यूहन्‍ना 6:40 - परमेश्‍वरए ताँ तमु क्युइर

⁴⁰ खीए च्ह ङाँइ ङ्‍ह्‍योसि खीए फिर बिश्‍‍वास लब्‍मैं ताँनइ खोंयोंइ आखाँबै छ्‍ह योंरिगे बिब ङए आबाए सैं मुँ। झाइले ह्‍युलर्बै आखिरि त्हिंइर ङइ चमैं सोगों लमिंब्मुँ।”

यूहन्‍ना 6:40 ပူးပေါင်းရင်းမြစ်များ

मत्ती 10:15

क्ह्रोंसेंन ङ क्हेमैंने बिमुँ, लिउँइँ परमेश्‍वरजी निसाफ लबै त्हिंइर स्‍योंम्‍बै पाप लबै सदोमथेंमैं नेरो गमोराथेंमैंइ भन्दा च सहरर्बै म्‍हिमैंइ ल्हें सजैं योंब्मुँ।”

मत्ती 25:46

“छतसि चुमैंइ खोंयोंइ आखाँबै दण्‍ड योंब्‍मुँ, दिलेया ठिक के लब्मैंइ बिस्याँ खोंयोंइ आखाँबै छ्ह योंब्‍मुँ।”

मर्कूस 16:16

ङए फिर बिश्‍वास लसि बप्‍तिस्‍मा किंब्मैंइ मुक्‍ति योंब्‍मुँ, दिलेया बिश्‍वास आलब्‍मैं परमेश्‍वरए उँइँर छ्याब् मुँबन् ठर्दिब्‍मुँ।

लूका 2:30

तलेबिस्याँ क्‍हिजी कुल्‍मिंबै म्रुँ ख्रीष्‍ट ङए मिइ म्रोंल् योंइ।

यूहन्‍ना 1:14

परमेश्‍वरए बचन म्हिए क्हो किंसि ङ्योए म्हाँजोर युसि टिइ। खी दयाम्हाँया मुँब नेरो कह्रोंसेंन्बै ताँ पोंमल खीए चारबै ह्‍वे ङिइ म्रोंइमुँ, च चारबै ह्‍वे परमेश्‍वर आबाउँइँले युबै घ्रि मत्‍त्रे च्‍हल् मुँल।

यूहन्‍ना 10:28

ङइ चमैंलाइ खोंयोंइ आखाँबै छ्ह पिंमुँ, झाइले चमैं खोंयोंइ या नास आत। धै ङए योउँइँले खाबज्यै चमैं प्हेंसि बोल् खाँरिब् आरे।

यूहन्‍ना 11:24

मार्थाइ खीने बिइ, “ह्‍युल नुयाबै त्हिंइर सियाब्मैं सोगों तमा चै या सोगों तब्मुँ,” बिब ङइ सेइमुँ।

यूहन्‍ना 11:25

येशूजी चने बिइ, “सियाब्‍मैं सोगों लमिंब नेरो खोंयोंइ आखाँबै छ्ह पिंब ङन् ग। ङए फिर बिश्‍वास लब्‍मैं सिलेया सोगों तब्‍मुँ।

यूहन्‍ना 12:45

ङलाइ म्रोंब्मैंइ ङ कुल्मिंबै आबालाज्यै या म्रोंब्मुँ।

यूहन्‍ना 12:50

खीजी ल्हैदिबै ताँउँइँले म्हिमैंइ खोंयोंइ आखाँबै छ्ह योंम् बिसि ङइ सेइमुँ। छतसि आबाजी ल्हैदिब् धोंलेन् ङइ पोंम्।”

यूहन्‍ना 14:17

खी क्ह्रोंसेंन्बै ताँ लोमिंबै पबित्र प्ल्ह ग। ह्‍युलर्बै म्हिमैंइ खीलाइ आक्वें, तलेबिस्याँ ह्‍युलर्बै म्हिमैंइ खी म्रोंइ आम्रोंइमुँ, सेइ आसेइमुँ। दिलेया क्हेमैंमि खीलाइ सेइमुँ। तलेबिस्या खी क्हेमैंने बालुन् टिमुँ, धै खी क्हेमैंनेन् तरिब्मुँ।

यूहन्‍ना 14:19

तारे तिस्‍याँदे लिउँइँ ह्‍युलर्बै म्हिमैंइ ङ म्रोंरिब् आरे। दिलेया क्हेमैंइ बिस्याँ ङ म्रोंब्मुँ। ङ सोगों तबइले क्हेमैं या सोगों तरिब्मुँ।

यूहन्‍ना 17:2

खीने पिंबै ताँन् म्हिमैंलाइ खीजी खोंयोंइ आखाँबै छ्ह पिंरिगे बिसि क्‍हिजी खीलाइ ताँन् म्हिमैंए फिर हग पिंइँमुँ।

यूहन्‍ना 3:36

परमेश्‍वरए च्‍हए फिर बिश्‍वास लब्मैंने खोंयोंइ आनुबै छ्‍ह मुँ। परमेश्‍वरए च्हइ बिबै ताँ आङिंब्मैंइ खोंयोंइ आनुबै छ्‍ह योंल् आखाँ, दिलेया परमेश्‍वरए दण्ड खोंयोंइ बिलै चए फिर तरिम्।”

यूहन्‍ना 4:14

दिलेया ङइ पिंबै क्‍यु थुँब्मैं खोंयोंइ क्‍यु पिरिब् आरे। तलेबिस्याँ ङइ पिंबै क्‍यु चए न्‍होंर खोंयोंइ आखाँबै छ्ह योंबै ल्हागिरि प्योरिबै मुल तब्मुँ।”

यूहन्‍ना 5:24

“क्ह्रोंसेंन ङ क्हेमैंने बिमुँ, खाबइ ङए ताँ थेसि ङ कुल्मिंबै आबाए फिर बिश्‍वास लमुँ, चइ खोंयोंइ आनुबै छ्ह योंम्। चए निसाफ आत, चइ सजैं योंल् आत्हु, बरु च म्हि सिबउँइँले धबै सोसि खोंयोंइ आखाँबै छ्ह योंइमुँ।

यूहन्‍ना 6:27

नास तयाबै चबै सैए ल्हागिर दुःख आलद्, बरु खोंयोंइ बिलै सोरिल् योंबै चबै सैए ल्हागिर दुःख लद्। चु खोंयोंन् बिलै सोल् योंबै क्हें म्हिए च्ह ङइ क्हेमैंलाइ पिंब्मुँ, तलेबिस्याँ क्हेमैं खोंयोंन् बिलै सोरिगे बिसि परमेश्‍वर आबाजी ङलाइ त्हाँसि कुल्मिंब् ग।”

यूहन्‍ना 6:39

खीजी ङने पिंब्‍मैं खाबै आम्हरिगे, दिलेया ह्‍युलर्बै आखिरि त्हिंइर ङइ चमैं ताँन् सोगों लमिंरिगे बिब ङलाइ कुल्‍मिंबै आबाए सैं मुँ।

यूहन्‍ना 6:44

ङ कुल्‍मिंबै आबाजी ङ ङाँर खबै सैं आपिंइ बिस्‍याँ खाबै या ङ ङाँर खल् आखाँ। दिलेया ङ ङाँर खब्‍मैंलाइन ङइ आखिरि त्हिंइर सोगों लमिंब्मुँ।

यूहन्‍ना 6:54

ङए ज्यु चब्‍मैं नेरो ङए को थुँब्‍मैंने खोंयोंइ आखाँबै छ्ह मुँ, छतसि ह्‍युलर्बै आखिरि त्हिंइर ङइ चमैं सोगों लमिंब्मुँ।

यूहन्‍ना 8:56

क्‍हेमैंए खे अब्राहामइ ओंसोंन् ङ चु ह्‍युलर युब्मुँ बिब् सेसि सैं तोंल, झाइले ङ युब् म्रोंसि बेल्‍ले सैं तोंइ।”

रोमी 5:21

पापइ लमा खैले म्हिमैं सिल् त्हुइ, छलेन परमेश्‍वरए दयाम्हाँयाजी लमा खीजी ङ्योलाइ ठिक ठर्दिमिंइमुँ, धै प्रभु येशू ख्रीष्‍टउँइँले ङ्योइ खोंयोंइ आखाँबै छ्ह योंइमुँ।

रोमी 6:23

तलेबिस्याँ पाप लब्मैंइ योंबै नों सिब ग! दिलेया परमेश्‍वरजी छलेन् पिंबै दान ङ्योए प्रभु येशू ख्रीष्‍टउँइँले खोंयोंइ आखाँबै छ्ह योंब् ग।

२ कोरिन्थी 4:6

“मिछु खैबै क्‍ल्‍ह्‍योउँइँले ह्‍वे चाररिगे” बिसि परमेश्‍वरजी बिइ। येशू ख्रीष्‍टए लिउँइँले परमेश्‍वरए चारबै ह्‍वे कति थेब् मुँ बिब ङिइ सेरिगे बिसि खीजी ह्रोंसए ह्‍वे ङिए खोंर चारल् पिंइमुँ।

हिब्रू 11:1

बिश्‍वास बिब तो जा बिस्‍याँ ङ्योए सैंइ तो सैए फिर आशा थेंमुँ च सै क्ह्रोंसेंन तब्‍मुँ, धै मिइ आम्रोंलै या च सै योंब्‍मुँ बिसि भर लब् ग।

हिब्रू 11:27

बिश्‍वासउँइँलेन् मोशाइ फारो म्रुँए ह्रिसने आङ्हिंन्‍ले मिश्र ह्‍युल पिवाइ, तलेबिस्याँ परमेश्‍वरलाइ आम्रोंलेया म्रोंब् धोंलेन् च भोंसि तइ।

१ पत्रुस 1:8

क्‍हेमैंइ येशू ख्रीष्‍टलाइ खोंयोंइ आम्रोंइमुँ, दिलेया खीलाइ म्हाँया लरिइमुँ। खीलाइ तोगो आम्रोंलेया खीए फिर बिश्‍वास लइमुँ। धै बेल्‍ले सैं तोंरिइमुँ,

१ यूहन्‍ना 2:25

धै ख्रीष्‍टजी ङ्योने बाछा फैसि पिंम् बिबै सै खोंयोंइ आखाँबै छ्ह ग!

यहूदाइ प्‍ह्रिबै प्ह्रिछ्या 1:21

धै खोंयोंइ आखाँबै छ्ह योंबै ल्हागिर ङ्योए प्रभु येशू ख्रीष्‍टजी लबै ल्हयो ह्रेरिमा क्हेमैं परमेश्‍वरए म्हाँयार टिरिद्।