यूहन्‍ना 7:30 - परमेश्‍वरए ताँ तमु क्युइर

³⁰ चु ताँ थेसि चर्बै म्हिमैंइ खीलाइ क्हाबर होंइ। दिलेया खाबज्यै खीए फिर यो झोंल् आखाँ। तलेबिस्याँ खीए सिबै त्हे अझै आतल।

यूहन्‍ना 7:30 ပူးပေါင်းရင်းမြစ်များ

भजनमैं 76:10

क्ह्रोंसेंन् म्हिमैंने क्हिए ह्रिस खमा क्हिए मिंन् थेब् लब्मुँ; झाइले क्हिए ह्रिसउँइँले सोब्मैंइ आछ्याँबै के लब पिवाब्मुँ।

मत्ती 12:14

दिलेया फरिसीमैं बैरु त्‍होंसि येशूलाइ खैले सैब् ङ्‍हे बिसि खीए बिरोधर मत लइ।

मत्ती 21:46

छतसि चमैंइ येशूलाइ क्‍हाल् म्‍हैइ, दिलेया चमैं म्‍हिए हुल म्रोंसि ङ्हिंइ। तलेबिस्याँ म्हिमैंइ “येशू अगमबक्‍ता ग,” बिसि मैंमल।

मर्कूस 11:18

चु ताँ थेसि ख्रो पिंबै खेगि चिब्मैं नेरो शास्‍त्रिमैंइ “चलाइ खैले सैब् ङ्‍हे” बिसि घ्याँ म्हैबर होंइ, दिलेया येशू म्रोंसि चमैं ङ्हिंमल तलेबिस्याँ ताँन् म्हिमैंइ खीए ताँमैं थेसि अचम्‍मा ङ्हाँरिल।

लूका 20:19

येशूजी चु अहान् खेंमैंए बारेर्न पोंरिइमुँ बिसि शास्‍त्रिमैं नेरो खेगि चिब्मैंइ क्‍होइ। छतसि च त्‍हेर्न चमैंइ येशू क्‍हाल् म्‍हैइ। दिलेया चमैं म्हि हुल म्रोंसि ङ्हिंमल।

लूका 22:53

ङ त्हिंइ ह्रोंसे क्‍हेमैंने ‍बालुन् मन्दिरर मुँमा क्‍हेमैंइ ङ आक्हा। दिलेया तारे क्हेमैंए त्हे तइमुँ। छतसि क्हेमैं तो के लबर खल, च के लद्, तलेबिस्याँ मिछु खैबर्बै शक्‍तिए के लबै त्हे चुन् ग।”

यूहन्‍ना 10:31

चु ताँ थेसि यहूदी चिबनाँब्मैंइ येशूलाइ प्रिंब् बिसि धबै युँमा तोइ।

यूहन्‍ना 10:39

चु ताँ थेसि चमैंइ धबै येशूलाइ क्‍हाल् म्‍हैइ। दिलेया चमैंए योउँइँले खी स्योयाइ।

यूहन्‍ना 11:57

ख्रो पिंबै खेगि चिब्मैं नेरो फरिसीमैंइ येशू क्हाबै ल्हागिर खी खनिर मुँलेया खाबज्यै सेस्याँ था पिंन् बिसि बिल।

यूहन्‍ना 7:19

ङ्योए खे मोशाइ क्‍हेमैंने परमेश्‍वरए ठिम पिंइ, आपिं वा? दिलेया क्‍हेमैं खाबज्‍यै च ठिम आम्हाँदि। क्हेमैं झन् ङलाइ सैल् म्‍हैब् वा?”

यूहन्‍ना 7:32

चर्बै म्हि हुलइ खीए बारेर ताँमैं लरिब फरिसीमैंइ थेइ। छतसि ख्रो पिंबै खेगि चिब्मैं नेरो फरिसीमैंइ मन्दिर रुँबै सिपाइमैं खीलाइ क्हाबर कुलइ।

यूहन्‍ना 7:6

येशूजी चमैंने बिइ, “ङए ल्हागिर ठिक त्हे तोगो समा आखइमुँ, दिलेया क्हेमैंए ल्हागिरि खोंयों बिलै या छ्याँबन् मुँ।

यूहन्‍ना 7:8

क्‍हेमैं चाड म्हाँदिबर ह्‍याद्। ङ चु चाड म्हाँदिबर आह्‍या, तलेबिस्याँ ङए त्हे अझै आतइमुँ।”

यूहन्‍ना 8:20

चु ताँमैं येशूजी मन्दिरर मुइ झोंबै बाकस ङाँर क्हुँसि बिब् ग। दिलेया खाबज्‍यै या खीलाइ आक्‍हा। तलेबिस्याँ खीए सिबै त्हे अझै आतल।

यूहन्‍ना 8:37

क्‍हेमैं अब्राहामए सन्तानमैं ग बिसि ङइ सेइमुँ। दिलेया क्‍हेमैंइ ङ सैल् म्हैमुँ, तलेबिस्याँ ङइ बिबै ताँ क्‍हेमैंइ थेदा आङ्हाँ।

यूहन्‍ना 8:59

छबिमा चमैंइ खी ल्हिब बिसि युँमा तोमा येशू लोसि मन्दिरउँइँले बैरु त्‍होंयाइ।

यूहन्‍ना 9:4

ङ कुल्मिंबै आबाजी ल्‍हैदिबै केमैं ङ्योइ त्हिंयाँ मुँमन् लल् त्हुम्। म्‍हुँइँस त‍यासेरो खाबज्यै के लल् आखाँ।