यूहन्‍ना 6:36 - परमेश्‍वरए ताँ तमु क्युइर

³⁶ दिलेया ङइ क्हेमैंने बिल् खाँइमुँ, क्‍हेमैंइ ङलाइ म्रोंसेया ङए फिर बिश्‍वास आल।

यूहन्‍ना 6:36 ပူးပေါင်းရင်းမြစ်များ

लूका 16:31

“दिलेया अब्राहामइ चने बिइ, ‘मोशा नेरो अगमबक्‍तामैंए ताँ आक्वेंस्याँ म्‍हि घ्रि सिबउँइँले सोगों तसि चमैं ङाँर ह्‍याना बिलेया चमैंइ क्‍वेंरिब् आरे।’”

यूहन्‍ना 12:37

येशूजी यहूदीमैंए उँइँर ल्हें औदिबै चिनुमैं लल। दिलेया चमैंइ खीए फिर बिश्‍वास आल।

यूहन्‍ना 15:24

अरू खाबज्यै या लल् आखाँबै औदिबै केमैं ङइ चमैंए उँइँर आलस्याँ चमैं पापए दोष आतमल। दिलेया चमैंइ ङ नेरो ङए आबा ङ्हिंना-ङ्हिंन् म्रोंसेया हेल लइमुँ।

यूहन्‍ना 6:26

येशूजी चमैंने बिइ, “क्ह्रोंसेंन ङ क्हेमैंने बिमुँ, ङइ लबै औदिबै चिनुमैं म्रोंसि क्हेमैंइ ङलाइ म्हैब आङिं, दिलेया म्रेंन्ले क्‍हें चल् योंबइले ङलाइ म्‍हैब् ग।

यूहन्‍ना 6:30

छबिमा चमैंइ येशूने बिइ, “क्हिए फिर बिश्‍वास लरिगे बिसि क्हिजी खैतबै चिनु ङिने उँइँमिंमुँ?

यूहन्‍ना 6:37

ङए आबाजी ङने पिंब्‍मैं ताँन् ङ ङाँर खब्‍मुँ, धै ङ ङाँर खब्‍मैंलाइ ङइ खैलसे या पिरिब् आरे।

यूहन्‍ना 6:40

खीए च्ह ङाँइ ङ्‍ह्‍योसि खीए फिर बिश्‍‍वास लब्‍मैं ताँनइ खोंयोंइ आखाँबै छ्‍ह योंरिगे बिब ङए आबाए सैं मुँ। झाइले ह्‍युलर्बै आखिरि त्हिंइर ङइ चमैं सोगों लमिंब्मुँ।”

यूहन्‍ना 6:64

दिलेया क्‍हेमैंए न्‍होंरि कतिइ ङए ताँमैं आक्वें।” (खीए फिर बिश्‍वास आलब्मैं नेरो खीलाइ धोका पिंसि क्हाल् पिंबै म्हि येशूजी ओंसों ओंनोंन् ङो सेल।)