यूहन्‍ना 6:53 - परमेश्‍वरए ताँ तमु क्युइर

⁵³ येशूजी चमैंने बिइ, “क्‍ह्रोंसेंन ङ क्हेमैंने बिमुँ, क्‍हेमैंइ म्हिए च्‍हए ज्यु आचस्याँ, खीए को आथुँस्याँ, क्हेमैंने खोंयोंइ आखाँबै छ्ह तरिब आरे।

यूहन्‍ना 6:53 ပူးပေါင်းရင်းမြစ်များ

मत्ती 18:3

बिइ, “क्ह्रोंसेंन्ले ङ क्हेमैंने बिमुँ, क्‍हेमैंए सैं एसि छाबै च्‍योंबै कोलोमैंल् धों तबै सैं आप्‍ह्‍यास्याँ क्‍हेमैं स्‍वर्गर्बै ग्याल्सर खोंयोंइ होंल् योंरिब् आरे।

मत्ती 5:18

तलेबिस्याँ क्ह्रोंसेंन ङ क्हेमैंने बिमुँ, स्वर्ग नेरो पृथ्‍बी नास आतन् समा ठिमर प्ह्रिबै च्‍योंब भन्दा च्‍योंबै ताँ या पूरा आतन्ले म्‍हरिब् आरे।

मत्ती 8:20

छबिमा येशूजी चने बिइ, “स्‍येलमैंला टिबै रो मुँ, नमेमैंला च्‍हों मुँ, दिलेया ‘म्हिए च्हलम्’ क्र क्ह्‍युबै क्‍ल्‍ह्‍यो या आरे।”

लूका 13:3

ङ क्‍हेमैंने बिमुँ, छले आङिं। ताँन् म्‍हिमैं पापिन् मुँ। क्‍हेमैंइ दुष्‍ट के लब् आपिइ बिस्‍याँ क्‍हेमैं या छलेन् नास तब्‍मुँ।

लूका 13:5

ङ क्‍हेमैंने बिमुँ, छले आङिं, ताँन् म्‍हिमैं पापि मुँ। क्‍हेमैंइ दुष्‍ट के लब् आपिइ बिस्‍याँ क्‍हेमैं ताँन् छलेन् नास तब्‍मुँ।”

यूहन्‍ना 13:8

पत्रुसइ खीने बिइ, “क्‍हिजी ङए प्‍हले खोंयोंइ या ख्रुरिब् आरे!” येशूजी चने बिइ, “ङइ क्हिए प्हले आख्रुस्‍याँ क्‍हि ङए चेला तरिब् आरे।”

यूहन्‍ना 15:4

ङने टिद्, धै ङ या क्हेमैंने टिब्मुँ। हाँग अँगुरए धुँर आटिस्याँ च हाँगइ रोमैं रोल् आखाँ, छलेन क्हेमैं या ङने आटिइ बिस्याँ रोमैं रोल् आखाँ।

यूहन्‍ना 3:3

येशूजी चने बिइ, “क्‍ह्रोंसेंन ङ क्‍हिने बिमुँ, छारा तसि आफिइ बिस्याँ खाबै या परमेश्‍वरए ग्याल्स म्रोंल् आखाँ।”

यूहन्‍ना 3:36

परमेश्‍वरए च्‍हए फिर बिश्‍वास लब्मैंने खोंयोंइ आनुबै छ्‍ह मुँ। परमेश्‍वरए च्हइ बिबै ताँ आङिंब्मैंइ खोंयोंइ आनुबै छ्‍ह योंल् आखाँ, दिलेया परमेश्‍वरए दण्ड खोंयोंइ बिलै चए फिर तरिम्।”

यूहन्‍ना 3:5

येशूजी बिइ, “क्‍ह्रोंसेंन ङ क्‍हिने बिमुँ, क्‍यु नेरो परमेश्‍वरए प्ल्हउँइँले आफिइ बिस्याँ खाबै या परमेश्‍वरए ग्याल्सर होंल् आखाँ।

यूहन्‍ना 6:47

क्ह्रोंसेंन ङ क्हेमैंने बिमुँ, ङए फिर बिश्‍वास लब्मैंने खोंयोंइ आखाँबै छ्‍ह मुँ।

यूहन्‍ना 6:51

स्‍वर्गउँइँले तयुबै सोल् लमिंबै क्हें ङन् ग। च क्हें चब्मैं खोंयोंन् बिलै सोरिब्मुँ। ह्‍युलर्बै म्हिमैं खोंयोंन् बिलै सोल् योंरिगे बिसि ङइ क्हें पिंब्मुँ। च क्हें ङए ज्यु ग।”

यूहन्‍ना 6:55

तलेबिस्याँ ङए ज्यु क्‍ह्रोंसेंन्‍बै चबै सै ग, धै ङए को क्‍ह्रोंसेंन्‍बै थुँबै सै ग।

यूहन्‍ना 6:62

म्हिए च्ह ओंसों टिबै स्वर्गर एह्‍यारिब् म्रोंस्याँ क्हेमैं तो लमुँ?

१ यूहन्‍ना 5:12

खाब्ने परमेश्‍वरए च्‍ह टिमुँ, चइ च छ्ह योंइमुँ, दिलेया खाब्ने परमेश्‍वरए च्‍ह आटि, चइ खोंयोंइ आखाँबै छ्ह आयों।

दर्शन 2:17

“पबित्र प्ल्हजी बिश्‍वासीमैंने बिबै ताँ न्ह मुँब्मैंइ छेनाले थेरिगे। “शैतान दुष्‍टए फिर ट्होगों तब्मैंलाइ लोथेंबै मन्‍न ङइ चल् पिंब्‍मुँ। चलाइ ङइ तार्ग्या युँमा पिंब्‍मुँ। च युँमार चए छारा मिं प्ह्रिइमुँ। च मिं योंबै म्‍हिइ मत्‍त्रे च छारा मिं था सेम्।”

दर्शन 2:7

“पबित्र प्ल्हजी बिश्‍वासीमैंने बिबै ताँ न्‍ह मुँब्मैंइ छेनाले थेरिगे। “शैतान दुष्‍टए फिर ट्होगों तब्मैंलाइ परमेश्‍वरए बगैंचार मुँबै छ्ह पिंबै सिं धुँर्बै रोमैं ङइ चल् पिंब्‍मुँ।”