यूहन्‍ना 6:32 - परमेश्‍वरए ताँ तमु क्युइर

³² येशूजी चमैंने बिइ, “क्‍ह्रोंसेंन ङ क्‍हेमैंने बिमुँ, क्हेमैंलाइ स्वर्गउँइँले क्हें पिंब मोशाइ आङिं, स्वर्गउँइँले क्हेमैंलाइ क्ह्रोंसेंन्बै क्हें पिंब ङए आबा ग।

यूहन्‍ना 6:32 ပူးပေါင်းရင်းမြစ်များ

भजनमैं 78:23

दिलेया “चबै सै कुलद्” बिसि मुने बिमा खीजी मुर्बै म्रामैं थोंमिंइ,

प्रस्थान 16:4

छबिमा याहवेहजी मोशाने बिइ, “क्हेमैंए ल्हागिर ङइ स्वर्गउँइँले क्हें कुल्मिंब्मुँ। म्हिमैं त्हिंइ ह्रोंसे बैरु ह्‍यासि तिगैंर्बै छो योल्‍ले मत्‍त्रे खुरिगे। ङइ बिबै ताँ चमैंइ ङिमना उ आङिंमना बिसि ङइ जाँच लब्मुँ।

प्रस्थान 16:8

धबै मोशाइ बिइ, “याहवेहजी क्हेमैंलाइ ङेसर चबर से नेरो न्हाँगर म्रेंनाले क्हें पिंब्मुँ, तलेबिस्याँ क्हेमैंइ खीए बिरोधर गनगन लब खीजी थेइमुँ। ङि खाब् रो? क्हेमैंए चु गनगन ङिए बिरोधर आङिं, याहवेहए बिरोधर तइमुँ।”

यूहन्‍ना 1:9

ताँन् म्हिमैंलाइ ज्ञान पिंबै क्‍ह्रोंसेंन्‍बै चारबै ह्‍वे ह्‍युलर युसिन् मुँल।

यूहन्‍ना 15:1

“क्ह्रोंसेंन्बै अँगुरए धुँ ङन् ग, ङए आबा बिस्याँ धुँमैं छेनाले ङ्‍ह्‍योबै क्ल्हे ग।

यूहन्‍ना 6:31

ङिए खेमैंइ म्हि आटिबै क्ल्ह्‍योर मन्‍न बिबै चबै सै चइ। छ बिबै ताँ परमेश्‍वरए छ्वेर प्ह्रिइमुँ, ‘खीजी चमैं स्‍वर्गउँइँले क्हें चल् पिंइ।’”

यूहन्‍ना 6:33

तलेबिस्याँ परमेश्‍वरजी पिंबै क्हें तो जा बिस्‍याँ, च स्‍वर्गउँइँले तयुसि ह्‍युलर्बै म्हिमैंलाइ खोंयोंइ आखाँबै छ्ह पिंबै म्हि ग।”

यूहन्‍ना 6:35

येशूजी चमैंने बिइ, “खोंयोंइ आखाँबै छ्ह पिंबै क्हें ङन् ग। ङ ङाँर खब्‍मैं खोंयोंइ फो ख्रेंरिब आरे, धै ङए फिर बिश्‍वास लब्‍मैं खोंयोंइ क्‍यु पिरिब आरे।

यूहन्‍ना 6:41

येशूजी “स्‍वर्गउँइँले तयुबै क्हें ङन् ग” बिबइले यहूदीमैंइ खीए बिरोधर गनगन लबर होंइ।

यूहन्‍ना 6:50

चु खोंयोंइ आखाँबै छ्ह पिंबै क्हें चब्मैं खोंयोंइ आसिरिगे बिसि चु क्हें स्‍वर्गउँइँले तयुइ।

यूहन्‍ना 6:55

तलेबिस्याँ ङए ज्यु क्‍ह्रोंसेंन्‍बै चबै सै ग, धै ङए को क्‍ह्रोंसेंन्‍बै थुँबै सै ग।

यूहन्‍ना 6:58

स्वर्गउँइँले युबै क्हें ङए ज्यु ग। चु क्हें क्हेमैंए खेमैंइ चबै मन्‍न धों तब आङिं, चमैंइ च मन्‍न बिबै क्हें चलेया सियाइ। दिलेया चु क्हें चब्मैं खोंयोंइ या सोरिब्मुँ।”

गलाती 4:4

दिलेया तोक्दिबै त्हे पूरा तमा परमेश्‍वरजी ह्रोंसए च्‍ह कुल्‍मिंइ। खी म्‍हि तसि च्हमिरिए कोखाउँइँले ठिमए न्होंर फिइ।

१ यूहन्‍ना 5:20

क्ह्रोंसेंन्‍बै परमेश्‍वरलाइ ङ्योइ ङो सेरिगे बिसि खीए च्‍ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्‍वरए च्‍ह येशू ख्रीष्‍टने घ्रिन् तसि क्ह्रोंसेंन्‍बै परमेश्‍वरने घ्रिन् तम् बिसे या सेइमुँ। क्ह्रोंसेंन्‍बै परमेश्‍वर खीन् ग धै खीउँइँले खोंयोंइ आखाँबै छ्ह योंम्।