यूहन्‍ना 7:42 - परमेश्‍वरए ताँ तमु क्युइर

⁴² “म्रुँ ख्रीष्‍ट दाऊदए कुलकर्बै तब्‍मुँ, धै दाऊद नाँस बेथलेहेमउँइँलेन् खब्मुँ। बिसि परमेश्‍वरए छ्वेर आप्ह्रिइमुँ वा?”

यूहन्‍ना 7:42 ပူးပေါင်းရင်းမြစ်များ

भजनमैं 132:11

याहवेहजी दाऊदने बाछा घ्रि फैइमुँ; चु बाछाउँइँले खी स्योयारिब् आरे: “क्हिए च्हमैंए न्होंर्बै घ्रिलाइ ङइ क्हिए राजगद्दिर थेंमिंब्मुँ।

भजनमैं 89:4

‘क्हिए सन्तानलाइ खोंयोंन् बिलै ङइ म्रुँ तल् पिंब्मुँ, धै क्हिए ग्याल्स पुस्ता-पुस्ता समा तल् पिंब्मुँ,’ बिसि ङए के लबै म्हि दाऊदने कसम चइमुँ।” तिस्याँदे मैंन्

मत्ती 1:1

चु येशूए खलकर्बै ताँ ग। येशू खीए खे, दाऊद म्रुँए हाँगउँइँले फिब् ग। दाऊद स्‍योंम्‍बै खे अब्राहामए हाँगउँइँले फिब् ग। च हाँगर्बै खेमैंए मिं छाब् मुँल:

मत्ती 2:5

चमैंइ बिइ, “यहूदीया ह्‍युलर्बै बेथलेहेम नाँसर, तलेबिस्याँ अगमबक्‍ताइ ओंसोंन् छले प्‍ह्रिइमुँ:

मत्ती 2:6

‘ओ यहूदा ह्‍युलर्बै बेथलेहेम नाँस, क्हि तो सैरै या यहूदार्बै सहरमैं भन्दा च्‍योंब आरे। तलेबिस्याँ क्हिउँइँलेन् चिब घ्रि त्‍होंब्‍मुँ। खीजीन् ङए म्‍हिमैं अथवा इस्राएलीमैंए छैं लब्‍मुँ।’”

लूका 2:11

तिंयाँ बेथलेहेम बिबै दाऊदए नाँसर क्‍हेमैंए ल्हागिर मुक्‍ति पिंबै म्‍हि फिइमुँ। खीन परमेश्‍वरजी कुल्‍मिंबै प्रभु ख्रीष्‍ट ग।

लूका 2:4

छतसि योसेफै या गालील ह्‍युलर्बै नासरत सहरउँइँले यहूदीया ह्‍युलए बेथलेहेम बिबै नाँसर ह्‍याइ, तलेबिस्याँ चए खे दाऊद म्रुँ च बेथलेहेम नाँसर्बै मुँल।

यूहन्‍ना 7:27

चु म्हि खनिउँइँले खब् जा बिसि ङिइ सेइमुँ। दिलेया परमेश्‍वरजी कुल्मिंबै म्रुँ ख्रीष्‍ट युमा खी खनिर्बै जा बिसि खाबज्यै सेल् खाँरिब् आरे।”