यूहन्‍ना 7:1 - परमेश्‍वरए ताँ तमु क्युइर

¹ च लिउँइँ येशू यहूदीया ह्‍युलर ह्‍यादा आङ्हाँसि गालील ह्‍युलर्न स्युररिल। तलेबिस्याँ यहूदी चिबनाँब्मैंइ खीलाइ सैबै घ्याँ म्हैरिल।

यूहन्‍ना 7:1 ပူးပေါင်းရင်းမြစ်များ

मत्ती 10:23

छतसि म्हिमैंइ क्हेमैंलाइ क्ल्ह्‍यो घ्रिर ह्रुगुदिइ बिस्याँ च क्ल्ह्‍योउँइँले अर्को क्ल्ह्‍योउँइँ भौदिह्‍याद्। क्ह्रोंसेंन ङ क्हेमैंने बिमुँ, परमेश्‍वरउँइँले कुल्‍मिंबै म्हिए च्ह युब् भन्दा ओंसों क्‍हेमैंइ इस्राएलर्बै ताँन् क्ल्ह्‍योर खैलसेया स्युरल् खाँरिब् आरे।

मत्ती 21:38

दिलेया च आधे लब्‍मैंइ क्ल्हेए च्‍ह खरिब् म्रोंमा ‘झन्, चम् हग योंल् त्‍हुबै च्‍ह ग। चलाज्यै या सैवाले! चलाइ सैवास्‍याँ चए ताँन् सै न्होर ङ्योलन् तब्मुँ,’ बिसि मत लइ।

मर्कूस 11:18

चु ताँ थेसि ख्रो पिंबै खेगि चिब्मैं नेरो शास्‍त्रिमैंइ “चलाइ खैले सैब् ङ्‍हे” बिसि घ्याँ म्हैबर होंइ, दिलेया येशू म्रोंसि चमैं ङ्हिंमल तलेबिस्याँ ताँन् म्हिमैंइ खीए ताँमैं थेसि अचम्‍मा ङ्हाँरिल।

यूहन्‍ना 1:19

च्हमा यरूशलेमउँइँले यहूदी चिब्मैंइ खेगिमैं नेरो लेबीमैं यूहन्‍नाने “क्‍हि खाब् जा?” ङ्योएबर कुलइ।

यूहन्‍ना 4:3

फरिसीमैंइ छाबै ताँ थेइमुँ बिब् सेसि येशू धबै यहूदीया ह्‍युल पिसि गालील ह्‍युलर एह्‍याइ।

यूहन्‍ना 4:54

खी यहूदीया ह्‍युलउँइँले गालील ह्‍युलर खसि लबै औदिबै चिनुमैं न्होंर्बै चु ङ्हिखेबै मुँल।

यूहन्‍ना 6:1

चु ताँमैं तबै लिउँइँ येशू गालील अथवा तिबेरियस बिबै मा ङ्युँइ क्योंजा ह्‍याइ।

यूहन्‍ना 7:11

चाडर यहूदी चिबनाँब्मैंइ येशूलाइ म्हैदै “खनिर मुँगे?” बिसि ङ्योएरिल।

यूहन्‍ना 7:13

दिलेया यहूदी चिबनाँब्मैंने ङ्हिंसि खीए बारेर खाबज्‍यै छेनाले तोइ पोंल् आखाँल।

यूहन्‍ना 7:19

ङ्योए खे मोशाइ क्‍हेमैंने परमेश्‍वरए ठिम पिंइ, आपिं वा? दिलेया क्‍हेमैं खाबज्‍यै च ठिम आम्हाँदि। क्हेमैं झन् ङलाइ सैल् म्‍हैब् वा?”

यूहन्‍ना 7:25

यरूशलेमर्बै को-कोइ म्हिमैंइ बिइ, “चिबनाँब्मैंइ सैल् म्‍हैबै म्हि चुन् आङिं वा?

यूहन्‍ना 7:35

छबिमा यहूदीमैंइ खें-खेंमैंए न्होंरि बिइ, “चु म्हि खनिर ह्‍याल् म्हैगे? ङ्योइ खी स्याल् आखाँ बिब? चु ह्रोंसए ह्‍युल पिसि खन्तोंदोंन् प्हुँइ टिबै यहूदीमैं ङाँर ह्‍यासि ग्रिकमैंलाइ लोमिंल् ङ्हाँइँमुँ उ तो जा?

यूहन्‍ना 8:37

क्‍हेमैं अब्राहामए सन्तानमैं ग बिसि ङइ सेइमुँ। दिलेया क्‍हेमैंइ ङ सैल् म्हैमुँ, तलेबिस्याँ ङइ बिबै ताँ क्‍हेमैंइ थेदा आङ्हाँ।

यूहन्‍ना 8:40

ङइ परमेश्‍वरउँइँले थेबै क्ह्रोंसेंन्बै ताँ क्हेमैंने बिइमुँ, दिलेया तोगो क्‍हेमैंइ ङ सैल् म्हैइमुँ। अब्राहामइ छाबै के आलल।

चेला चिब्मैंए केमैं 10:38

परमेश्‍वरजी नासरतथें येशूलाइ पबित्र प्ल्ह नेरो शक्‍तिजी प्लिंमिंसि खीजी छ्याँबै केमैं लदै, दुष्‍टइ ह्रुगुदिब्मैं सल् लमिंदै प्रइ, तलेबिस्याँ परमेश्‍वर खीने बालु मुँल।