यूहन्‍ना 6:43 - परमेश्‍वरए ताँ तमु क्युइर

⁴³ येशूजी चमैंने बिइ, “क्‍हेमैं न्होंर गनगन आलरिद्।

यूहन्‍ना 6:43 ပူးပေါင်းရင်းမြစ်များ

मत्ती 16:8

चमैंइ तो ताँ लसिन् मुँ बिब येशूजी सेसि चमैंने बिइ, “ओ, ङए फिर च्‍युगुदे या बिश्‍वास आलब्मैं! क्‍हेमैंने क्‍हें आरे बिसि तले ह्रों-ह्रोंसन् ताँ लरिल?

मर्कूस 9:33

झाइले खेंमैं कफर्नहुम बिबै क्ल्ह्‍योर फेखइ, धै धिं न्‍होंर मुँमा येशूजी चेलामैंने “घ्‍याँर खरिमा क्‍हेमैंइ तो ताँमैं लल?” बिसि ङ्योएइ।

यूहन्‍ना 16:19

चमैंइ खीने चु ताँए बारेर ङ्योएबै सैं लसिन् मुँ बिब येशूजी था सेइ। छतसि खीजी बिइ, “‘तिस्‍याँदे लिउँइँ क्‍हेमैंइ ङ म्रोंरिब् आरे, झाइले तिस्याँदे लिउँइँ क्हेमैंइ ङ धबै म्रोंब्मुँ,’ बिबै अर्थ तो मुँगे बिसि क्हेमैंए न्होंर छलफल लरिल् वा?

यूहन्‍ना 6:42

“चु योसेफए च्‍ह येशू आङिं वा? चुए आबा-आमा ङिइ ङो सेम्। तोगो चुइ खैले ङ स्‍वर्गउँइँले तयुब् ग बिसि बिमुँ?” बिसि चमैंइ बिइ।

यूहन्‍ना 6:44

ङ कुल्‍मिंबै आबाजी ङ ङाँर खबै सैं आपिंइ बिस्‍याँ खाबै या ङ ङाँर खल् आखाँ। दिलेया ङ ङाँर खब्‍मैंलाइन ङइ आखिरि त्हिंइर सोगों लमिंब्मुँ।

यूहन्‍ना 6:64

दिलेया क्‍हेमैंए न्‍होंरि कतिइ ङए ताँमैं आक्वें।” (खीए फिर बिश्‍वास आलब्मैं नेरो खीलाइ धोका पिंसि क्हाल् पिंबै म्हि येशूजी ओंसों ओंनोंन् ङो सेल।)

हिब्रू 4:13

परमेश्‍वरए उँइँरि तो सै या लोल् आखाँ। ताँन् सै परमेश्‍वरजी म्रोंल् खाँम्, छतसि ङ्योइ लबै केए हिसाब खीलाइन पिंल् त्‍हुम्।