यूहन्‍ना 7:16 - परमेश्‍वरए ताँ तमु क्युइर

¹⁶ छबिमा येशूजी चमैंने बिइ, “ङइ लोमिंबै ताँमैं ङल् आङिं, दिलेया ङ कुल्‍मिंबै परमेश्‍वर आबाला ग।

यूहन्‍ना 7:16 ပူးပေါင်းရင်းမြစ်များ

यूहन्‍ना 14:10

ङ आबाने मुँ, आबा या ङने बालु मुँ बिबै ताँ क्हिइ आक्वें वा? ङइ क्हेमैंने बिबै ताँमैं ङ ह्रोंसए सैंर मैंसि पोंब् आङिं। दिलेया ङने टिबै आबाजी ङउँइँले ह्रोंसए केमैं लम।

यूहन्‍ना 14:24

ङलाइ म्हाँया आलब्‍मैंइ ङए ताँ आङिं। क्हेमैंइ थेरिबै ताँ ङल् आङिं, ङ कुल्‍मिंबै आबाल् ग।

यूहन्‍ना 17:14

ङइ चमैंलाइ क्‍हिए ताँ लोमिंइ। ङ ह्‍युलर्बै आङिंब् धोंले चमैं या चु ह्‍युलर्बै आङिं। छतसि चु ह्‍युलर्बै म्हिमैंइ चमैं हेल् लम्।

यूहन्‍ना 17:8

तलेबिस्याँ क्हिजी ङने पिंबै ताँ ङइ चमैंने पिंइँमुँ। धै चमैंइ च ताँ क्वेंसि ङ क्हि ङाँइले युब् ग बिसि क्ह्रोंसेंन्ले सेइमुँ। झाइले क्हिजीन् ङ कुल्मिंब् ग बिसि चमैंइ क्वेंइँमुँ।

यूहन्‍ना 3:11

क्ह्रोंसेंन ङ क्हिने बिमुँ, ङिइ था सेबै ताँए बारेर बिम्, धै ङिइ म्रोंबै ताँए ग्वाइ पिंम्, दिलेया क्हेमैंइ ङिए ताँ आक्वें।

यूहन्‍ना 3:31

“स्‍वर्गउँइँले युबै म्हि ताँन् भन्दा थेब मुँ। पृथ्‍बीर फिब्मैं पृथ्‍बीर्बैन् ग, छतसि पृथ्‍बीर्बै ताँ पोंम्। दिलेया स्‍वर्गउँइँले युबै म्हि ताँन् भन्दा थेब मुँ।

यूहन्‍ना 5:30

“ङ ह्रोंसइन तोइ लल् आखाँ। परमेश्‍वर आबाजी खै बिमुँ छलेन ङइ निसाफ लब्मुँ। छतमा ङइ लबै निसाफ ठिक ठर्दिम्, तलेबिस्याँ ङ ह्रोंसइ मैंब् धोंले आल, दिलेया ङ कुल्‍मिंबै परमेश्‍वर आबाजी मैंब् धोंले लमुँ।

यूहन्‍ना 6:44

ङ कुल्‍मिंबै आबाजी ङ ङाँर खबै सैं आपिंइ बिस्‍याँ खाबै या ङ ङाँर खल् आखाँ। दिलेया ङ ङाँर खब्‍मैंलाइन ङइ आखिरि त्हिंइर सोगों लमिंब्मुँ।

यूहन्‍ना 8:28

छतमा येशूजी चमैंने बिइ, “क्‍हेमैंइ म्हिए च्‍ह कैंडो क्वेवाबै लिउँइँ ‘ङम् ङन् ग’ बिसि क्‍हेमैंइ सेब्‍मुँ, ङए हगउँइँले ङ तोइ आल, दिलेया आबाजी लोमिंबै ताँमैं मत्‍त्रे ङइ लम् बिसि क्हेमैंइ सेब्मुँ।

२ यूहन्‍ना 1:9

ख्रीष्‍टजी बिब् धोंले आप्रब, खीजी बिबै ताँए फिरि अरू ताँ थप्‍दिब्‍मैंने परमेश्‍वर आटि। दिलेया खीजी बिब् धोंले प्रब्मैंने बालु परमेश्‍वर आबा नेरो च्‍ह ङ्हिंना ङ्हिंन् टिम्।

दर्शन 1:1

येशू ख्रीष्‍टजी उँइँमिंबै ताँमैं, तारे युनन् तखबै ताँमैं खीए के लब्‍मैंइ क्होरिगे बिसि परमेश्‍वरजी येशूलाइ चु ताँ पिंब् ग। येशूजी खीए सेवा लबै म्‍हि यूहन्‍ना ङाँर खीए स्‍वर्गदूत कुल्‍मिंसि चु ताँमैं बिमिंइ।