवाइ। च अजिङ्गर स्‍योंम्‍बै प्‍हुरि ग, चलाइ स्‍युर्गु नेरो दुष्‍ट बिम्। चइ ताँन् ह्‍युलर्बै म्‍हिमैंने स्‍योर तेसि लुइमुँ। च नेरो चए दूतमैंलाइ परमेश्‍वरए दूतमैंइ पृथ्‍बीर भ्‍योंवाइ।

दर्शन 13:14

ओंसोंबै खेदोए उँइँर चइ औदिबै चिनु मुँबै केमैं लबै शक्ति योंल, छतसि प्लेटोयान् तबै केमैं लसि चइ पृथ्‍बीर टिब्मैंए सैं खेंमैं ङाँइ लवाइ। धै “सेलाँइ ल्हिबै घा ससि सोबै ओंसोंबै खेदोए मान लबै ल्हागिर खेदोए कु घ्रि बनेद्” बिसि चइ म्‍हिमैंलाइ कर ल्‍हैदिइ।

दर्शन 2:10

क्हेमैंए फिर खबि छेबै दुःखने आङ्हिंन्। थेद्, क्‍हेमैंलाइ पापर च्होवाबै ल्हागिर दुष्‍टइ को-कोइलाइ झेलर झोंब्‍मुँ। क्‍हेमैंलाइ च्‍युगैं मत्‍त्रे दुःख तब्‍मुँ। दिलेया क्‍हेमैं आसिन् समा ङए फिर बिश्‍वास लरिद्, छलस्याँ ङइ क्‍हेमैंलाइ इनामर खोंयोंइ आखाँबै छ्ह पिंब्मुँ।

दर्शन 21:8

दिलेया ङ्हिंब्मैं, येशूए फिर बिश्‍वास लबर फा पिब्‍मैं, छेरन् तबै के लब्मैं, म्हि सैमैं, ब्यभिचार लब्मैं, फाफुइ लब्मैं, कु पूजा लब्मैं नेरो स्योर्गुमैं ताँन् प्ल्हइ दु:ख योंबै क्ल्ह्‍योर ह्‍याल् त्हुब्मुँ। चर बारुद नेरो लुँरिबै मिए होंल्दों मुँ। चु प्ल्हइ दु:ख योंबै क्ल्ह्‍यो ग।”

दर्शन 22:15

दिलेया सहरए बैरु बिस्याँ आछ्याँबै सैं प्ह्‍याब्मैं: फाफुइ लब्मैं, ब्यभिचार लब्मैं, म्हि सैब्मैं, कु फ्योब्‍मैं, स्‍योलिबै ताँ पोंब्‍मैं नेरो स्‍योलिबै के लब्मैं तम्।

दर्शन 9:11

च क्रोंर्बै दूत च तिरिमैंए म्रुँ मुँल। हिब्रू क्‍ह्‍युइरि च म्रुँए मिं “एबाड्डोन” ग, ग्रिक क्युइरि चए मिं “अपोल्‍लियोन” ग। च मिंए मतलब नास लब् ग।