यूहन्‍ना 8:14 - परमेश्‍वरए ताँ तमु क्युइर

¹⁴ येशूजी बिइ, “ङइ ह्रोंसए बारेर ग्वाइ पिंलेना ङए ग्वाइ क्ह्रोंसेंन्बै मुँ। ङ खनिउँइँले युजी खनिर ह्‍यासिन् मुँ बिसि ङइ सेइमुँ, दिलेया ङ खनिउँइँले युइ धै खनिर ह‍यासिन् मुँ बिब क्हेमैंइ आसे।

यूहन्‍ना 8:14 ပူးပေါင်းရင်းမြစ်များ

हितोपदेश 8:7

ङए सुँइ क्ह्रोंसेंन्बै ताँ पोंम्; स्योलिबै ताँमैं ङइ आखो।

यूहन्‍ना 10:15

“आबाजी ङलाइ ङो सेम्, ङज्यै या आबा ङो सेब् धोंले ङइ ह्रोंसए क्युमैं ङो सेम्। ङए क्युमैंज्यै या ङलाइ ङो सेम्। छतसि क्युमैं जोगेबै ल्हागिर ह्रोंसए ज्यु या पिम्।

यूहन्‍ना 10:36

दिलेया परमेश्‍वर आबाजी त्हाँसि ङ ह्‍युलर कुल्मिंइ। छतसि ‘परमेश्‍वरए च्ह ङन् ग’ बिमा ङइ खैले परमेश्‍वरए मिं वाइ?

यूहन्‍ना 13:3

आबाजी तोन्दोंरि सै खीए योर पिंइँमुँ। धै खी परमेश्‍वरउँइँले युब् ग, झाइले परमेश्‍वर ङाँर्न ह्‍यासिन् मुँ बिबै ताँ येशूजी था सेल।

यूहन्‍ना 14:10

ङ आबाने मुँ, आबा या ङने बालु मुँ बिबै ताँ क्हिइ आक्वें वा? ङइ क्हेमैंने बिबै ताँमैं ङ ह्रोंसए सैंर मैंसि पोंब् आङिं। दिलेया ङने टिबै आबाजी ङउँइँले ह्रोंसए केमैं लम।

यूहन्‍ना 16:28

ङ आबउँइँले ह्‍युलर युइमुँ, तारे ह्‍युल पिसि ङ आबा ङाँर एह्‍याम्।”

यूहन्‍ना 17:8

तलेबिस्याँ क्हिजी ङने पिंबै ताँ ङइ चमैंने पिंइँमुँ। धै चमैंइ च ताँ क्वेंसि ङ क्हि ङाँइले युब् ग बिसि क्ह्रोंसेंन्ले सेइमुँ। झाइले क्हिजीन् ङ कुल्मिंब् ग बिसि चमैंइ क्वेंइँमुँ।

यूहन्‍ना 18:37

पिलाताइ खीने “छ बिस्याँ क्हि म्रुँन् वा?” बिसि ङ्योएमा येशूजी बिइ, “ङ म्रुँ ग बिसि क्‍हिइन बिइमुँ। क्‍ह्रोंसेंन्‍बै ताँए ग्वाइ पिंबै ल्हागिर ङ फिब् ग। छतसि ङ चु ह्‍युलर युब् ग। क्ह्रोंसेंन्बै ताँ खोब्मैंइ ङए ताँ थेमुँ।”

यूहन्‍ना 5:31

“ङइ ह्रोंसए बारेर ग्वाइ पिंइ बिस्‍याँ ङइ बिबै ताँ क्ह्रोंसेंन आतमल।

यूहन्‍ना 8:42

येशूजी चमैंने बिइ, “क्‍हेमैंए आबा क्‍ह्रोंसेंन परमेश्‍वरन् ङिंस्‍याँम् क्‍हेमैंइ ङने म्हाँया लमल, तलेबिस्याँ ङ परमेश्‍वरउँइँले युब् ग। ङ ह्रोंसन् युदा ङ्हाँसि युब आङिं, दिलेया परमेश्‍वरजी ङ कुल्मिंब् ग।

२ कोरिन्थी 11:31

ङइ स्‍योर आतेइमुँ बिबै ताँ खोंयोंन् बिलै म्हाँदिल् त्हुबै प्रभु येशूए आबा परमेश्‍वरजी सेइमुँ।

२ कोरिन्थी 12:11

ङलाइ बुद्धि आरेबै म्हि तबर क्‍हेमैंन कर ल्‍हैदिइ। क्‍हेमैंइ अरूमैंए छ्याँबै बयन लसि चमैंलाइन “बेल्‍ले छ्याँबै कुल्मिंबै चेला चिब्मैं” बिमुँ, चमैंए उँइँरम् क्‍हेमैंइ ङए बारेर छ्याँबै बयन लल् त्‍हुमल। तलेबिस्याँ ङ तोइ आङिंलेया चमैं भन्दा ङ तोरै च्‍योंब् आरे।

२ कोरिन्थी 12:19

चु ताँन् ताँमैं बिमा ङि छ्याँब् मुँ बिसि क्हेमैंए उँइँर पोंइ वा? छ कत्ति आङिं! बरु परमेश्‍वरए उँइँर ख्रीष्‍टजी बिब् धोंले ङि पोंम्। ओ ङए खोबै अलि-अङाँमैं, ङिइ लबै ताँन् केमैं क्‍हेमैंलाइ भोंब् लमिंबै ल्हागिर्न ग।

दर्शन 1:5

येशू ख्रीष्‍ट क्ह्रोंसेंन्‍बै भर लल् खाबै साक्षि मुँ, सिबउँइँले खी ताँन् भन्दा ओंसों सोगों तल, खी पृथ्‍बीर्बै म्रुँमैंए क्ल्हे ग। प्रभु येशूजी ङ्योलाइ म्हाँया लम्। खी सिमिंसि खीए कोउँइँले ङ्यो पापउँइँले फ्रेमिंइमुँ।

दर्शन 3:14

“लाउडिकिया नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “भर लल् खाँब नेरो क्ह्रोंसेंन्बै ग्वाइ पिंबै येशूजी चु ताँ बिइमुँ: ङउँइँले परमेश्‍वरजी तोन्दोंरि सै बनेइमुँ, छतसि ङ आमेन ग।