यूहन्‍ना 8:21 - परमेश्‍वरए ताँ तमु क्युइर

²¹ येशूजी धबै चमैंने बिइ, “ङ छुइले ह्‍याब्मुँ, झाइले क्‍हेमैंइ ङ म्‍हैब्‍मुँ, दिलेया क्‍हेमैं ह्रोंसए पापर्न सियाब्मुँ। तलेबिस्याँ ङ ह्‍याबै क्ल्ह्‍योर क्‍हेमैं खल् आखाँ।”

यूहन्‍ना 8:21 ပူးပေါင်းရင်းမြစ်များ

हितोपदेश 11:7

दुष्‍ट म्हि सियामा चइ थेंबै आशा या नास तयाम्, धै कमैबै सै न्होरए फिर आशा थेंबै म्हि या नास तयाम्।

हितोपदेश 14:32

दुष्‍ट म्हिमैंए लबै केइ ह्रोंसन् नास तयाम्, दिलेया ठिक के लब्मैं सिमै या आशा योंम्।

मत्ती 23:39

तलेबिस्याँ ङ क्‍हेमैंने बिमुँ, ‘याहवेहए मिंर खबै म्रुँ बेल्‍ले ङ्‍हो सब् ग’ आबिन् समा क्‍हेमैंइ ङलाइ म्रोंरिब आरे।”

मत्ती 25:41

“च लिउँइँ खीजी ह्रोंसए त्हेब्रे हारइ टिब्‍मैंने ‘ओ सराप योंबै म्हिमैं! ङ ङाँइँले ह्रेंगो तयाद्। दियाबलस नेरो चए दूतमैंए ल्हागिर बनेथेंबै खोंयोंइ आसिबै मिर ह्‍याद्,’ बिब्मुँ।

मत्ती 25:46

“छतसि चुमैंइ खोंयोंइ आखाँबै दण्‍ड योंब्‍मुँ, दिलेया ठिक के लब्मैंइ बिस्याँ खोंयोंइ आखाँबै छ्ह योंब्‍मुँ।”

यूहन्‍ना 12:33

खी खैले सिल् त्हुम् बिबै ताँ म्हिमैंइ क्होरिगे बिसि खीजी चु ताँ बिल।

यूहन्‍ना 12:35

येशूजी चमैंने बिइ, “अझै तिस्याँदे समा चारबै ह्‍वे क्‍हेमैंनेन् तब्मुँ। मिछु खैबइ क्हेमैं आहुरिगे बिसि चारबै ह्‍वे क्हेमैंने मुँरिबर्न प्ररिद्। मिछु खैबर प्रबै म्हिइ ह्रोंस् खनिर ह्‍यारिइमुँ बिसि सेल् आखाँ।

यूहन्‍ना 13:33

“ओ ङए च्योंनें कोलोमैं, दे त्हे समा मत्‍त्रे ङ क्हेमैंने बालु तब्मुँ! क्हेमैंइ ङ म्हैब्मुँ, ङइ यहूदी चिबनाँब्मैंने बिब् धोंले तारे क्हेमैंने या बिमुँ, ङ ह्‍याबै क्ल्ह्‍योर क्हेमैं खल् आखाँ।

यूहन्‍ना 7:34

च त्‍हेर क्‍हेमैंइ ङलाइ म्‍हैब्‍मुँ, दिलेया स्यारिब् आरे। तलेबिस्याँ ङ ह्‍याबै क्‍ल्‍ह्‍योर क्‍हेमैं खल् आखाँ।”

यूहन्‍ना 7:36

‘क्‍हेमैंइ ङलाइ म्‍हैब्‍मुँ, दिलेया स्यारिब् आरे’, धै ‘ङ ह्‍याबै क्‍ल्‍ह्‍योर क्‍हेमैं खल् आखाँ।’ बिसि चुइ बिबै ताँ तो मुँगे?”

यूहन्‍ना 8:24

ङइ क्हेमैंने बिइ, क्‍हेमैं ह्रोंसए पापर्न सिब्मुँ, तलेबिस्याँ ‘ङ जोगेमिंबै म्रुँ ख्रीष्‍ट ग’ बिसि क्हेमैंइ आक्वेंस्याँ क्हेमैं ह्रोंसए पापर्न सिब्मुँ।”

एफिसी 2:1

ओंसों क्हेमैं परमेश्‍वरजी बिब् आङिंसि ह्रोंसइ लबै आछ्याँबै केमैंइ लमा सियाब् धोंन् तल।