यूहन्‍ना 6:33 - परमेश्‍वरए ताँ तमु क्युइर

³³ तलेबिस्याँ परमेश्‍वरजी पिंबै क्हें तो जा बिस्‍याँ, च स्‍वर्गउँइँले तयुसि ह्‍युलर्बै म्हिमैंलाइ खोंयोंइ आखाँबै छ्ह पिंबै म्हि ग।”

यूहन्‍ना 6:33 ပူးပေါင်းရင်းမြစ်များ

यूहन्‍ना 13:3

आबाजी तोन्दोंरि सै खीए योर पिंइँमुँ। धै खी परमेश्‍वरउँइँले युब् ग, झाइले परमेश्‍वर ङाँर्न ह्‍यासिन् मुँ बिबै ताँ येशूजी था सेल।

यूहन्‍ना 16:28

ङ आबउँइँले ह्‍युलर युइमुँ, तारे ह्‍युल पिसि ङ आबा ङाँर एह्‍याम्।”

यूहन्‍ना 17:8

तलेबिस्याँ क्हिजी ङने पिंबै ताँ ङइ चमैंने पिंइँमुँ। धै चमैंइ च ताँ क्वेंसि ङ क्हि ङाँइले युब् ग बिसि क्ह्रोंसेंन्ले सेइमुँ। झाइले क्हिजीन् ङ कुल्मिंब् ग बिसि चमैंइ क्वेंइँमुँ।

यूहन्‍ना 3:13

स्वर्गउँइँले युबै म्हिए च्ह बाहेक अरू खाबै या स्वर्गर आह्‍याइमुँ।

यूहन्‍ना 6:32

येशूजी चमैंने बिइ, “क्‍ह्रोंसेंन ङ क्‍हेमैंने बिमुँ, क्हेमैंलाइ स्वर्गउँइँले क्हें पिंब मोशाइ आङिं, स्वर्गउँइँले क्हेमैंलाइ क्ह्रोंसेंन्बै क्हें पिंब ङए आबा ग।

यूहन्‍ना 6:38

ह्रोंसए सैंर्बै ताँ पूरा लबर ङ स्वर्गउँइँले युब आङिं, ङलाइ कुल्‍मिंबै आबाए सैंर मैंबै केमैं पूरा लबर ङ युब् ग।

यूहन्‍ना 6:41

येशूजी “स्‍वर्गउँइँले तयुबै क्हें ङन् ग” बिबइले यहूदीमैंइ खीए बिरोधर गनगन लबर होंइ।

यूहन्‍ना 6:48

खोंयोंइ आखाँबै छ्ह पिंबै क्हें ङन् ग।

यूहन्‍ना 6:50

चु खोंयोंइ आखाँबै छ्ह पिंबै क्हें चब्मैं खोंयोंइ आसिरिगे बिसि चु क्हें स्‍वर्गउँइँले तयुइ।

यूहन्‍ना 6:58

स्वर्गउँइँले युबै क्हें ङए ज्यु ग। चु क्हें क्हेमैंए खेमैंइ चबै मन्‍न धों तब आङिं, चमैंइ च मन्‍न बिबै क्हें चलेया सियाइ। दिलेया चु क्हें चब्मैं खोंयोंइ या सोरिब्मुँ।”

यूहन्‍ना 8:42

येशूजी चमैंने बिइ, “क्‍हेमैंए आबा क्‍ह्रोंसेंन परमेश्‍वरन् ङिंस्‍याँम् क्‍हेमैंइ ङने म्हाँया लमल, तलेबिस्याँ ङ परमेश्‍वरउँइँले युब् ग। ङ ह्रोंसन् युदा ङ्हाँसि युब आङिं, दिलेया परमेश्‍वरजी ङ कुल्मिंब् ग।

१ तिमोथी 1:15

चु ताँ क्ह्रोंसेंन्बै मुँ, छतसि चु ताँ ताँन् म्हिमैंइ क्वेंल् त्‍हुम्: ङ्योए प्रभु पापिमैं जोगेबर ह्‍युलर युब् ग। पापिमैं न्होंरि ताँन् भन्दा ल्हें पाप लबै म्हि ङन् ग।