यूहन्‍ना 8:40 - परमेश्‍वरए ताँ तमु क्युइर

⁴⁰ ङइ परमेश्‍वरउँइँले थेबै क्ह्रोंसेंन्बै ताँ क्हेमैंने बिइमुँ, दिलेया तोगो क्‍हेमैंइ ङ सैल् म्हैइमुँ। अब्राहामइ छाबै के आलल।

यूहन्‍ना 8:40 ပူးပေါင်းရင်းမြစ်များ

भजनमैं 37:12

दुष्‍ट म्हिइ ठिक के लबै म्हिए बिरोधर आछ्याँबै चाँजोमैं लम्, धै च म्रोंसि स ह्राम्,

भजनमैं 37:32

ठिक के लबै म्हिमैंलाइ खैले सैल् योंब् ङ्‍हे बिसि दुष्‍ट म्हिमैं च्ह्‍याइ टिम्।

यूहन्‍ना 7:1

च लिउँइँ येशू यहूदीया ह्‍युलर ह्‍यादा आङ्हाँसि गालील ह्‍युलर्न स्युररिल। तलेबिस्याँ यहूदी चिबनाँब्मैंइ खीलाइ सैबै घ्याँ म्हैरिल।

यूहन्‍ना 8:26

ङइ क्‍हेमैंए बारेर बिल् त्हुबै ताँमैं नेरो निसाफ लल् त्हुबै ताँमैं ल्हें मुँ। दिलेया ङ कुल्‍मिंबै परमेश्‍वर क्‍ह्रोंसेंन्‍ब मुँ, छतसि खीउँइँले ङइ तो थेमुँ चन् ङइ ह्‍युलर्बै म्हिमैंने बिमिंमुँ।”

यूहन्‍ना 8:56

क्‍हेमैंए खे अब्राहामइ ओंसोंन् ङ चु ह्‍युलर युब्मुँ बिब् सेसि सैं तोंल, झाइले ङ युब् म्रोंसि बेल्‍ले सैं तोंइ।”

रोमी 4:12

ज्युर चिनु लब् भन्दा ओंसोंन् अब्राहामइ परमेश्‍वरए फिर बिश्‍वास लइ। छतसि ज्युर चिनु लबै यहूदीमैं या अब्राहामइ धोंलेन् परमेश्‍वरए फिर बिश्‍वास लइबिस्‍याँ चमैंए खे अब्राहामन् ग।

गलाती 4:16

ङइ क्‍हेमैंने क्ह्रोसेंन्बै ताँ बिमिंबइले ङ क्‍हेमैंए शत्तुर तइ वा?

गलाती 4:29

अब्राहामए ज्युर्बै इच्छाउँइँले केब्स्योइ योंबै च्‍हइ च त्हेर परमेश्‍वरए प्ल्हउँइँले योंबै च्‍हलाइ ह्रुगुदिल। च धोंलेन् तिंजोरो या छान् तम्।

दर्शन 12:17

छतमा च अजिङ्गर च च्हमिरिने बेल्‍ले ह्रिस खइ। धै च च्हमिरिए अर्को सन्‍तानमैंने, अथवा परमेश्‍वरए ताँ ङिंब्‍मैं नेरो येशूए बारेर क्ह्रोंसेंन्‍बै ग्वाइ पिंब्मैंने ल्हडें लबर ह्‍याइ।

दर्शन 12:4

चए म्येइ मुर्बै सारा सोंबाँर तिबाँ सोर्दिसि पृथ्‍बीर भ्‍योंवाइ। कोलो फिबै तोंदोंन् क्ल्ह्‍योंवाब् बिसि च अजिङ्गर कोलो फिबि छेबै च्हमिरिए उँइँर रारिल।