यूहन्‍ना 8:42 - परमेश्‍वरए ताँ तमु क्युइर

⁴² येशूजी चमैंने बिइ, “क्‍हेमैंए आबा क्‍ह्रोंसेंन परमेश्‍वरन् ङिंस्‍याँम् क्‍हेमैंइ ङने म्हाँया लमल, तलेबिस्याँ ङ परमेश्‍वरउँइँले युब् ग। ङ ह्रोंसन् युदा ङ्हाँसि युब आङिं, दिलेया परमेश्‍वरजी ङ कुल्मिंब् ग।

यूहन्‍ना 8:42 ပူးပေါင်းရင်းမြစ်များ

यूहन्‍ना 1:14

परमेश्‍वरए बचन म्हिए क्हो किंसि ङ्योए म्हाँजोर युसि टिइ। खी दयाम्हाँया मुँब नेरो कह्रोंसेंन्बै ताँ पोंमल खीए चारबै ह्‍वे ङिइ म्रोंइमुँ, च चारबै ह्‍वे परमेश्‍वर आबाउँइँले युबै घ्रि मत्‍त्रे च्‍हल् मुँल।

यूहन्‍ना 12:49

तलेबिस्याँ ङइ च ताँमैं ह्रोंसए सैंउँइँले पोंब आङिं। ङइ बिल् त्हुबै ताँ नेरो पोंल् त्हुबै ताँ ङ कुल्मिंबै आबाजीन् ङलाइ ‘पोंन्’ बिसि ल्हैदिइमुँ।

यूहन्‍ना 13:3

आबाजी तोन्दोंरि सै खीए योर पिंइँमुँ। धै खी परमेश्‍वरउँइँले युब् ग, झाइले परमेश्‍वर ङाँर्न ह्‍यासिन् मुँ बिबै ताँ येशूजी था सेल।

यूहन्‍ना 14:10

ङ आबाने मुँ, आबा या ङने बालु मुँ बिबै ताँ क्हिइ आक्वें वा? ङइ क्हेमैंने बिबै ताँमैं ङ ह्रोंसए सैंर मैंसि पोंब् आङिं। दिलेया ङने टिबै आबाजी ङउँइँले ह्रोंसए केमैं लम।

यूहन्‍ना 16:30

क्हिजी तोन्दोंरि ताँ सेमना बिसि तारे ङिइ क्होइ। खाबज्यै या क्हिने ताँमैं ङ्योएल् आत्हु। छतसि क्हि परमेश्‍वर आबाउँइँले युब् ग बिसि ङिइ क्वेंइमुँ।”

यूहन्‍ना 17:25

ओ क्ह्रोंसेंन्बै निसाफ लबै आबा, ह्‍युलर्बै म्हिमैंइ क्‍हिलाइ ङो आसे। दिलेया ङइ क्‍हिलाइ ङो सेइमुँ। झाइले क्‍हिजी ङ कुल्‍मिंब् ग बिसि चुमैंइ सेइमुँ।

यूहन्‍ना 17:8

तलेबिस्याँ क्हिजी ङने पिंबै ताँ ङइ चमैंने पिंइँमुँ। धै चमैंइ च ताँ क्वेंसि ङ क्हि ङाँइले युब् ग बिसि क्ह्रोंसेंन्ले सेइमुँ। झाइले क्हिजीन् ङ कुल्मिंब् ग बिसि चमैंइ क्वेंइँमुँ।

यूहन्‍ना 3:17

तलेबिस्याँ ह्‍युलर्बै म्हिमैं दोषि ठर्दिबर परमेश्‍वरजी ह्रोंसए च्हलाइ कुलब आङिं, दिलेया चमैंलाइ जोगेबर कुल्मिंइ।

यूहन्‍ना 5:23

तलेबिस्याँ खैले म्हिमैंइ परमेश्‍वर आबाए मान लमुँ, छलेन ताँन् म्हिमैंइ खीए च्हए मान लरिगे। च्‍हए मान आलब्मैंइ च्‍हलाइ कुल्‍मिंबै आबालै या मान आल।

यूहन्‍ना 5:43

ङ ह्रोंसए आबाए मिंर युइमुँ, दिलेया क्‍हेमैंइ ङलाइ आक्वें। कोइ म्हि ह्रोंसए हगर्न खइ बिस्‍याँ क्‍हेमैंइ चए मान लम्।

यूहन्‍ना 8:14

येशूजी बिइ, “ङइ ह्रोंसए बारेर ग्वाइ पिंलेना ङए ग्वाइ क्ह्रोंसेंन्बै मुँ। ङ खनिउँइँले युजी खनिर ह्‍यासिन् मुँ बिसि ङइ सेइमुँ, दिलेया ङ खनिउँइँले युइ धै खनिर ह‍यासिन् मुँ बिब क्हेमैंइ आसे।

१ कोरिन्थी 16:22

प्रभुलाइ म्हाँया आलबै म्हिइ सराप योंरिगे। ओ प्रभु यु।

गलाती 4:4

दिलेया तोक्दिबै त्हे पूरा तमा परमेश्‍वरजी ह्रोंसए च्‍ह कुल्‍मिंइ। खी म्‍हि तसि च्हमिरिए कोखाउँइँले ठिमए न्होंर फिइ।

१ यूहन्‍ना 4:14

परमेश्‍वर आबाजी खीए च्‍हलाइ ह्‍युलर्बै म्‍हिमैं जोगेबर कुल्‍मिंब् ग बिसि ङिइ म्रोंइमुँ धै ग्वाइ पिंम्।

१ यूहन्‍ना 5:20

क्ह्रोंसेंन्‍बै परमेश्‍वरलाइ ङ्योइ ङो सेरिगे बिसि खीए च्‍ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्‍वरए च्‍ह येशू ख्रीष्‍टने घ्रिन् तसि क्ह्रोंसेंन्‍बै परमेश्‍वरने घ्रिन् तम् बिसे या सेइमुँ। क्ह्रोंसेंन्‍बै परमेश्‍वर खीन् ग धै खीउँइँले खोंयोंइ आखाँबै छ्ह योंम्।

दर्शन 22:1

च लिउँइँ च स्‍वर्गदूतइ खोंयोंइ आखाँबै छ्ह पिंबै क्‍यु मुँबै स्‍यों ङलाइ उँइँइ। च स्‍यों बेल्‍ले टल्‍कदिबै तुथु धोंले वाँ-वाँ ब्योंब् मुँल। च स्‍यों परमेश्‍वर नेरो क्‍यु च्हजए राजगद्दिउँइँले त्होंसि,