यूहन्‍ना 6:41 - परमेश्‍वरए ताँ तमु क्युइर

⁴¹ येशूजी “स्‍वर्गउँइँले तयुबै क्हें ङन् ग” बिबइले यहूदीमैंइ खीए बिरोधर गनगन लबर होंइ।

यूहन्‍ना 6:41 ပူးပေါင်းရင်းမြစ်များ

लूका 15:2

छाब् म्रोंसि फरिसीमैं नेरो शास्‍त्रिमैंइ “चु म्‍हिइमि आछ्याँबै के लब्मैं या खोमन। झाइले चमैंने बालुन् चब् थुँब् लमन बिसि,” गनगन लबर होंइ।

लूका 19:7

छले येशू जखायसए धिंर ह्‍याब् म्रोंसि “अच्‍या छाबै पापि म्हिए धिंरै या प्ह्रें तबर ह्‍याइ बिसि म्हिमैंइ खीए ताँ लबर होंइ।”

लूका 5:30

छले चरिमा फरिसीमैं नेरो चमैं न्‍होंर्बै शास्‍त्रिमैंइ येशूए चेलामैंए बिरोधर गनगन लसि “चु बालि रेब्‍मैं नेरो पापिमैंने क्‍हेमैंइ तले चब्-थुँब् लल?” बिबर होंइ।

यूहन्‍ना 1:19

च्हमा यरूशलेमउँइँले यहूदी चिब्मैंइ खेगिमैं नेरो लेबीमैं यूहन्‍नाने “क्‍हि खाब् जा?” ङ्योएबर कुलइ।

यूहन्‍ना 6:33

तलेबिस्याँ परमेश्‍वरजी पिंबै क्हें तो जा बिस्‍याँ, च स्‍वर्गउँइँले तयुसि ह्‍युलर्बै म्हिमैंलाइ खोंयोंइ आखाँबै छ्ह पिंबै म्हि ग।”

यूहन्‍ना 6:43

येशूजी चमैंने बिइ, “क्‍हेमैं न्होंर गनगन आलरिद्।

यूहन्‍ना 6:48

खोंयोंइ आखाँबै छ्ह पिंबै क्हें ङन् ग।

यूहन्‍ना 6:58

स्वर्गउँइँले युबै क्हें ङए ज्यु ग। चु क्हें क्हेमैंए खेमैंइ चबै मन्‍न धों तब आङिं, चमैंइ च मन्‍न बिबै क्हें चलेया सियाइ। दिलेया चु क्हें चब्मैं खोंयोंइ या सोरिब्मुँ।”

यूहन्‍ना 6:60

चु ताँ थेसि येशूए चेलामैं न्होंर्बै ल्हेइ बिइ, “चु ताँ बेल्‍ले गारो मुँ। खाबइ चु ताँ थेल् खाँमुँ?”

यूहन्‍ना 6:66

च लिउँइँ येशूए चेलामैं न्होंर्बै ल्हें चेलामैं बिश्‍वास लब् पिसि खीने प्रब पिवाइ।

यूहन्‍ना 7:12

म्हि हुलए न्होंरि खीए बारेर खें-खेंमैंन् ताँ लरिल। कोइ म्हिमैंइ “खी छ्याँबै म्हि ग बिमल,” कोइ “आङिं, चम् म्हिमैंने स्योर तेइ मत्‍त्रे प्रइमुँ बिमल।”

१ कोरिन्थी 10:10

छतसि ङ्योइ गनगन लल् आत, च खेमैंइ गनगन लबइले नास लवाबै स्‍वर्गदूतइ चमैंलाइ सैवाइ।

यहूदाइ प्‍ह्रिबै प्ह्रिछ्या 1:16

च स्योलिबै ताँ लोमिंब्‍मैं प्होंगि कैगि लब्मैं, अरूलाइ छ्याब् ल्हैदिब्मैं, ह्रोंसए सैंउँइँले खबै आछ्याँबै ताँमैंए लिलि प्रब्मैं, थेब् प्‍हैंब्मैं, ह्रोंसए फायदाए ल्हागिर म्‍हिमैंलाइ वाँब्मैं ग।