यूहन्‍ना 7:31 - परमेश्‍वरए ताँ तमु क्युइर

³¹ दिलेया चर मुँबै ल्‍हें म्हिमैंइ खीए फिर बिश्‍वास लसि बिइ, “परमेश्‍वरजी कुल्मिंबै म्रुँ ख्रीष्‍ट युमा येशूजी लबै औदिबै चिनुमैं भन्दा थेबै केमैं लम् रो वा?”

यूहन्‍ना 7:31 ပူးပေါင်းရင်းမြစ်များ

मत्ती 12:23

छले सल् लमिंब् म्रोंसि चर्बै म्‍हिमैं प्लेटोयासि “चु म्‍हि ङ्योए खे दाऊद म्रुँए च्ह मुइ उ?” बिबर होंइ।

लूका 8:13

झाइले गेगरर तेबै प्‍लु चुन् ग: खाबइ परमेश्‍वरए ताँ थेसि सैं तों-तोंइ क्‍वेंम्। दिलेया चमैंए जरा आत। छतसि चमैंइ तिस्याँदे मत्‍त्रे च ताँ क्वेंम्, तलेबिस्याँ ह्रोंसए फिर दुःखमैं तमा बिब् धों आतमा चमैंइ पिवाम्।

यूहन्‍ना 11:45

मरियम ङाँर खबै ल्‍हें यहूदीमैंइ येशूजी लबै चु के म्रोंसि खीए फिर बिश्‍वास लइ।

यूहन्‍ना 12:11

तलेबिस्याँ येशूजी लाजरस सोगों लमिंमा ल्हें यहूदीमैंइ यहूदी चिब्मैं पिवासि येशूए फिर बिश्‍वास लबर होंल।

यूहन्‍ना 12:42

छान् तलेया यहूदी चिबनाँब्मैंए न्होंरि ल्हें म्हिइ येशूए फिर बिश्‍वास लइ। दिलेया चमैं फरिसीमैंने ङ्हिंसि “म्हि च्हों धिंउँइँले तेवाम् उ?” ङ्हाँसि खेंमैंइ येशूए फिर बिश्‍वास लबै बारेर खाबने या आबिमल।

यूहन्‍ना 2:11

धाँसे ओंसों येशूजी औदिबै चिनु गालील ह्‍युलर्बै काना नाँसर लइ। छले खीजी औदिबै के उँइँमिंइ, छाब् म्रोंसि चेलामैंइ खीए फिर बिश्‍वास लइ।

यूहन्‍ना 3:2

च म्‍हुँइँसर येशू ङाँर खसि खीने बिइ, “ओ गुरु, क्‍हि परमेश्‍वरउँइँले युबै लोमिंबै म्हि ग बिसि ङिइ सेइमुँ, तलेबिस्याँ परमेश्‍वरजी आल्होमिंस्याँ क्‍हिइ लब् धों तबै चु औदिबै चिनुमैं खाबज्यै लल् आखाँ।”

यूहन्‍ना 4:29

“खो, म्हि घ्रि ङ्‍ह्‍योबर खो! ङइ लबै तोन्दोंरि केमैं खीजी बिमिंइ। खनिज्यै खीन् परमेश्‍वरजी कुल्मिंबै म्रुँ ख्रीष्‍ट मुँइ उ?”

यूहन्‍ना 4:39

“ङइ लबै तोन्दोंरि केमैं खीजी ङने बिमिंइ” बिबै च च्हमिरिइ पिंबै ग्वाइ लमा च नाँसर्बै सामरीमैं न्होंरि ल्हें म्हिइ येशूए फिर बिश्‍वास लइ।

यूहन्‍ना 6:2

झाइले ल्हें म्हि खीए लिलि खइ, तलेबिस्याँ खीजी नबै म्हिमैं सल् लमिंबै औदिबै चिनुमैं चमैंइ ओंसोंन् म्रोंल।

यूहन्‍ना 7:26

ङ्‌ह्‍योत्ति! ताँन् म्हिमैंए ओंसों चइ आङ्हिंन्ले पोंरिइमुँ, दिलेया खाबज्यै चने तोइ आबिइमुँ! चुन् परमेश्‍वरजी कुल्मिंबै म्रुँ ख्रीष्‍ट ग बिसि धर्म-गुरुमैंइ क्‍ह्रोंसेंन था सेना उ तो जा?

यूहन्‍ना 9:16

फरिसीमैं न्होंर्बै को-कोइ बिइ, “च परमेश्‍वरउँइँले युबै म्हि आङिं, तलेबिस्याँ चइ प्रिबै त्हिंइ आम्हाँदि।” दिलेया अरूमैंइ बिइ, “चु पापि म्हि मुँस्याँ, चुइ छाबै औदिबै चिनुमैं खैले लल् खाँइ?” चु ताँइ लमा चमैं न्‍होंरि आक्‍ह्रि।

चेला चिब्मैंए केमैं 8:13

चु ताँमैं च जादु लबै सिमोनज्यै क्वेंइ, धै चज्यैया बप्‍तिस्‍मा किंसि फिलिपने बालु प्रइ। झाइले फिलिपइ लबै थे-थेबै औदिबै चिनुमैं म्रोंसि च प्लेटोयाइ।

याकूब 2:26

छतसि खैले ज्युर प्‍ल्‍ह आरेस्‍याँ म्हि सियामुँ, छलेन छ्याँबै के आलबै बिश्‍वासै या सियाब् धोंन् ग।