यूहन्‍ना 8:34 - परमेश्‍वरए ताँ तमु क्युइर

³⁴ येशूजी चमैंने बिइ, “क्ह्रोंसेंन ङ क्हेमैंने बिमुँ, पाप लब्मैं ताँन् पापए केब्छैं ग।

यूहन्‍ना 8:34 ပူးပေါင်းရင်းမြစ်များ

हितोपदेश 5:22

ह्रोंसइ लबै आछ्याँबै केइन दुष्‍ट म्हि ङोर फेम्, धै ह्रोंसइ लबै आछ्याँबै केमैंन च पापर च्होवाम्।

मत्ती 5:18

तलेबिस्याँ क्ह्रोंसेंन ङ क्हेमैंने बिमुँ, स्वर्ग नेरो पृथ्‍बी नास आतन् समा ठिमर प्ह्रिबै च्‍योंब भन्दा च्‍योंबै ताँ या पूरा आतन्ले म्‍हरिब् आरे।

यूहन्‍ना 3:3

येशूजी चने बिइ, “क्‍ह्रोंसेंन ङ क्‍हिने बिमुँ, छारा तसि आफिइ बिस्याँ खाबै या परमेश्‍वरए ग्याल्स म्रोंल् आखाँ।”

चेला चिब्मैंए केमैं 8:23

क्हिए सैं इखइ प्लिंब नेरो क्हिलाइ पापइ फैथेंब ङइ म्रोंइँमुँ।”

रोमी 6:12

छतसि पाप लबै सैं आखरिगे बिसि क्‍हेमैंए सिल् त्‍हुबै ज्युर पाप लल् आपिंन्।

रोमी 6:16

क्हेमैंइ ह्रोंसलाइ खाबै योर पिंवाँमुँ? चए केब्छैंन् क्हेमैं तल् त्‍हुम्। पापए केब्छैं तसि चइ बिब ङिंइ बिस्याँ क्हि सिल् त्हुब्मुँ, दिलेया परमेश्‍वरजी बिब ङिंइ बिस्याँ खीए उँइँर क्‍हेमैं ठिक ठर्दिब्मुँ।

रोमी 6:6

ङ्योइ पाप आलरिगे धै ङ्यो पापए न्होंर आटिरिगे बिसि परमेश्‍वरजी ङ्योए ओंसोंबै छ्ह येशू ख्रीष्‍टने बालु क्रूसर च्योवाइमुँ बिब ङ्योइ सेइमुँ।

रोमी 7:14

ठिम पबित्र प्ल्हउँइँले खबै छ्याँबै सै ग बिसि ङ्योइ सेइमुँ, दिलेया ङ ह्रोंसए सैंर मैंब् धोंले आछ्याँबै केमैं लप्रबै म्हि तबइले ङ केब्छैं तयाइमुँ धै चए न्होंर मुँ।

रोमी 7:25

परमेश्‍वरलाइ धन्‍यबाद तरिगे, तलेबिस्याँ प्रभु येशू ख्रीष्‍टजीन् ङ्योलाइ जोगेमिंइमुँ! छतमा ङए हालत छाबन् ग। ङइ ह्रोंसए सैंइ मत्‍त्रे परमेश्‍वरए ठिम म्हाँदिम्, दिलेया ङए ओंसोंबै बानिइ पापए सेवा लम्।

रोमी 8:21

तोन्दोंरि सैमैं नास तबउँइँले खीजी तिगें जोगेमिंब्मुँ, धै परमेश्‍वरए च्‍ह-च्हमिमैंइ खोंयोंइ आखाँबै छ्ह योंब् धोंले सृष्‍टि या खोंयोंन् बिलै नास तल् आत्हु बिसि सृष्‍टिइ आशा लइमुँ।

एफिसी 2:2

च त्हेर क्‍हेमैं चु ह्‍युलर्बै रोसर प्रमल, धै शक्‍ति मुँबै मुर टिबै सैमैंए चिबलाइ म्‍हाँदिमल। तिंजोरो या परमेश्‍वरलाइ आम्‍हाँदिब्‍मैं च चिबए न्होंर्न टिइमुँ।

तीतस 3:3

तलेबिस्याँ ओंसों ङ्योइ या आमादु, बिब आङिंब, आतबै केर प्रब, सयल लब, आगुए फिर ह्रिस लब, आगुइ ङ्योलाइ हेल लमल, ङ्योज्यै या अरूलाइ हेल लमल।

२ पत्रुस 2:19

ङिइ क्हेमैं छ्याँबै घ्याँर डोरेस्यो बिसि चमैंइ म्हिमैंने बाछा फैमुँ, दिलेया खेंमैंन् आछ्याँबै घ्याँर प्रम्। तलेबिस्याँ म्‍हिइ तो सैलाइ सैं पिंमुँ, च सैए केब्छैं तसि चए न्होंर्न टिल् त्हुम्।