यूहन्‍ना 7:39 - परमेश्‍वरए ताँ तमु क्युइर

³⁹ येशूजी चु ताँ पबित्र प्ल्हए बारेर बिल। तलेबिस्याँ येशूए फिर बिश्‍वास लब्‍मैंइ पबित्र प्ल्ह योंमल। च त्‍हेर परमेश्‍वरजी खीए प्ल्ह म्हिमैं फिर आकुलल। तलेबिस्याँ च त्हे समा येशू मान योंबै स्‍वर्गर आह्‍याल।

यूहन्‍ना 7:39 ပူးပေါင်းရင်းမြစ်များ

भजनमैं 68:18

क्हि नुबर क्रे ह्‍यामा क्हाइ बोब्मैंलाइ क्हिए लिलि बोइ, क्हिजी म्हिमैंउँइँले क्होल्सै किंइ, ओं, क्हिजी बिब् आङिंब्मैंउँइँले या किंइ। छलेन याहवेह पारमेश्‍वर चर टिम्।

हितोपदेश 1:23

ङइ हौदिलैया क्हेमैंए सैंर चु ताँम् ङए ल्हागिर्न ग ङ्‍हाँस्याँ, ङइ ह्रोंसए खोंर्बै ताँ क्हेमैंने बिमल; धै ङए ताँमैं क्हेमैंलाइ सेल् पिंमल।

मत्ती 16:14

“कोइ बप्‍तिस्‍मा पिंबै यूहन्‍ना ग बिमुँ, कोइ स्योंम्बै एलिया ग बिमुँ, कोइ यर्मिया अथवा स्योंम्बै अगमबक्‍तामैं न्होंर्बै घ्रि ग बिम्,” बिसि चमैंइ बिइ।

मत्ती 21:11

येशूने मुँबै हुलइ बिइ, “चु गालील ह्‍युलर्बै नासरतउँइँले खबै अगमबक्‍ता येशू ग।”

लूका 24:49

परमेश्‍वर आबाजी बाछा फैसि पिंम् बिबै बरदान ङइ क्हेमैंए फिर कुल्मिंब्मुँ। दिलेया परमेश्‍वरजी पिंबै शक्‍ति क्हेमैंए फिर आयुन् समा क्हेमैं चु सहरर्न टिरिद्।”

लूका 3:16

छतमा यूहन्‍नाइ चमैं ताँनने बिइ, “ङइमि क्‍हेमैंलाइ क्युर प्ल्हुँसि बप्‍तिस्मा पिंम्। दिलेया ङ भन्दा शक्‍ति मुँबै म्‍हि घ्रि युब्‍मुँ। खीए जुत्ताए तनि प्‍ल्हबर ङ्‍हेंब ङ आरे। खीजी क्‍हेमैंलाइ परमेश्‍वरए पबित्र प्ल्ह नेरो मिइ बप्‍तिस्मा पिंब्मुँ।

लूका 7:16

छाबै के म्रोंसि ताँन् म्‍हिमैं बेल्‍ले ङ्हिंयाँइ, धै “परमेश्‍वर बेल्‍ले थेब नेरो छ्याँब् मुँन! ङ्योए म्‍हाँजोर थेबै अगमबक्‍ता युइमुँ! खी ह्रोंसए म्‍हिमैं जोगेमिंबर युइमुँ,” बिइ।

यूहन्‍ना 1:21

चमैंइ चने ङ्योएइ, “छ बिस्‍याँ क्‍हि खाब् जा? क्हि एलिया वा?” यूहन्‍नाइ बिइ, “ङ आङिं।” च्हमा चमैंइ ङ्योएइ, “क्हि च अगमबक्‍ता वा?” चइ बिइ, “ङ आङिं।”

यूहन्‍ना 1:25

यूहन्‍नाने ङ्योएइ, “क्‍हि परमेश्‍वरजी कुल्मिंबै म्रुँ ख्रीष्‍ट या आङिं, एलिया या आङिं, धै अगमबक्‍ता या आङिं, बिस्याँ क्हिइ म्हिमैं तले क्‍युर प्‍ल्हुँसि बप्‍तिस्‍मा पिंरिमुँ?”

यूहन्‍ना 1:33

ओंसों ङइ खी ङो आसेल, दिलेया परमेश्‍वरजी ङ कुलसि बिइ, ‘म्हिमैं क्युर प्ल्हुँमिंसि बप्‍तिस्‍मा पिंन्।’ धै खीजीन् ङने बिल, ‘खाबै फिर क्हिइ पबित्र प्ल्ह तयुसि टिब् म्रोंब्मुँ, पबित्र प्ल्हउँइँले बप्‍तिस्मा पिंबै म्हि खीन् ग।’

यूहन्‍ना 12:16

खीए चेलामैंइ ओंसों चु ताँमैं आक्होल। दिलेया येशू सिबउँइँले सोगों तसि स्वर्गर्बै मान योंबै लिउँइँ मत्‍त्रे खीए बारेर चु ताँ छ्वेर प्ह्रिब् मुँन धै चु केमैं खीए मान लबै ल्हागिरि यरूशलेमथेंमैंइ लना बिसि चमैंइ क्होइ।

यूहन्‍ना 12:23

येशूजी चमैंने बिइ, “तारे म्हिए च्हजी थेबै मान योंबै त्‍हे तखइमुँ।

यूहन्‍ना 14:13

क्हेमैंइ ङए मिंर तो ह्रिलैया च्हउँइँले आबाए मान तरिगे बिसि क्हेमैंइ ह्रिबै सैमैं ङइ पूरा लमिंब्मुँ।

यूहन्‍ना 14:26

आबाजी ङए मिंर क्हेमैंलाइ ल्होमिंबै पबित्र प्ल्ह कुलमिंब्मुँ। खीजी क्‍हेमैंलाइ तोन्दोंरि ताँमैं लोमिंब्‍मुँ। धै ङइ क्‍हेमैंने ओंसोंन् बिबै ताँन् ताँमैं क्हेमैंलाइ चिमिंब्‍मुँ।

यूहन्‍ना 16:14

ङइ बिबै ताँमैं खीजी क्हेमैंने बिमिंसि ङए मान लब्मुँ।

यूहन्‍ना 16:7

छान् तलेया ङइ क्हेमैंने क्ह्रोंसेंन्बै ताँ बिमुँ, ङ छुइले ह्‍याबन् क्हेमैंए ल्हागिर छ्याँब् तम्। तलेबिस्याँ ङ आह्‍याइ बिस्याँ ल्होमिंबै पबित्र प्ल्ह क्हेमैं ङाँर युरिब् आरे। ङ ह्‍याइ बिस्याँ पबित्र प्ल्ह क्हेमैं ङाँर कुल्मिंब्मुँ।

यूहन्‍ना 17:1

चु ताँ बिल् खाँबै लिउँइँ येशूजी स्वर्गउँइँ ङ्‍ह्‍योसि बिइ, “ओ आबा, क्जिजी तोक्दिबै त्हे तखइमुँ। च्हइ क्हिए थेबै मान उँइँमिंरिगे बिसि च्हए थेबै मान तल् पिंन्।

यूहन्‍ना 17:5

ओ आबा, ह्‍युल बनेब् भन्दा ओंसोंन् क्हि ङाँर ङला थेबै मान मुँल। तारे ङ क्हि ङाँर खमा च थेबै मान ङलाइ पिंन्।

यूहन्‍ना 20:22

च्हौ बिसि खीजी चमैंए फिर सो फुइसि बिइ, “पबित्र प्ल्ह किंन्।

यूहन्‍ना 6:14

खीजी लबै छाबै औदिबै चिनु म्रोंसि च म्हिमैंइ “ह्‍युलर युल् त्हुबै अगमबक्‍ता क्ह्रोंसेंन चुन् मुँन,” बिइ।

यूहन्‍ना 7:12

म्हि हुलए न्होंरि खीए बारेर खें-खेंमैंन् ताँ लरिल। कोइ म्हिमैंइ “खी छ्याँबै म्हि ग बिमल,” कोइ “आङिं, चम् म्हिमैंने स्योर तेइ मत्‍त्रे प्रइमुँ बिमल।”

यूहन्‍ना 8:54

येशूजी बिइ, “ङइ ह्रोंसइन ह्रोंस क्वेइ बिस्याँ च फाक्‍कर्न तम्। ङलाइ क्वेबाम् ङए आबा मुँ। खीनेन् क्‍हेमैंइ ‘ङिए परमेश्‍वर’ बिम्।

चेला चिब्मैंए केमैं 19:2

चइ चमैंने “क्हेमैंइ प्रभुए फिर बिश्‍वास लइरि पबित्र प्ल्ह योंइ वा?” बिसि ङ्योएइ। चमैंइ बिइ, “पबित्र प्ल्ह मुँ बिब ङिइ आथेइमुँ।”

चेला चिब्मैंए केमैं 2:17

‘नुखबै त्हिंइजरे छ तब्मुँ बिसि परमेश्‍वरजी बिइमुँ, ङइ ताँन् म्हिमैंए फिर ङए पबित्र प्ल्ह कुल्मिंब्मुँ। धै क्‍हेमैंए च्‍ह-च्हमिमैंइ अगमवाणि पोंब्मुँ, क्‍हेमैंए फ्रेंसिंमैंइ दर्शनमैं म्रोंब्मुँ, धै क्‍हेमैंए खेब्मैंइ म्‍होंडा म्होंब्मुँ।

चेला चिब्मैंए केमैं 2:33

परमेश्‍वर आबाजी येशूलाइ थेब् लमिंसि खीए क्‍योलोउँइँ थेंइँमुँ। धै ह्रोंसजी बाछा फैब् धोंले येशूलाइ पबित्र प्ल्ह पिंइ। च पबित्र प्ल्ह प्रभु येशूजी तोगो ङिए फिर कुमिंब् ग। चु ताँमैं क्हेमैंइ तोगो थेइमुँ, म्रोंइमुँ।

चेला चिब्मैंए केमैं 2:38

पत्रुसइ बिइ, “ङिइ आछ्याँबै केमैं लना बिसि क्‍हेमैं ताँनइ‍ ह्रों-ह्रोंसए आछ्याँबै केमैं पिसि परमेश्‍वरउँइँ सैं एद्, धै क्हेमैंए पाप क्षमा तबै ल्हागिर येशू ख्रीष्‍टए मिंर बप्‍तिस्‍मा किंन्। छलमा परमेश्‍वरउँइँले क्हेमैंइ पबित्र प्ल्हए बरदान योंब्मुँ।

चेला चिब्मैंए केमैं 2:4

छतमा चमैं ताँन् परमेश्‍वरए पबित्र प्ल्हजी प्लिंयाँइ, धै पबित्र प्ल्हजी पिंबै शक्‍तिउँइँले चमैंइ स्यो-स्योबै क्युइर पोंबर होंइ।

चेला चिब्मैंए केमैं 3:13

अब्राहाम, इसहाक नेरो याकूबए परमेश्‍वर, ङ्योए खेमैंए परमेश्‍वरजी ह्रोंसए सेवा लबै येशूलाइ कति थेब लमिंइ। दिलेया क्हेमैंइ खी क्हासि सैबर पिलातसलाइ पिंवाइ। पिलातसइ खीलाइ पिमिंबै सैं ललेया क्हेमैंइ पिलातसए उँइँर्न खीए बिरोध लसि खीलाइ पिल् आपिं।

चेला चिब्मैंए केमैं 4:31

चमैंइ प्राथना लल् खाँबै लिउँइँ चमैं खागु तबै क्ल्ह्‍यो लायाइ, धै चमैं ताँन् पबित्र प्ल्हजी प्लिंयाँइ, छतमा चमैंइ आङ्हिंन्ले परमेश्‍वरए ताँ पोंइ।

रोमी 8:9

दिलेया परमेश्‍वरए प्ल्ह क्‍ह्रोंसेंन्‍ले क्‍हेमैंने टिस्याँ क्‍हेमैं ओंसोंबै बानिए लिलि आप्र, बरु परमेश्‍वरए प्ल्हए लिलि प्रम्। येशू ख्रीष्‍टए प्ल्ह आरेबै म्‍हि ख्रीष्‍टल् आङिं।

२ कोरिन्थी 3:8

झन् पबित्र प्ल्हजी लबै केरि बेल्‍ले थेबै ह्‍वे चारम्।

एफिसी 4:30

परमेश्‍वरए पबित्र प्ल्हलाइ सैं नल् आलद्। परमेश्‍वरजी आखिरि त्हिंइर स्‍वर्गर बोबै ल्हागिर खीजी क्हेमैंए फिर ह्रोंसए पबित्र प्ल्हजी छाप ल्हैदिइमुँ।