यूहन्‍ना 8:11 - परमेश्‍वरए ताँ तमु क्युइर

¹¹ चइ बिइ, “प्रभु, खाबज्यै या आल्हैदि।” येशूजी बिइ, “ङज्‍यै या क्‍हि छ्याब् आल्हैदि। ह्‍याद्! तारे धबै पाप आलद्।”]

यूहन्‍ना 8:11 ပူးပေါင်းရင်းမြစ်များ

हितोपदेश 28:13

पापमैं लोइरि थेंबै म्हिल खोंयोंइ छ्याँब आत, दिलेया “पापमैं लइमु” बिसि पिवाबै म्हिइ आशिक योंम्।

लूका 13:3

ङ क्‍हेमैंने बिमुँ, छले आङिं। ताँन् म्‍हिमैं पापिन् मुँ। क्‍हेमैंइ दुष्‍ट के लब् आपिइ बिस्‍याँ क्‍हेमैं या छलेन् नास तब्‍मुँ।

लूका 13:5

ङ क्‍हेमैंने बिमुँ, छले आङिं, ताँन् म्‍हिमैं पापि मुँ। क्‍हेमैंइ दुष्‍ट के लब् आपिइ बिस्‍याँ क्‍हेमैं ताँन् छलेन् नास तब्‍मुँ।”

लूका 15:10

ङ कहेमैंने बिमुँ, च धोंलेन् दुष्‍ट के पिसि खी ङाँइ सैं एसि छ्याँबै घ्‍याँर प्रबै म्‍हि घ्रि म्रोंसि परमेश्‍वरए स्‍वर्गदूतमैं बेल्‍ले सैं तोंम्।”

लूका 15:32

तिंयाँ ङ्योइ भत्‍यार लसि बेल्‍ले सैं तोंल् त्‍हुम्। तलेबिस्याँ क्‍हिए अलि सियाल, सोसि खइ, म्‍हयालेया योंइ।’”

लूका 15:7

“ङ क्हेमैंने बिमुँ, ‘ङइ पाप के लइमुँ ङलाइ क्षमा पिंन्,’ बिल् आत्हुबै कुच्युसे कु धर्मि म्‍हिमैं भन्दा ‘ङ पापि मुँ, ङइ पाप केमैं लइमुँ, ङलाइ क्षमा पिंन्,’ बिसि सैं एबै म्‍हि घ्रि म्रोंसि परमेश्‍वर स्‍वर्गर बेल्‍ले सैं तोंम्।”

लूका 5:32

छतसि ङ धर्मि प्हैंब्मैं हुइबर युब आङिं, दिलेया ‘पापिमैं पाप लब् पिसि परमेश्‍वरउँइँ सैं एरिगे,’ बिसि हुइबर युब् ग।”

लूका 9:56

झाइले खेंमैं अर्को नाँसर ह्‍याइ।

यूहन्‍ना 18:36

येशूजी बिइ, “ङए ग्याल्स चु ह्‍युलर्बै आङिं। ङए ग्याल्स चु ह्‍युलर्बै ङिंस्याँम् ङ येहूदिमैंए योर आफेरिगे बिसि ङए चेलामैं ङए ल्हागिर नेमल। धै ङ यहूदीमैंए योर आफेमल। दिलेया ङए ग्याल्स चु ह्‍युलर्बै आङिं।”

यूहन्‍ना 3:17

तलेबिस्याँ ह्‍युलर्बै म्हिमैं दोषि ठर्दिबर परमेश्‍वरजी ह्रोंसए च्हलाइ कुलब आङिं, दिलेया चमैंलाइ जोगेबर कुल्मिंइ।

यूहन्‍ना 5:14

च लिउँइँ येशूजी च नबै म्हि मन्दिरर त्होसि बिइ, “ङ्‍ह्‍योद्! क्हि सल् खाँइमुँ। क्हिए फिर तोइ दुःखमैं आखरिगे बिसि धबै पाप आलद्।”

यूहन्‍ना 8:15

क्‍हेमैंइ म्हिइ लब् धोंले निसाफ लमुँ, ङइ खाबलाज्यै या निसाफ आल।

रोमी 2:4

परमेश्‍वरजी क्हिए फिर ल्हयो खम्, छतसि युनन् सजैं आपिं, बरु ल्हें समा क्हिलाइ सैदिसि म्हाँया लम्। दिलेया क्‍हिइ खीलाइ अझै म्‍हि आल! क्‍हिए सैं खी ङाँइ एरिगे बिसि परमेश्‍वरजी क्हिए फिर ल्हयो लम् बिब क्‍हिइ आसे वा?

१ कोरिन्थी 5:12

तलेबिस्याँ बैरुबै म्हिमैंए निसाफ लबै के ङल आङिं। दिलेया चर्ज न्होंर्बै म्हिमैंए निसाफ ङ्योइ लल् त्हुम्।

२ पत्रुस 3:15

झाइले ङ्योए प्रभुजी म्‍हिमैंए पापमैं सैदिमा ङ्यो जोगेबै मौका पिंइमुँ बिसि सैंर मैंन्। चु ताँ ङ्योए खोबै आघें पावलज्यै या परमेश्‍वरजी पिंबै बुद्धिजी चु ताँमैं खीए प्ह्रिछ्यार क्‍हेमैंए ल्हागिर प्ह्रिइमुँ।