यूहन्‍ना 7:23 - परमेश्‍वरए ताँ तमु क्युइर

²³ क्हेमैंइ मोशाइ पिंबै ठिम म्हाँदिबर प्रिबै त्हिंइर ह्रोंसए च्हए ट्हुबिर चिनु लम् बिस्याँ, ङइ प्रिबै त्हिंइर म्हि घ्रिए ताँन् नब् सल् लमिंमा क्हेमैं तले ङने ह्रिस खल?

यूहन्‍ना 7:23 ပူးပေါင်းရင်းမြစ်များ

प्रस्थान 31:14

क्हेमैंइ प्रिबै त्हिंइर के आलद्, तलेबिस्याँ क्हेमैंए ल्हागिर चु पबित्र त्हिंइ ग। चु ताँ आम्हाँदिब्मैं खैलसे या सैल् त्हुम्। च त्हिंइर के लब्मैंलाइ समाजउँइँले तेवाब्मुँ।

मत्ती 12:10

चर यो कार‍याबै म्‍हि घ्रि मुँल। चमैंइ येशूलाइ छ्याब् ल्‍हैदिबै सैं लसि खीने “प्रिबै त्हिंइर म्‍हि सल् लब तम्मा?” बिसि ङ्योएइ।

मत्ती 12:2

छले चब् म्रोंसि फरिसीमैंइ खीने बिइ, “ङ्‍ह्‍योत्ति, क्‍हिए चेलामैंइ प्रिबै त्हिंइर तो लल् आत चन् लइमुँ।”

मत्ती 12:5

झाइले क्‍हेमैंइ मोशाइ प्ह्रिबै ठिमर्बै ताँ आखेइमुँ वा? प्रिबै त्हिंइर मन्दिरर के लबै खेगिमैंइ के लब्रें लमा ठिमइ बिब् धोंले आल। दिलेया चमैं परमेश्‍वएर उँइँर छ्याब् आरेबन् ठर्दिम्।

यूहन्‍ना 5:10

छतसि को-कोइ यहूदी चिबनाँब्मैंइ च सबै म्हिने बिइ, “तिंयाँ प्रिबै त्हिंइ ग। छतसि क्‍हिइ क्‍ल्‍ह्‍यो नोइ प्रब आत।”

यूहन्‍ना 7:21

येशूजी चमैंने बिइ, “ङइ औदिबै के घ्रि लब् म्रोंसि क्हेमैं ताँन् आचम्म ङ्हाँल् वा।

यूहन्‍ना 9:16

फरिसीमैं न्होंर्बै को-कोइ बिइ, “च परमेश्‍वरउँइँले युबै म्हि आङिं, तलेबिस्याँ चइ प्रिबै त्हिंइ आम्हाँदि।” दिलेया अरूमैंइ बिइ, “चु पापि म्हि मुँस्याँ, चुइ छाबै औदिबै चिनुमैं खैले लल् खाँइ?” चु ताँइ लमा चमैं न्‍होंरि आक्‍ह्रि।