यूहन्‍ना 8:25 - परमेश्‍वरए ताँ तमु क्युइर

²⁵ चमैंइ खीने “छ बिस्‍याँ क्‍हि खाब जा?” बोसि ङ्योएमा येशूजी चमैंने बिइ, “ङ जोगेमिंबै म्रुँ ख्रीष्‍ट ग बिसि ङइ ओंसों ओंनोंन् क्हेमैंने बिइना मुँ।

यूहन्‍ना 8:25 ပူးပေါင်းရင်းမြစ်များ

लूका 22:67

“क्‍हि परमेश्‍वरजी कुल्‍मिंबै म्रुँ ख्रीष्‍ट ग बिस्‍याँ ङिने बिद्।” येशूजी चमैंने बिइ, “ङइ बिनाबिलेया क्‍हेमैंइ आक्वें।

यूहन्‍ना 1:19

च्हमा यरूशलेमउँइँले यहूदी चिब्मैंइ खेगिमैं नेरो लेबीमैं यूहन्‍नाने “क्‍हि खाब् जा?” ङ्योएबर कुलइ।

यूहन्‍ना 1:22

चमैंइ धबै बिइ, “छ बिस्याँ क्‍हि खाब् जा? ङिने बिद्। ङि कुल्मिंबै म्हिमैंने ङिइ ताँ बिल् त्‍हुम्। क्‍हिइ ह्रोंसए बारेर तो बिम्?”

यूहन्‍ना 10:24

यहूदी चिबनाँब्मैं खीए कारग्युले खागु तसि बिइ, “क्‍हि खाब् जा बिसि खोंयों समा ङिने आबि? क्हि परमेश्‍वरजी कुल्मिंबै म्रुँ ख्रीष्‍ट ग बिस्याँ ङिने छेनाले बिमिंन्।”

यूहन्‍ना 19:9

छतमा च धबै दरबार न्‍होंर होंसि “क्‍हि खनर्बै जा?” बिसि येशूने ङ्योएमा येशूजी चने तिजी या ज्वाफ आपिं।

यूहन्‍ना 8:12

येशूजी धबै चमैंने बिइ, “ङ ह्‍युलर्बै चारबै ह्‍वे ग। ङए लिलि प्रबै म्हि मिछु खैबर प्रल् त्‍हुरिब् आरे। दिलेया चइ खोंयोंइ आखाँबै छ्ह पिंबै चारबै ह्‍वे योंब्‍मुँ।”

यूहन्‍ना 8:24

ङइ क्हेमैंने बिइ, क्‍हेमैं ह्रोंसए पापर्न सिब्मुँ, तलेबिस्याँ ‘ङ जोगेमिंबै म्रुँ ख्रीष्‍ट ग’ बिसि क्हेमैंइ आक्वेंस्याँ क्हेमैं ह्रोंसए पापर्न सिब्मुँ।”

यूहन्‍ना 8:26

ङइ क्‍हेमैंए बारेर बिल् त्हुबै ताँमैं नेरो निसाफ लल् त्हुबै ताँमैं ल्हें मुँ। दिलेया ङ कुल्‍मिंबै परमेश्‍वर क्‍ह्रोंसेंन्‍ब मुँ, छतसि खीउँइँले ङइ तो थेमुँ चन् ङइ ह्‍युलर्बै म्हिमैंने बिमिंमुँ।”