यूहन्‍ना 6:62 - परमेश्‍वरए ताँ तमु क्युइर

⁶² म्हिए च्ह ओंसों टिबै स्वर्गर एह्‍यारिब् म्रोंस्याँ क्हेमैं तो लमुँ?

यूहन्‍ना 6:62 ပူးပေါင်းရင်းမြစ်များ

मत्ती 8:20

छबिमा येशूजी चने बिइ, “स्‍येलमैंला टिबै रो मुँ, नमेमैंला च्‍हों मुँ, दिलेया ‘म्हिए च्हलम्’ क्र क्ह्‍युबै क्‍ल्‍ह्‍यो या आरे।”

मर्कूस 16:19

येशू छले चेलामैंने पोंल् खाँबै लिउँइँ परमेश्‍वरजी खीलाइ स्वर्गउँइँ बोयाइ, धै परमेश्‍वरए क्‍योलोउँइँ टिइ।

लूका 24:51

छले आशिक पिंरिबै तोंर्न खी चमैंउँइँले स्वर्गर बोवाइ।

यूहन्‍ना 16:28

ङ आबउँइँले ह्‍युलर युइमुँ, तारे ह्‍युल पिसि ङ आबा ङाँर एह्‍याम्।”

यूहन्‍ना 17:11

तारे ङ क्हि ङाँर खसिन् मुँ। ङ चु ह्‍युलर ल्हें आटि, चुमैं बिस्याँ चु ह्‍युलर्न टिम्। ओ पबित्र आबा, ङ्यो घ्रि तब् धोंलेन् क्हिजी ङने पिंब्मैं या घ्रिन् तरिगे बिसि क्हिए मिंए शक्‍तिउँइँले चमैं जोगेसि थेंमिंन्।

यूहन्‍ना 3:13

स्वर्गउँइँले युबै म्हिए च्ह बाहेक अरू खाबै या स्वर्गर आह्‍याइमुँ।

यूहन्‍ना 6:27

नास तयाबै चबै सैए ल्हागिर दुःख आलद्, बरु खोंयोंइ बिलै सोरिल् योंबै चबै सैए ल्हागिर दुःख लद्। चु खोंयोंन् बिलै सोल् योंबै क्हें म्हिए च्ह ङइ क्हेमैंलाइ पिंब्मुँ, तलेबिस्याँ क्हेमैं खोंयोंन् बिलै सोरिगे बिसि परमेश्‍वर आबाजी ङलाइ त्हाँसि कुल्मिंब् ग।”

यूहन्‍ना 6:42

“चु योसेफए च्‍ह येशू आङिं वा? चुए आबा-आमा ङिइ ङो सेम्। तोगो चुइ खैले ङ स्‍वर्गउँइँले तयुब् ग बिसि बिमुँ?” बिसि चमैंइ बिइ।

यूहन्‍ना 6:53

येशूजी चमैंने बिइ, “क्‍ह्रोंसेंन ङ क्हेमैंने बिमुँ, क्‍हेमैंइ म्हिए च्‍हए ज्यु आचस्याँ, खीए को आथुँस्याँ, क्हेमैंने खोंयोंइ आखाँबै छ्ह तरिब आरे।

चेला चिब्मैंए केमैं 1:9

खीजी चु ताँ बिबै लिउँइँ चमैंइ ङ्‍ह्‍योना ङ्‍ह्‍योन् खी कैंडो क्वेयाइ, झाइले न्‍हाँम्‍स्योइ हुवाइ। छले चमैंइ खीलाइ म्रोंल् आखाँ।

१ पत्रुस 3:22

येशू स्‍वर्गर ह्‍यासि स्वर्गदूतमैं, अधिकारमैं नेरो ताँन् शक्‍ति मुँबै सैमैं खीए न्होंर थेंसि परमेश्‍वरए क्‍योलोउँइँ टिइमुँ।