यूहन्‍ना 6:63 - परमेश्‍वरए ताँ तमु क्युइर

⁶³ दिलेया परमेश्‍वरए प्ल्हजी मत्‍त्रे छ्ह पिंमुँ, छाबै के म्हिमैंए भोंइ लल् आखाँ। ङइ क्हेमैंने बिरिबै ताँमैं परमेश्‍वरए प्ल्हउँइँले योंबै खोंयोंइ आखाँबै छ्हर्बै ताँ ग।

यूहन्‍ना 6:63 ပူးပေါင်းရင်းမြစ်များ

उत्पत्ति 2:7

झाइले याहवेह परमेश्‍वरजी सउँइँले म्हि बनेसि चए नखुँरि सो फुइमिंमा म्हि सोगों तइ।

भजनमैं 119:130

क्हिए ताँए अर्थ खोल्दिमिंमा ज्ञान बुद्धि योंमुँ, धै आह्र आसेब्मैं या ह्रब् सेब् तम्।

भजनमैं 119:50

ङए फिर दुःख तमा क्हिजी फैबै बाछाइन ङए सैं क्होमिंइमुँ, च बाछाइन ङ जोगेमिंइमुँ।

भजनमैं 119:93

क्हिजी लोदा सैंदा लबै ताँमैं ङ खोंयोंइ म्‍लेरिब् आरे, तलेबिस्याँ चमैंउँइँलेन् ङ सोरिल् योंइमुँ।

हितोपदेश 4:13

अर्तिए ताँमैं खोंयोंन् बिलै मैंथेंन्; चलाइ स्योरल् आपिंन्, चइ बिब ङेन, तलेबिस्याँ चइ क्हिलाइ छ्ह पिंम।

यूहन्‍ना 5:21

तलेबिस्याँ खैले आबाजी सियाब्‍मैं सोगों लमिंसि छारा छ्ह पिंमुँ, छलेन च्हज्यै या खाबलाइ छ्ह पिंदा ङ्हाँमुँ, चमैंलाइ छ्ह पिंब्मुँ।

यूहन्‍ना 6:68

सिमोन पत्रुसइ बिइ, “ओ प्रभु, क्हिनेन् खोंयोंइ आखाँबै छ्ह पिंबै ताँमैं मुँ। ङि खाबै ङाँर ह्‍याब?

चेला चिब्मैंए केमैं 5:20

“मन्दिरर ह्‍यासि खोंयोंन् बिलै आखाँबै छ्ह योंबै ताँमैं ताँन् म्हिमैंने बिद्।”

रोमी 10:17

सैं तोंबै ताँ थेसिन् बिश्‍वास खम्, धै ख्रीष्‍टए बारेर बिप्रबै ताँमैंन् सैं तोंबै ताँ ग।

रोमी 2:25

परमेश्‍वरए ठिम म्हाँदिस्याँ ज्युर चिनु लब फायदन् तम्। दिलेया चिनु ललेया क्‍हिइ परमेश्‍वरए ठिम छेनाले आम्हाँदिस्‍याँ ज्युर चिनु आलबै अरू ह्रेंर्बै म्‍हि धोंन् क्‍हि तम्।

रोमी 8:2

तलेबिस्याँ ठिमइ ङइ लबै पापए निसाफ लसि सिबै दण्ड पिंलेया परमेश्‍वरए प्ल्हए शक्‍तिजी ङलाइ ख्रीष्‍ट येशूने घ्रिन् लसि छारा छ्ह पिंसि च दण्डउँइँले फ्रेमिंइमुँ।

१ कोरिन्थी 15:45

तलेबिस्याँ परमेश्‍वरए छ्वेरै या छले प्ह्रिइमुँ, “ओंसोंबै म्‍हि आदम छ्ह मुँबै म्‍हि तइ।” लिउँइँबै आदम (अथवा येशू ख्रीष्‍ट) छ्ह पिंबै पबित्र प्ल्ह तइ।

गलाती 5:25

पबित्र प्ल्हउँइँले ङ्योइ छ्ह योंसेरो ङ्यो खीजी बिब् धोंलेन् प्रले।

गलाती 5:6

तलेबिस्याँ ङ्यो ख्रीष्‍ट येशूने घ्रिन् तमा ज्युर चिनु ललेया आललेया तोइ फायदा आरे। बरु थेबै ताँ तो मुँ बिस्‍याँ, ङ्यो ख्रीष्‍टए फिर बिश्‍वास लब्मैंइ अरूमैंए फिर म्हाँया लसि चमैंए ल्हागिर छ्याँबै के लल् त्‍हुम्।

गलाती 6:15

छतसि ज्युर चिनु ललेया आललेया तोइ आत, बरु छारा छ्ह योंसि छारा म्‍हि तब ताँन् भन्दा थेबै ताँ ग।

१ थेसलोनिकी 2:13

धै ङिइ क्‍हेमैंने परमेश्‍वरए ताँ बिमिंमा क्‍हेमैंइ “चु क्‍ह्रोंसेंन परमेश्‍वरए ताँ मुँन” बिसि छेनाले थेसि सैं तोंन्‍ले क्‍वेंइ। चु ताँ म्‍हिइ बिबै ताँ आङिं, परमेश्‍वरजी बिबै ताँ क्‍हेमैंइ म्हाँदिइ। धै क्हेमैंए सैंरि परमेश्‍वरजी के लइनमुँ। छतसि ङिइ खोंयोंइ बिलै परमेश्‍वरलाइ धन्‍यबाद पिंरिम्।

१ तिमोथी 4:8

तलेबिस्याँ ज्युए ल्हागिर लबै के तिस्याँदे मत्‍त्रे फायदा तम्। दिलेया परमेश्‍वरए घ्याँर प्रबै ल्हागिर तालिम लस्‍याँ ल्हें सैर फायदा तम्, तलेबिस्याँ चए रो चु छ्हर मत्‍त्रे आङिं अर्को छ्हरै या योंम्।

हिब्रू 13:9

क्‍हेमैं तब आतबै ताँमैं लोमिंबै म्हिमैंए लिलि आप्रद्। चु चल् तमु, चु चल् आत िबबै ताँ म्हिमैंइ बिबै ताँ मत्‍त्रे ग, बरु परमेश्‍वरए दयाम्हाँयाउँइँले ङ्योइ सैं भोंब् लबै ताँ छ्याँबै मुँ। चु चल् तमु, चु चल् आत िबबै ताँ ङिंब्मैंइ मुक्‍ति आयों, चमैंला बिब् धोंइ तोइ आतइमुँ।

हिब्रू 4:12

परमेश्‍वरए ताँ सोगों मुँ धै खोंयोंन् बिलै के लरिम्, धै चु धार ङ्हिं मुँबै सेलाँ भन्दा छ्यारब् तम्। चुइ सो नेरो प्ल्हलाइ, चए जोर्नि-जोर्नि नेरो ह्रुइबए टों समा भाग भाग लसि क्योंजा चोंजा तल्‍ले थोंसि सैंर्बै ताँ नेरो बिचार जाँच लल् खाँम्।

याकूब 1:18

खीजी बनेबै ताँन् सैमैं न्‍होंर ङ्यो ओंसोंबै रो धों तरिगे बिसि खीए सैंर मैंब् धोंले खीए क्‍ह्रोंसेंन्‍बै ताँउँइँले ङ्यो खीए प्‍हसेमैं तल् पिंइ।

१ पत्रुस 1:23

तलेबिस्याँ क्‍हेमैंइ परमेश्‍वरए खोंयोंइ तरिबै सोगों बचनउँइँले खोंयोंइ आखाँबै छ्ह योंइमुँ। चु छ्ह क्‍हेमैंए आबा-आमाउँइँले योंब आङिं, खोंयोंन् बिलै तरिबै सोगों बचनउँइँले छारा तसि क्‍हेमैं फिइमुँ।

१ पत्रुस 3:18

तलेबिस्याँ ङ्योलाइ परमेश्‍वर ङाँर बोबर ख्रीष्‍टै या पापिमैंए ल्हागिर तिल सिमिंइ। पापिमैंए ल्हागिर खीजी दु:ख योंइ। दिलेया म्हिमैंइ खीलाइ सैवालेया प्ल्हए शक्‍तिजी खीलाइ सोगों लमिंइ।

१ पत्रुस 3:21

चु नाँ बाडिए क्यु बप्‍तिस्‍माए नमुना ग, तलेबिस्याँ नोआ नेरो चए परवालाइ क्‍युउँइँले जोगेब् धोंले क्‍हेमैंलाज्यै या येशूए मिंर क्‍युर प्ल्हुँसि जोगेमिंब्मुँ। खैले जोगेम् बिस्‍याँ परमेश्‍वरजी येशू ख्रीष्‍टलाइ सिबइले धबै सोगों लमिंबइले क्‍हेमैंइ छारा छ्ह योंइमुँ। चु बप्‍तिस्‍मा क्‍युइ ज्यु ख्रुब् धों तब आङिं, बरु क्‍हेमैंए सैं छ्याँब् प्ह्‍यासि बानि ब्योर छ्याँब् तरिगे बिबै ल्हागिर परमेश्‍वरउँइँले खबै बाछा ग।