यूहन्‍ना 7:19 - परमेश्‍वरए ताँ तमु क्युइर

¹⁹ ङ्योए खे मोशाइ क्‍हेमैंने परमेश्‍वरए ठिम पिंइ, आपिं वा? दिलेया क्‍हेमैं खाबज्‍यै च ठिम आम्हाँदि। क्हेमैं झन् ङलाइ सैल् म्‍हैब् वा?”

यूहन्‍ना 7:19 ပူးပေါင်းရင်းမြစ်များ

मत्ती 12:14

दिलेया फरिसीमैं बैरु त्‍होंसि येशूलाइ खैले सैब् ङ्‍हे बिसि खीए बिरोधर मत लइ।

मत्ती 21:38

दिलेया च आधे लब्‍मैंइ क्ल्हेए च्‍ह खरिब् म्रोंमा ‘झन्, चम् हग योंल् त्‍हुबै च्‍ह ग। चलाज्यै या सैवाले! चलाइ सैवास्‍याँ चए ताँन् सै न्होर ङ्योलन् तब्मुँ,’ बिसि मत लइ।

मर्कूस 11:18

चु ताँ थेसि ख्रो पिंबै खेगि चिब्मैं नेरो शास्‍त्रिमैंइ “चलाइ खैले सैब् ङ्‍हे” बिसि घ्याँ म्हैबर होंइ, दिलेया येशू म्रोंसि चमैं ङ्हिंमल तलेबिस्याँ ताँन् म्हिमैंइ खीए ताँमैं थेसि अचम्‍मा ङ्हाँरिल।

मर्कूस 3:4

च लिउँइँ येशूजी चर मुँब्‍मैंने बिइ, “प्रिबै त्हिंइर परमेश्‍वरए छ्वेर बिब् धोंले खैबै के लब छ्याँब मुँ, छ्याँबै के लब् उ, आछ्याँबै के लब? म्‍हि जोगेदिब् उ, नास लब, तो छ्याँब मुँ?” छबिमा चर्बै म्‍हिमैं तोइ आबिल्‍ले टिरिइ।

मर्कूस 3:6

छतब् म्रोंसि यहूदी ठिम बेल्‍ले छेनाले म्हाँदिबै टोलिर्बै फरिसीमैं च्हों धिंउँइँले बैरु त्‍होंइ ह्‍यासि येशूलाइ खैले सैले बिसि हेरोद म्रुँए म्हिमैंने सल्‍ला लबर होंइ।

यूहन्‍ना 1:17

स्‍योंम्‍बै मोशालाइ परमेश्‍वरजी खीए ठिम पिंइ, दिलेया येशू ख्रीष्‍टउँइँले क्‍ह्रोंसेंन्‍बै ताँ नेरो बेल्‍ले थेबै दयाम्हाँया ङ्योइ योंइ।

यूहन्‍ना 10:39

चु ताँ थेसि चमैंइ धबै येशूलाइ क्‍हाल् म्‍हैइ। दिलेया चमैंए योउँइँले खी स्योयाइ।

यूहन्‍ना 11:53

चइ छ बिबै त्हिंइसेरोन् यहूदी चिबनाँब्मैंइ येशूलाइ सैबै मत लइ।

यूहन्‍ना 5:16

छ बिब् थेसि यहूदी चिबनाँब्मैंइ येशूलाइ दुःख पिंबर होंइ, तलेबिस्याँ के लल् आतबै प्रिबै त्हिंइर खीजी सल् लल।

यूहन्‍ना 5:18

चु ताँ थेसि यहूदी चिबनाँब्मैंइ येशूलाइ सैबै घ्याँ म्‍हैइ। तलेबिस्याँ खीजी प्रिबै त्हिंइर के लब् मत्‍त्रे आङिं, दिलेया परमेश्‍वरलाइ ह्रोंसए आबा ग बिसि ह्रोंसलाइन परमेश्‍वर धों तब् ग बिल।

यूहन्‍ना 5:45

“आबाए उँइँर ङइ क्‍हेमैं छ्याब् ल्हैदिब्‍मुँ बिसि आमैंन्। क्‍हेमैंलाइ छ्याब् ल्हैदिबै म्हि स्‍योंम्‍बै मोशा ग! चए फिर्न क्‍हेमैंइ आशा थेंइँमुँ।

यूहन्‍ना 7:1

च लिउँइँ येशू यहूदीया ह्‍युलर ह्‍यादा आङ्हाँसि गालील ह्‍युलर्न स्युररिल। तलेबिस्याँ यहूदी चिबनाँब्मैंइ खीलाइ सैबै घ्याँ म्हैरिल।

यूहन्‍ना 7:25

यरूशलेमर्बै को-कोइ म्हिमैंइ बिइ, “चिबनाँब्मैंइ सैल् म्‍हैबै म्हि चुन् आङिं वा?

चेला चिब्मैंए केमैं 7:38

इस्राएलीमैं क्यु आयोंबै क्ल्ह्‍योर सिनै कोंर खागु तमा मोशा स्वर्गदूतने मुँल। च स्वर्गदूतइ ङ्योए खेमैंने सिनै कोंर पोंल। स्वर्गदूतउँइँले योंबै सोगों लमिंबै ताँमैं मोशाइ ङ्यो इस्राएलीमैंलाइ लोमिंल।

गलाती 3:19

छ बिस्‍याँ ठिम तले चैदिइ? तलेबिस्याँ अब्राहामए सन्‍तान न्होंर्बै बाछा योंबै म्‍हि ख्रीष्‍ट आयुन् समा आछ्याँबै केमैं तो जा बिसि उँइँबै ल्हागिर ठिम चैदिल। च ठिम स्‍वर्गदूतमैंउँइँले योंइ धै म्हिमैंलाइ स्‍वर्गदूतमैंने क्ह्रिमिंबै ल्हागिर मोशाइ च ठिम स्‍वर्गदूतमैंए योउँइँले किंसि म्हिमैंलाइ पिंइ।

गलाती 6:13

बिलन् त्हुमा च ज्युर चिनु लब्‍मैंज्‍यै या यहूदी ठिम आम्हाँदि। दिलेया क्‍हेमैंए ज्युर्बै चिनुए बारेर ह्रोंस थेब् प्‍हैंल् योंरिगे बिसि चमैंइ क्‍हेमैंलाइ ज्युर चिनु लल् त्‍हुम् बिसि कर ल्‍हैदिम्।