यूहन्‍ना 8:20 - परमेश्‍वरए ताँ तमु क्युइर

²⁰ चु ताँमैं येशूजी मन्दिरर मुइ झोंबै बाकस ङाँर क्हुँसि बिब् ग। दिलेया खाबज्‍यै या खीलाइ आक्‍हा। तलेबिस्याँ खीए सिबै त्हे अझै आतल।

यूहन्‍ना 8:20 ပူးပေါင်းရင်းမြစ်များ

मत्ती 26:55

च त्हेर्न येशूजी खी क्‍हाबर खबै म्हिए हुलने बिइ, “ह्‍यो क्हाबर खब् धोंले सेलाँ नेरो प्‍हरे छेसि ङ ङाँर तले खल? ङइ त्हिंइ ह्रोंसे मन्दिरर लोमिंममा क्‍हेमैंइ ङलाइ आक्‍हा।

मत्ती 27:6

ख्रो पिंबै खेगि चिब्मैंइ च चाँदिए मुइ खागु लसि “चु मुइ म्‍हि सैसि योंबै मुइ ग। छतसि चु मन्दिरर्बै बाकसर थेंब ठिक आत,” बिइ।

मर्कूस 12:41

येशू मन्दिरर भेटि झोंबै बाकसए चेंदो क्हुँसि म्‍हिमैंइ बाकसर भेटि झोंरिब ङ्‍ह्‍योरिमा प्लोबै म्‍हिमैंइ मुइ ल्‍हें झोंइ।

मर्कूस 12:43

छाब् म्रोंसि येशूजी खीए चेलामैं खी ङाँर हुइसि बिइ, “क्ह्रोंसेंन ङ क्हेमैंने बिमुँ, चु बाकसर भेटि झोंबै म्‍हिमैंए न्‍होंरि चु ङ्हाँदु म्हरेस्योइ ताँन् भन्दा ल्‍हें झोंइ।

लूका 20:19

येशूजी चु अहान् खेंमैंए बारेर्न पोंरिइमुँ बिसि शास्‍त्रिमैं नेरो खेगि चिब्मैंइ क्‍होइ। छतसि च त्‍हेर्न चमैंइ येशू क्‍हाल् म्‍हैइ। दिलेया चमैं म्हि हुल म्रोंसि ङ्हिंमल।

लूका 21:1

खीजी ङ्ह्‍योरिमा प्ल्हो-प्ल्होबै म्हिमैंइ मन्दिरर्बै भेटि बकसर भेटि झोंरिब् म्रोंइ।

यूहन्‍ना 10:39

चु ताँ थेसि चमैंइ धबै येशूलाइ क्‍हाल् म्‍हैइ। दिलेया चमैंए योउँइँले खी स्योयाइ।

यूहन्‍ना 2:4

येशूजी चने बिइ, “ङइ तो लल् त्हुम् बिसि क्हिइ ङने बिल् आत्हु। तलेबिस्याँ ङए के लबै त्हे अझै आतइमुँ।”

यूहन्‍ना 7:14

चाड आधा तबि छेमा येशू मन्दिर न्होंर ह्‍यासि ताँमैं लोमिंइ।

यूहन्‍ना 7:30

चु ताँ थेसि चर्बै म्हिमैंइ खीलाइ क्हाबर होंइ। दिलेया खाबज्यै खीए फिर यो झोंल् आखाँ। तलेबिस्याँ खीए सिबै त्हे अझै आतल।

यूहन्‍ना 7:44

चमैं न्होंरि को-कोइ खीलाइ क्‍हाल् म्‍हैइ। दिलेया खाबज्यै खीए फिर यो आझोंल।

यूहन्‍ना 7:8

क्‍हेमैं चाड म्हाँदिबर ह्‍याद्। ङ चु चाड म्हाँदिबर आह्‍या, तलेबिस्याँ ङए त्हे अझै आतइमुँ।”

यूहन्‍ना 8:2

प्‍हँन्हाँग्धों न्‍हाँक्‍कर्न खी धबै कोंउँइँले युसि मन्दिरर ह्‍यामा ताँन् म्हिमैं खी ङाँर खइ। धै येशू क्हुँसि चमैं लोमिंर होंइ।

यूहन्‍ना 8:59

छबिमा चमैंइ खी ल्हिब बिसि युँमा तोमा येशू लोसि मन्दिरउँइँले बैरु त्‍होंयाइ।