यूहन्‍ना 6:30 - परमेश्‍वरए ताँ तमु क्युइर

³⁰ छबिमा चमैंइ येशूने बिइ, “क्हिए फिर बिश्‍वास लरिगे बिसि क्हिजी खैतबै चिनु ङिने उँइँमिंमुँ?

यूहन्‍ना 6:30 ပူးပေါင်းရင်းမြစ်များ

प्रस्थान 4:8

झाइले परमेश्‍व‍रजी बिइ, “चमैंइ क्हिए ताँ आक्‍वेंसि च ओंसोंबै चिनु वास्ता आलस्याँ चमैंइ लिउँइँबै चिनु म्रोंसि क्‍वेंब्मुँ।

प्रस्थान 7:9

“फारोइ क्हेमैंने ‘औदिबै के लसि उँइँन्’ बिमा, क्हिइ हारुने ‘प्हरे फारोए उँइँर भ्योंवाँन्’ बिदु, धै च प्हरे प्हुरि तब्मुँ।”

मर्कूस 15:32

च यहूदीमैंए म्रुँ बिबै ख्रीष्‍ट मुँस्याँ तारे क्रूसउँइँले तसि युरिगे। च क्रूसउँइँले तसि युब् म्रोंस्याँ मत्‍त्रे ङिइ चए फिर बिश्‍वास लब्मुँ।” खीने बालु क्रूसर च्योवाबै म्‍हिमैंज्यै या येशूए बिल्‍लि लइ।

मर्कूस 8:11

फरिसीमैं येशू ङाँर खसि “क्ह्रोंसंन क्हि स्वर्गउँइँले युब् ग बिस्याँ औदिबै चिनु लसि उँइँन्,” बिसि प्होंबर होंइ।

यूहन्‍ना 10:38

दिलेया ङइ आबाए केंमैं लसेया क्हेमैंइ ङए फिर बिश्‍वास आल बिस्याँ चु केमैं फिर बिश्‍वास लद्। झाइले बल्‍ल ‘आबा ङने मुँ, ङै या आबाने मुँ,’ बिब क्‍हेमैंइ था सेब्मुँ।”

यूहन्‍ना 12:37

येशूजी यहूदीमैंए उँइँर ल्हें औदिबै चिनुमैं लल। दिलेया चमैंइ खीए फिर बिश्‍वास आल।

यूहन्‍ना 2:18

दिलेया यहूदी चिबनाँब्मैंइ खीने बिइ, “छले छों लब्मैंलाइ ल्हावाब क्हिने तो हग मुँ? हग मुँ बिस्याँ खैबै औदिबै चिनु उँइँमुँ?”

यूहन्‍ना 4:8

च त्हेर खीए चेलामैं बजारर चबै सैमैं किंबर ह्‍याल।

यूहन्‍ना 6:14

खीजी लबै छाबै औदिबै चिनु म्रोंसि च म्हिमैंइ “ह्‍युलर युल् त्हुबै अगमबक्‍ता क्ह्रोंसेंन चुन् मुँन,” बिइ।

यूहन्‍ना 6:2

झाइले ल्हें म्हि खीए लिलि खइ, तलेबिस्याँ खीजी नबै म्हिमैं सल् लमिंबै औदिबै चिनुमैं चमैंइ ओंसोंन् म्रोंल।

यूहन्‍ना 6:36

दिलेया ङइ क्हेमैंने बिल् खाँइमुँ, क्‍हेमैंइ ङलाइ म्रोंसेया ङए फिर बिश्‍वास आल।

चेला चिब्मैंए केमैं 4:30

झाइले नबै म्हिमैं सल् लमिंबर क्हिजी ह्रोंसए यो स्योंमा, ह्रोंसए सेवा लबै पबित्र येशूए मिंउँइँले औदिबै केमैं नेरो चिनुमैं तरिगे।”

१ कोरिन्थी 1:22

यहूदीमैंइ अचम्मबै चिनुमैं म्‍हैम्, ग्रिकमैंइ ज्ञान-बुद्धिए ताँमैं म्‍हैम्।

हिब्रू 2:4

छलेन परमेश्‍वरज्‍यै या थे-थेबै चिनुमैंउँइँले प्लेटोयान् तबै औदिबै केमैं लइ, धै खीए सैंर मैंब् धोंले खीजी म्‍हिमैंलाइ पबित्र प्ल्हउँइँले बरदानमैं पिंसि चु ताँए ग्वाइ पिंइ।